ஆசிய கோப்பை கிரிக்கெட்: இந்திய வீரர்கள் இன்று சென்னையில் பயிற்சி

by ரபீக் Sat Jun 12, 2010 2:29 pm

ஆசிய கோப்பை கிரிக்கெட் போட்டி வருகிற 15-ந்தேதி இலங்கையில் தொடங்குகிறது. இந்தப்போட்டிக்கான இந்திய அணி ஏற்கனவே அறிவிக்கப்பட்டு விட்டது. யுவராஜ் சிங், யூசுப்பதான் அணியில் இருந்து நீக்கப்பட்டனர்.

ஆசிய கோப்பை போட்டியில் விளையாடும் இந்திய வீரர்கள் 2 நாள் சென்னையில் பயிற்சி பெற்று இங்கிருந்து இலங்கை செல்வார்கள் என்று ஏற்கனவே அறிவிக்கப்பட்டு இருந்தது.

அதன்படி இந்திய வீரர்கள் தனித்தனியாக இன்று சென்னை வந்தனர். மாலை 5 மணி முதல் இரவு 8 மணி வரை பயிற்சி பெறுகிறார்கள். 2-வது நாள் பயிற்சி நாளை (சனிக்கிழமை) காலை நடைபெறும்.

நாளை மாலை 6 மணியளவில் கேப்டன் டோனி, அணி மேலாளர் பிஸ்வால் பத்திரிகை நிருபர்களை சந்திக்கின்றனர்.
இந்திய அணி 13-ந்தேதி (ஞாயிற்றுக்கிழமை) மதியம் 12.15 மணிக்கு ஜெட் ஏர்வேஸ் விமானம் மூலம் கொழும்பு புறப்பட்டு செல்கிறது.