எல்லையற்ற ஆற்றல்

by **சிவா** Fri Jul 03, 2009 8:17 am

மனித குலத்தின் பின்னணியில் எல்லையற்ற அறிவு மற்றும் எல்லையற்ற ஆற்றலின் கடல் உள்ளது. ஒவ்வொரு மனிதனும் அதிலிருந்து புறப்படுகின்ற ஒரு வாய்க்கால் மட்டுமே என்று ராஜயோகம் கூறுகிறது.

மனிதனுக்கு ஆசைகளும், தேவைகளும் உள்ளன. அவற்றை, நிறைவேற்றும் ஆற்றலும் அவனிடமே உள்ளது. எங்கெல்லாம், எப்போதெல்லாம் ஒரு விருப்பமோ ஒரு தேவையோ, ஒரு பிரார்த்தனையோ நிறைவேற்றப்படுகிறதோ அது இயற்கைக்கு அப்பாற்பட்ட ஒருவரால் செய்யப்படவில்லை. இந்த எல்லையற்ற ஆற்றல் சக்தி களஞ்சியத்திலிருந்தே அவை நிறைவேற்றப்பட்டன என்று அது போதிக்கிறது.

இயற்கைக்கு அப்பாற்பட்ட தேவர்கள் பற்றிய எண்ணம் மனிதனின் செயலாற்றலைச் சிறிது தூண்டுகிறது. அதே வேளையில் அவனுக்கு ஆன்மீகத் தளர்ச்சியைக் கொடுக்கவும் செய்கிறது. அவன் ஏதோ ஒன்றைச் சார்ந்து வாழச் செய்கிறது. அச்சத்தை அளிக்கிறது. மூடநம்பிக்கையைக் கொண்டு வருகிறது.

இயற்கையிலேயே பலவீனமான மனிதனுக்குள் அது ஒரு சீரழிந்த, பயங்கரமான நம்பிக்கையாக மாறுகிறது. இயற்கைக்கு அப்பாற்பட்ட ஒன்று இல்லை.

-விவேகானந்தர்