கடவுளும் நானும்

by **V.Annasamy** Tue May 25, 2010 9:35 am

ஆம். கடவுளைக் கண்டேன் நான் !!

நம்பக் கடினம் ஆனது தான்.

என்ன வேண்டும் என்றார், சிரித்தபடி.

என்ன சொல்ல.. திகைத்தேன், பார்த்ததும்.

அவரின் உதடுகளின் அசைவில் மூழ்கி..

கவனம் சிதறாமல், முற்றிலும் ஆழமாய்..

அகலாத கண்கள், கேளாத செவி,
வெகுவாய் கட்டுண்ட புதுவித உலகில்..

முன்னம் இருந்த முடிவிலா கோரிக்கைகள்..

சின்னா பின்னமாய், எதுவும் புரியாதவனாய்..

அக்கணத்தில் நினைவூட்ட கணனி இல்லை.

அக்கம் பக்கம் ஒருவரும் இல்லை.

மறக்க அடிப்பது அவர் செயலோ?

சிறந்ததோர் மந்திரமோ மயக்கும் மாயமோ?

.......

திடீரென எவரோ என்னை எழுப்ப,

முடிந்தவரை கத்தினேன். கனவென அழுதேன்.

இருவேற்று நிலைகள் - சில மணிகளில்

புருவம் தூக்கிய வண்ணம் எண்ணகளுடன்..

உள்ளமோ உறுதியாய், புதிராய், லேசாய்

அளப்பரியா தொலைவு விமானமின்றி விந்தையாய்..

மீண்டும் ஒர்முறை கண்டு மகிழ

தூண்டும் உணர்வில், உணர்வின்றி நான்.

by சபீர் Tue May 25, 2010 11:27 am

by மஞ்சுபாஷிணி Tue May 25, 2010 12:21 pm

மிக அருமை அன்னாசாமி...

இறைவனை காண்பது அரிது... அவர் கனவில் வந்து அருள் தந்தமைக்கு மிக அருமையா கொடுத்திருக்கீங்க.. எத்தனை கோரிக்கை மனதில் இருந்தாலும்... கேட்கனும்னு நினைவே இல்லாம செய்வது இறைவனின் திருவிளையாடல் தாம்பா...

பாராட்டுக்கள்.....