பலாப்பழத்தின் மருத்துவக்குணம்

by சபீர் Thu Jun 10, 2010 7:55 pm

முக்கனிகளில் மாம்பழம், வாழைப்பழம், ஆகியவற்றின் சிறப்புப்பர்றிக்
கண்டோம். மூன்றாவதான கனி பலா வாகும். கணிவகைகளில் அளவில் மிகப் பெரிது.
பலாப்பழத்தில் எத்தனையோ வகைகள் உள்ளன. ஒவ்வொன்றும் வெவ்வேறு சுவையுடைதாக
இருக்கும். இவற்றில் வேர்ப்பலா என்பது மரத்தின் வேர்ப்பாகத்திலேயே காயாகி கனியாகக்
கூடியது. பலா வகைகளில் வேர்ப்பலா தான் மணமும், சுவையும் மிகுந்ததாகும்.
பலாப்பழம் பச்சை நிறத்தாலான கரடுமுரடான மேல் தோலைக் கொண்டதாக இருக்கும். இதன்
தோல் உறுதியானது. அந்தத் தோலுக்கு அடிப்பாகத்தில் சுளைகள் நிறைந்து காணப்படும்.
பலாச்சுளைகள் ஒவ்வொன்றும் நரம்புகள் போன்ற சடைகளின் இடையில் பதிந்திருக்கும். இந்த
பலாச்சுளைகள் கூட பழத்திற்குப் பழம் வேறுபாடு உடையதாக இருக்கும்.
சில பழங்களின் சுளைகள் மஞ்சள் நிறத்திலும், சில வெண்மை நிறத்திலும் காணப்படும்.
இவரில் மஞ்சள் நிறத்தில் உள்ளவை இனிப்புச்சுவை மிகுந்ததாக இருக்கும். ஆனால்
நார்போன்று இருப்பதோடு எளிதில் துண்டுகளாகாது.
வெண்மை நிறத்தில் காணப்படும் பலாச்சுளை இனிப்பில் குறைந்திருக்கும். கடித்தவுடன்
எளிதில் துண்டுகளாகிவிடும். மென்றால் மாவுப் பொருளாகும். எல்லா வகைப்
பலாச்சுளையினுள்ளும் கோட்டைகள் காணப்படும். அவற்றை எடுத்துவிட்டால் பலாச்சுளை பை
போன்றிருக்கும். அவைதான் சாப்பிடத்தகுந்தவை.
பலாக்கொட்டைகளை வேகவைத்தோ, சுட்டோ அல்லது கறிகாய்களுடன் சேர்த்தோ சமைத்துச்
சாப்பிடலாம். பலாப்பழத்தில் வைட்டமின் ஏ உயிச்சத்து அதிகம் உள்ளது. இது உடலுக்கும்,
மூளைக்கும் வலுவளிக்கும்.
மேல் தோலை மிருதுவாகவும், வழவழப்பாகவும் செய்யும். பலாப்பழம் பல் தொடர்பான
நோய்களைப் போக்கிக் குனமாக்கக்கூடியது. அதனால் பலாச்சுளைகளை நன்கு மென்று தின்ன
வேண்டும். இதற்கு தொர்ருக்கிருமிகளை அழிக்கும் ஆற்றால் கூட உண்டு.
இரத்தத்தை விருத்தியாக்கக் கூடியது பலாப்பழம். ஆனால் பலாப்பழத்தை அதிக அளவு
சாப்பிடுவது கேடுதலாகும். பலாப்பழம் கிடைக்கும் காலங்களில் ருசிக்காக அளவுடன்
சாப்பிடலாம். அத்துடன் இப்பழத்தைச் சில முறைகளுடன் சாப்பிட கெடுதல்
விளைவதில்லை.
பலாப்பழத்தைச் சாப்பிட்டதும் கொஞ்சம் நெய் அல்லது பாலை அருந்துவது நல்லது.
இதனால் பலாப்ப்ழத்தினால் ஏற்படும் தொல்லைகள் நீங்குவதோடு உடல் பலம பெரும்.
பலாப்பழத்தில் தேன் அல்லது நெய் கலந்தும் கூட சாப்பிடலாம். இதனால் இதயம், மூளை
வளர்ச்சியடையும், நரம்புகளுக்கும் உடலுக்கு ஊட்டச்சத்தை அளிக்கும்.
நெய், தேன் இல்லாது போனாலும் பரவாயில்லை. பலாச்சுளைகளுடன் சிறிது நாட்டுச்
சர்க்கரையாவது கலந்து சாப்பிடலாம். இதனால் உடல் பொலிவு பெரும், தாகம் தணியும்,
குடலுக்கும் வலிமை தரும். வவாரின்ரியும் அளவுக்கு அதிகமாகவும் சாப்பிட்டால் மந்தம்
ஏற்படும், வாந்தி உண்டாகும். இதனால் வயிற்று வலி, மலச்சிக்கலும் ஏற்படும்.
மூலநோய் உள்ளவர்கள் ஒன்றிரண்டு சாப்பிடலாம். அதிகம் சாப்பிட்டால் தொல்லை
அதிகமாகும். வாத நோயாளிகள் பலாப்பழத்தை சாப்பிடுவதைத் தவிர்ப்பது நல்லது. சளி,
இருமல் நோயால் வருந்துபவர்கள் இப்பழத்தை சாப்பிட்டால் இருமல் அதிகமாகும்.
மாதவிடாய் நாள்களில் பெண்கள் இப்பழத்தைச் சாப்பிட்டால் போக்கு அதிகமாகும்.
குழந்தைக்குப் பால் கொடுக்கும் தாய்மார்கள் பலாப்பழத்தைச் சாப்பிடாமல் இருப்பது
நல்லது. அப்படி சாப்பிட்டால் குழந்தைக்கு மாந்தநோய் ஏற்படும்.
பலாப்பழத்தில் வைட்டமின் ஏ உயிர்ச்சத்து அதிக அளவு உள்ளது.