கண்களை பெரிதாக காட்டும் புருவங்கள்

by rikniz Tue Jun 23, 2009 10:26 am

சிலரைப் பாருங்கள். அவர்களுடைய நெற்றி பெரிதாக இருக்கும். பெரிய நெற்றிக்காரர்கள் அறிவாளிகள் என நாம் ஆறுதல் கூறிக்கொண்டாலும் இது அழகு விஷயத்தில் சற்று குறைச்சலான விஷயமே.

அவர்களுடைய நெற்றி பெரியதாக இருக்கிறதே. நெற்றியின் அளவைக் குறைத்து காட்டுவதற்கு என்ன செய்யலாம் என்பதே இவர்களது மனதை எப்போதும் குடைந்து கொண்டிருக்கும் கேள்வியாகும். இவர்கள் தங்கள் நெற்றியின் அளவைக் குறைத்துக் காட்டுவதற்கு புருவத்தை அதற்கு ஏற்றவாறு அமைத்துக் கொள்ள முடியும். அது சரி. என்ன மாதிரி ஷேப் செய்து கொண்டால் நெற்றியின் அளவு குறைவாகத் தெரியும்? புருவத்தை உங்கள் முகத்துக்கு ஏற்றவாறு ஷேப் செய்து கொள்ளலாம்.

புருவத்தை ஷேப் செய்வதால் மட்டும் நெற்றியை சிறியதாக காட்ட முடியாது. நெற்றியை மறைக்கும் படி முடியை முன்புறம் விட்டு ஹெயார் ஸ்டைல் பண்ணலாம் அல்லது முடியை முன்புறமாக விட்டு பிரிஞ்ச் கட் செய்து கொள்ளலாம். பின்னர் புரு வத்தை மேலே தூக்கலாக தெரியும்படி ஷேப் செய்து கொண்டால் நெற்றியின் அகலம் தெரியாது. பார்க்கவும் மிகவும் அழகாகத் தெரியும். இன்னும் சிலரைப் பார்த்தீர்களானால் புருவத்தில் முடியே இருக்காது. இன்னும் சிலருக்கு ஐபுரோ பென்சிலால் புருவத்தை தேய்த்து தேய்த்து முடியெல்லாம் உதிர்ந்து போயிருக்கும்.

உதிர்ந்த புருவ முடி வளர வேண்டுமா? அதற்கு என்னசெய்யலாம்? புருவ முடி உதிர்ந்து விட்டதே அல்லது எனக்கு புருவத்தில் முடி இல்லையே எனக் கவலையே பட வேண் டாம். விளக்கெண்ணெயை லேசாகச் சூடு செய்து புருவத்தில் தடவி மசாஜ் செய்தால் முடிகள் நன்றாக வளரும். அதுமட்டுமல்லாமல் ஐபுரோ ஒயில் என்று கடைகளில் கிடைக்கிறது. இதில் விளக்கெண்ணெயும் ரோஸ்வோட்டரும் கலந்துள்ளது. இதை வாங்கி புருவத்தில் தடவி மசாஜ் செய்தால் விரைவில் முடி முளைத்து புருவங்கள் அழகாகும். கண்களை எப்படி பெரிதாகக் காட்டுவது? சில பெண்களைப் பாருங்கள் அழகாக நல்ல நிறமாக வாட்டசாட்டமாக கூட இருப்பார்கள் ஆனால் அவர்களது கண்களைப் பார்த்தால் கண்கள் இடுங்கிய மாதிரி இருக்கும். சட்டெ னப்பார்த்தால் சீனப் பெண்கள் போல் இருப்பார்கள். புருவத்தைக் கொண்டு கூட உங்கள் கண்களை அழகு படுத்தலாம். கண்கள் பெரிதாகத் தெரியும்படி புருவத்தை எப்படி அமைத்துக் கொள்ளலாம்? கண்கள் இப்படி இடுங்கிய மாதிரி இருப்பதற்கு புருவங்கள் திக்காக இருப்பதும் ஒரு காரணம் தான்.

