ஏமாறாத எமன்

by சம்சுதீன் Fri May 14, 2010 2:52 pm

விஞ்ஞானி ஒருவர், தன்னைப் போலவே அச்சாக பல மனிதர்களை உருவாக்கும் நுட்பத்தைக் கண்டறிந்தார். அதன்படி அவர் உருவாக்கிய நகல்களுக்கும் அசலுக்கும் வித்தியாசமே தெரியவில்லை!

ஒரு நாள், தன் உயிரைக் கவர்ந்து செல்ல எமதர்மன் வரப் போகிறான் என்பதை அறிந்தார் விஞ்ஞானி.
ஏற்கெனவே தான் உருவாக்கி வைத்திருந்த ஒரு டஜன் நகல் மனிதர்களுக்கு நடுவில் போய் நின்று கொண்டார்.

பூலோகம் வந்த எமதர்மன், உருவத்தில் விஞ்ஞானியைப் போன்றே இருக்கும் பதின்மூன்று பேரில் உண்மையானவர் யார் என்பதைஅறிய முடியாமல் குழம்பிப் போய் வெறுங்கையுடன் திரும்பினான். மரணத்தை வென்று விட்டதாகக் குதூகலித்தார் விஞ்ஞானி.

இருப்பிடம் திரும்பிய எமதர்மன் நன்கு யோசித்தான். அவன் மனதில் ஒரு திட்டம் பளிச்சிட்டது. பாசக்கயிற்றுடன் பூலோகம் வந்தவன், விஞ்ஞானியின் இடத்தை அடைந்தான். ''ஐயா! நீங்கள் பேரறிஞர்தாம். உங்களைப் போலவே ஒரு டஜன் உருவங்களைச் செய்து விட்டீர்கள். ஆனால், ஒரே ஒரு குறைதான்...'' என்றான்.

விஞ்ஞானிக்குப் பொறுக்கவில்லை. ''என்னிடமே குறை காண்கிறாயா.. என் பெருமையை அறியாதவனே..'' என்று எமதர்மனின் கைகளைப் பிடித்து அகந்தையுடன் உலுக்கிக் கேட்டார். உடனே எமதர்மன், ''தற்பெருமை என்ற ஒரே குறைதான். வாருங்கள் எமலோகத்துக்கு!'' என்று விஞ்ஞானியை இழுத்துச் சென்றான்.

by அப்புகுட்டி Fri May 14, 2010 2:56 pm

சிந்திக்க வேண்டிய விசயம் சம்ஸ் நல்ல கதை வாழ்த்துக்கள்.

by அன்பு தளபதி Fri May 14, 2010 3:28 pm

சூப்பர்

by வழிப்போக்கன் Fri May 14, 2010 4:07 pm

பாடம் புகட்டும் கதை பகிர்விற்கு நன்றி நண்பரே மகிழ்ச்சி

by சம்சுதீன் Fri May 14, 2010 4:13 pm

வழிப்போக்கன் wrote:பாடம் புகட்டும் கதை பகிர்விற்கு நன்றி நண்பரே

நன்றி நண்பா ஏமாறாத எமன் 678642

by முத்தியாலு மாதேஷ் Fri May 14, 2010 5:02 pm

யோசிக்க வேண்டிய விஷயம்தான்

by எஸ்.எம். மபாஸ் Fri May 14, 2010 5:45 pm

by ARR Fri May 14, 2010 5:48 pm

தற்பெருமை உயிருக்கு உலை வைக்கும் என்னும் நீதிசொல்லும் அரிய கதை.. !

இனி நாம் சுய தம்பட்டத்தைக் கையிலெடுக்கும்போதெல்லாம் எமனின் பாசக்கயிறு நெஞ்சில் நிழலாடும்..!

பயனுள்ள பகிர்வு சம்சு.. பாராட்டுகள்..!