இரு பெண்களிடம் ஆலோசனை பெறுகிறேன்: மன்மோகன் சிங்

நாட்டை சிறந்த முறையில் வழிநடத்திச் செல்வதற்காக தான் இரு பெண்களிடம் ஆலோசனை பெற்றுவருவதாக பிரதமர் மன்மோகன் சிங் தெரிவித்தார்.

​ ஐக்கிய முற்போக்கு கூட்டணி அரசு இரண்டாவது தடவையாக பொறுப்பேற்று ஓராண்டு நிறைவடைந்ததை ஒட்டி பிரதமர் மன்மோகன் சிங்,​​ தில்லியில் திங்கள்கிழமை செய்தியாளர்களுக்கு அளித்த பேட்டியின் போது இதைத் தெரிவித்தார்.

​ பிரதமர் மன்மோகன் சிங் இப்படி சொன்னதுமே யார் அந்த பெண்கள் என்பதை அறிந்து கொள்வதில் செய்தியாளர்கள் முனைப்பு காட்டினர்.​ யார் அந்த பெண்கள் என்று போட்டி போட்டுக்கொண்டு கேட்டனர்.

​ ஆனால் மன்மோகன் சிங்கோ உடனடியாக பதில் சொல்லவில்லை.​ சற்றுநேரம் செய்தியாளர்களைப் பார்த்தவாறு அமைதியாக இருந்தார்.​ செய்தியாளர்களோ யார் அந்த இருவர் என்று கேட்டு துளைத்தெடுத்தனர்.​ இதையடுத்து,​​ எனக்கு ஆலோசனை கூறும் பெண்கள் யார் என்பதை அறிந்து கொள்ள நீங்கள் அனைவரும் ஆவலாக உள்ளீர்கள்.​ இதற்கு மேலும் நான் சொல்லாமல் இருக்க விரும்பவில்லை என்ற மன்மோகன்,​​ எனக்கு ஆலோசனை வழங்கும் அந்த இரு பெண்கள் எனது மனைவி குருசரண் கெüரும்,​​ காங்கிரஸ் தலைவர் சோனியா காந்தியும்தான் என்று கூறி சஸ்பென்ஸýக்கு முற்றுப்புள்ளி வைத்தார்.​ மன்மோகன் சிங் இதைக் கூறியதுமே செய்தியாளர்கள் மத்தியில் சிரிப்பலை எழுந்தது.

​ தொடர்ந்து பேசிய மன்மோகன் சிங்,​​ தனது மனைவி குருசரண் கெüரும்,​​ சோனியா காந்தியும் வெவ்வேறு விஷயங்களில் தனக்கு சிறந்த ஆலோசனை வழங்கி உதவி வருவதாகவும் தெரிவித்தார்.

​ எந்த வேலை இருந்தாலும் வாரத்துக்கு ஒரு தடவை சோனியா காந்தியை சந்தித்து நாட்டின் அரசியல் நிலவரம் மற்றும் நிர்வாகம் சார்ந்த விஷயங்கள் குறித்து தான் ஆலோசிக்கத் தவறுவதில்லை என்றும் மன்மோகன் சிங் கூறினார்.

​ சமீபகாலமாக உங்களுக்கும்,​​ சோனியா காந்திக்கும் இடையேயான நம்பகத்தன்மை குறைந்து வருவதாக தகவல் வெளியாகிறதே என்ற கருத்தை நிராகரித்த மன்மோகன் சிங்,​​ சோனியா காந்தியிடம் தான் தொடர்ந்து ஆலோசனை பெற்று வருவதாகத் தெரிவித்தார்.

​ சோனியா காந்தி ஐக்கிய முற்போக்கு கூட்டணி மற்றும் காங்கிரஸ் கட்சியின் தலைவர்.​ நானோ காங்கிரஸ் கட்சியை சேர்ந்த ஒரு நபர்.​ இதனால் எங்கள் இருவருக்கும் இடையே நம்பகத்தன்மை குறைந்துவருகிறது என்ற கேள்விக்கே இடமில்லை என்றார் மன்மோகன் சிங்.

ஒரு பொண்ணுக்கே தாங்காது, ரெண்டு பொண்ணுங்க கிட்ட கேட்டா விளங்கிடும்....ம்ஹூம்.