ஃபிஜி தீவில் ஹனிமூன் கொண்டாடிய ரம்பா

by ரபீக் Sun Jun 13, 2010 10:08 am

ஹாலிவுட் நடிகைகளை பின்பற்றி ஃபிஜி தீவிற்கு ஹனிமூன் விசிட் சென்று வந்திருக்கிறார் ரம்பா.ஃபிஜி தீவிற்கு ஹனீமூன் சென்ற முதல் இந்திய நடிகை என்ற பெருமையையும் ரம்பா பெற்றுள்ளார்.
ஒரு நாளைக்கு 4 லட்சம் ரூபாய் செலவாகும் ஃபிஜி தீவில் 15 நாட்கள் தங்கிவிட்டுத் திரும்பியிருக்கிறார் ரம்பா.

இது பற்றி ரம்பா அளித்த சிறப்பு பேட்டியில்,

ஹனிமூனுக்காக எங்கே போகலாம் என யோசிக்காமல் முடிவு எடுத்த இடம்தான் ஃபிஜி தீவு; என்னை யாரும் அடையாளம் கண்டுபிடிக்க முடியாத இடத்திற்குக் கூட்டிகிட்டு போகணும்ங்கிறது என் கணவரின் ஐடியா. நாங்க போன ஃபிஜி தீவிலுள்ள டர்பில் தீவில் மொத்தமே 12 வீடுகள்தான். நாங்க ஒரு வீட்டை எடுத்துத் தங்கினோம். ஜோடிகளுக்கான ஸ்பெஷல் தீவு என்பதால் மற்ற வீடுகளிலும் ஹனிமூன் ஜோடிகள் தான் தங்கியிருந்தாங்க. ஆள்நடமாட்டமே எங்கேயும் பார்க்க முடியவில்லை. எந்த இடத்திற்குப் போனாலும் அங்கே எங்களைத் தவிர யாருமே கிடையாது. ஹோட்டல் அறையை புக் செய்வதுபோல இந்தத் தீவில் ஒருகடற்கரையையே புக் செய்துக்கலாம். அந்த ஊரில் மொத்தம் 6 கடற்கரைகள். ஒருநாள் முழுக்க நாங்க ஒரு கடற்கரையை புக் பண்ணினோம். அந்த அமைதியான பீச்சில் நானும் அவரும் மட்டும் தான்.

தங்கியிருந்த இடத்தில் உபசரிப்புகளும், சாப்பாடு ஏற்பாடுகளும்கூட வித்தியாசமாக இருந்தது. எங்களுக்குக் கொடுக்கப்பட்ட காபி கப் உட்பட எல்லாவற்றிலும் எங்க ரெண்டு பேருடைய பெயர் எழுதியிருந்தாங்க. தீவிலிருந்து கிளம்பும்போது தங்கியிருந்த வீட்டு வாசலில் ஞாபகார்த்தமாக செடி நட்டு வைத்து, கல்லில் ரம்பா-இந்திரன்னு பெயர் பதிச்சுட்டு வந்திருக்கோம். மறுபடியும் எப்போது போனாலும் எங்க பெயர்களை அங்கே பார்க்கலாம். ஹனிமூன் போறவங்களுக்கு இப்படி ஒரு தனிமை அவசியம். இந்தத் தனிமையில் எங்க அன்பு இன்னும் இணக்கமாச்சு. நியூசிலாந்து எனக்குப் பிடித்த இடமென்பதால் அங்கேயும் போனோம்! என் கணவரின் ஊரான கனடாவுக்கும் சென்று தங்கிவிட்டுதான் திரும்பியிருக்கேன்.

அடுத்து நான் நடித்துக்கொண்டிருக்கிற விடியும்வரை காத்திரு படப்பிடிப்பு முடிந்து அடுத்த மாதம் வெளியாகும்வரை சென்னையில் இருப்பேன். ரொம்ப வித்தியாசமான கதாபாத்திரத்தில் இந்தப் படத்தில் நடிக்கிறேன். கணவர் என் நடிப்பு வேலைக்கு எந்தத் தடையும் சொல்லவில்லை என கூறி, தனக்கே உரிய குழந்தை சிரிப்புடன் நகர்ந்தார் ரம்பா.