இன்னுமொரு பிறவி வேண்டும்!

மீண்டும் மீண்டும் அந்த நினைவுறுத்தல்கள்!
இளமைக் காலங்களின் நிகழ்வுகளை
அசை போட்டபடி கனத்த இதயத்தோடு....
தலையை ஆட்டும் தள்ளாத வயது!
உடல் வேண்டுமானால் சுருங்கிக் கிடக்கலாம்....
ஆனால் இதயத்திலும் நினைவுகளிலும்
சுருக்கங்கள் இன்ப நீரோடைகளாகவே இருக்கின்றன!
உனது காலடி கொலுசுச் சத்தம்
இன்னும் எனது செவிகளில் ஒழித்துக் கொண்டே இருக்கிறது!
கடைக்கண் பார்வைகளின் கவிதை வரிகள்
நெஞ்சப் புத்தகத்தில் படிக்கப்படாத
காவியமாய் இலங்குகிறது!
தென்றல்கூட தணலாய்ச் சுடுகின்ற காலங்களில்
உனது பார்வைகள் குளிர் நிலவாய் இருந்தது
நினைவுச் சுரங்கத்தில் இன்றுகூட ஒரு
கல்வெட்டாய்க் காட்சியளிக்கிறது!
இறைவா! மீண்டும் அந்த காதலின் சுகானந்த
காலங்களை சந்திக்க....
இன்னுமொரு பிறவி வேண்டும்!

.........கா.ந.கல்யாணசுந்தரம்.

by நிலாசகி Thu Apr 22, 2010 1:46 pm

அருமையான வரிகள் ::ஸ்டார்::
மரணம் மட்டும் துரத்தும் ஆசைகள்

நன்றி...நிலாசகி அவர்களே.

by ஹனி Thu Apr 22, 2010 4:18 pm

மீண்டும் மீண்டும் அந்த நினைவுறுத்தல்கள்!
இளமைக் காலங்களின் நிகழ்வுகளை
அசை போட்டபடி கனத்த இதயத்தோடு....
தலையை ஆட்டும் தள்ளாத வயது!
உடல் வேண்டுமானால் சுருங்கிக் கிடக்கலாம்....
ஆனால் இதயத்திலும் நினைவுகளிலும்
சுருக்கங்கள் இன்ப நீரோடைகளாகவே இருக்கின்றன
மகிழ்ச்சி

by ரமீஸ் Thu Apr 22, 2010 11:50 pm

கடைக்கண் பார்வைகளின் கவிதை வரிகள்
நெஞ்சப் புத்தகத்தில் படிக்கப்படாத
காவியமாய் இலங்குகிறது!

அருமையான கவிதை அதிலும் இந்த வரிகள் ரொம்ப பிடித்திருக்கிறது.

மகிழ்ச்சி