அன்னையர் தின ஸ்பெசல் ::தாய் கவிதை::

by ஸ்ரீ கிருஷ்ணன் Sun May 09, 2010 11:57 am

தாய் கவிதை
தாய் போல அரவணைக்க
தரணியிலே யாருண்டு?
சேயெனக்கு உணவளிக்க
சேற்றினிலும் நடந்திடுவாள்

தாய்மடியில் தலைசாய்த்தால்
பசிகூட மறந்துவிடும்
வெண்குரலில் பண்ணிசைத்து
வேந்தனெனைத் துயில வைப்பாள்

இனிப்புகளை எனக்களித்தாள்
இன்சுவையை அவளறியாள் – பட்டப்
படிப்புகளை எனக்களித்தாள்
பள்ளியினை அவளறியாள்

தவறு செய்து நான் வருவேன்
தடியெடுத்து அடித்திடுவாள்
தேம்பியழ நினைக்கும் முன்னே
தேனெடுத்து பூசிடுவாள்

இனிமையிலும், வறுமையிலும்
இருப்பதையே பகிர்ந்தளித்தாள்
தடைக்கல்லில் இடறுகையில்
படிக்கல்லாய் அவளிருந்தாள்

ஊருறங்கும் வேளையிலே
உணவுகளைச் சமைத்திடுவாள்
உயிருறங்கும் வேளையிலும்
சமைத்தவுடன் உண்ணமாட்டாள்

மிஞ்சியவை உண்டுவிட்டு
மீண்டுமெனை அணைத்துக் கொள்வாள்
தாய் போல அரவணைக்க
தரணியிலே வேறுளரோ…?

by மஞ்சுபாஷிணி Sun May 09, 2010 2:41 pm

தாய்க்கு நிகர் தாய் மட்டுமே ஆகமுடியும்....

தெய்வம் நேரே வந்து காக்க முடியாது என்பதாலே

தாயை அனுப்பி வைத்தார் உலகுக்கு....

தாயை தெய்வமாய் நினைத்து போற்றுவோருக்கு

தன் உயிரையும் தர மறுப்பதில்லை.....

அருமையான தாய்க்கான கவிதை...

அன்பு நன்றிகள் ஸ்ரீ க்ருஷ்ணன்...

by **Manik** Sun May 09, 2010 2:46 pm

சூப்பர் கவிதை கிருஷ் அசத்திட்ட நண்பா

by அன்பு தளபதி Sun May 09, 2010 2:47 pm

Manik wrote:சூப்பர் கவிதை கிருஷ் அசத்திட்ட நண்பா

வா நண்பா

by ஹனி Sun May 09, 2010 4:53 pm

அன்பான அன்புக் கவிதை இத் தாய்க் கவிதை.
நன்றிகள் பல...

by ஸ்ரீ கிருஷ்ணன் Sun May 09, 2010 4:56 pm

மஞ்சுபாஷிணி wrote:தாய்க்கு நிகர் தாய் மட்டுமே ஆகமுடியும்....

தெய்வம் நேரே வந்து காக்க முடியாது என்பதாலே

தாயை அனுப்பி வைத்தார் உலகுக்கு....

தாயை தெய்வமாய் நினைத்து போற்றுவோருக்கு

தன் உயிரையும் தர மறுப்பதில்லை.....

அருமையான தாய்க்கான கவிதை...

அன்பு நன்றிகள் ஸ்ரீ க்ருஷ்ணன்...