புருவங்கள் "திக்'காக இருப்பவர்களுக்கு கண்கள் சிறியதாகத் தெரியுமே தவிர உண்மையில் அவர்களின் கண்கள் சரியான அளவில்தான் இருக்கும். நீங்கள் உங்கள் புருவத்தை மெல்லியதாக திரடிங் செய்து கொண்டால் கண்களின் அழகு எடுப்பாகத் தெரியும். அதோடு லைட் கலரில் ஐ ஷடோவும் மஸ்காராவும் பயன்படுத்தவும். கண்கள் இன்னும் அழகாகத் தெரியும். ஐலைனர் பயன்படுத்தினால் கண்கள் சிறியதாக தெரிய வாய்ப்புண்டு. இன்னும் சிலரைப் பார்த்தால் புருவங்கள் இருப்பதே தெரியாது.

அத்தோடு புருவ முடிகள் மிகவும் குறைவாக இருக்கும். இவர்கள் திரடிங் செய்தால் புருவம் இருப்பது போல் தெரியும். புருவத்தை திரடிங் செய்தால் புருவங்கள் அழகாகத் தெரியும் ஆனால் புருவத்தை மிகவும் மெல்லியதாக ஷேப் செய்யாமல் சற்று "திக்'காக வைத்துக் கொள்ளலாம். புருவத்தை திரடிங் செய்து கொள்ளப் போகும் போது "ஐபுரோ' பென்சிலால் வரைந்து கொண்டு போவது நல்லது. ஏனென்றால் நாம் விரும்பிய படி புருவத்தை ஷேப் செய்து கொள்ளலாம். புருவமே இல்லாதவர்கள் நிரந்தரமாக புருவத்தை அமைத்துக் கொள்ள ஐபுரோ டாட்டூ முறையைப் பயன்படுத்திக் கொள்வது நல்லது. ஐபுரோ டாட்டூ என்பது புருவங்கள் உள்ள இடத்தில் டாட்டூ பிக்மென் டேஷனை நிரப்பி நிரந்தரமாக புருவங்களை அமைக்கும் மேக்கப் பாகும். இதனால் முகத்திற்கு அழகு கிடைப்பதுடன் உங்களுடைய மனக்குறையும் அகன்று விடும்.

உங்கள் கண்கள் பெரிய இமைகளைக் கொண்டிருப்பின்...

கண் இமைகளை சிறியது போன்று காட்டுவதற்கு இமைகளின் மேல் முனைப் பகுதியில் அழுத்தமான ஐ ஷடோக்களை இடவும். பிறகு அதே வர்ணத்தின் இளம் நிறத்தை நடுப்பகுதியில் இட்டு மீண்டும் அழுத்தமான நிறத்தைக் கொண்டு முடியுங்கள். கண்ணின் முனைப்பகுதிகளில் ஐ லைனரை நன்கு அழுத்தமாக வைத்து கண்களின் அழகுக்கு அழகு சேருங்கள்.

சிறிய கண்களைக் கொண்டவர்கள்..நன்கு அழுத்தமான வர்ண ஐ ஷடோவைக் கொண்டு இமைகளின் மேற்புறங்களில் கோடிட்டுக் கொள்ளுங்கள். பிறகு இளம் நிற ஐ ஷேடோவைக் கொண்டு நிரப்புங்கள். இப்போது ஐ லைனரைக் கொண்டு அழுத்தமான கோட்டில் ஆரம்பித்து மிக மெல்லிய கோட்டுடன் இமைகளின் இறுதியை முடியுங்கள். சிறிய கண்களும் தற்போது எடுப்பாகத் தோன்றும்.

உள்நோக்கி இருக்கும் கண்களுக்கு...

கண்கள் மீது ஐ ஷடோக்களை இடாமல் மேல் இமையில் அழுத்தமாக ஐ லைனரை மட்டும் அழகாக போட்டு இமையின் முடிவில் அழுத்தமாக முடிக்கவும். இது உங்கள் கண்களை அழகாக்கும்.