கற்பிணி பெண்கள் பற்களுக்கு சிகிச்சை எடுத்துக்கொள்ளலாம்

by rikniz Tue Jun 23, 2009 10:17 am

எல்லாச் சிக்கல்களுக்கும் மறுக்கப்பட்ட புன்னகைதான் காரணம் என்கிறது வரலாறு. ஒவ்வொருவரின் வெற்றிக்கும் அடித்தள மாக இருப்பதும் புன்னகையே. புன்னகை, எங்கு சிக்கல்களுக்கு ஆளாகிறதோ, அங்கு தோல்வி உருவாகிறது. புன்னகை பூக்க மறுப்பதற்கு மனம் ஒரு காரணி என்றால் அதற்கு நிவாரணம் தேடலாம். அதற்குக் கார ணம் சீரற்ற பல் வரிசைதான் என்றால்... பல் மருத்துவ நிபுணர்களைத்தான் நாடவேண் டும். பல் தொடர்பாக நம்மில் பலருக்கு இருக்கும் சந்தேகங்களை சென்னை சிருஷ்டி மருத்துவமனையில் இயங்கிவரும் டூத் ஹெல்ப் லைனின் இயக்குநரும் பல் மருத் துவ நிபுணருமான டொக்டர். பிரியா பிரபாகர் முன் வைத்தோம்.

பற்களில் தோன்றும் நோய்களால் உயிரிழப்பு இல்லை என்கிறபோது, பற்க ளுக்கான சிகிச்சைக்கு ஏன் முக்கியத்து வம் அளிக்கவேண்டும்? இந்தக் கருத்து பற்களுக்கான சிகிச்சை குறித்த போதிய விழிப்புணர்வு இல்லாத போது உருவானது. ஆனால் தற்போது இது குறித்த விழிப்புணர்வு பெருகி வருவதால் பற்களுக்கு சிகிச்சை என்பதை விட, பற் களின் ஆரோக்கியத்தில் அதிக அக்கறை காட்டப்பட்டு வருகிறது. அத்துடன் யாரும் உறுதியான, நிஜப் பற்களை எந்தச் சூழலி லும் இழக்க முன்வருவதில்லை. அவை எப் படியாகப் பாதிக்கப்பட்டிருந்தாலும், கூடிய வரையில் செயற்கைப் பல்லைப் பொருத் தாமல், அதைச் சற்று மேம்பட்ட நிலையில் பராமரிக்கவே முக்கியத்துவம் தருகிறார்கள். அவசியம் ஏற்பட்டாலொழிய செயற்கைப் பல்லைப் பொருத்துவதில்லை. அத்துடன் பற்களின் ஆரோக்கியத்தை வைத்தே அவர் களின் உடல் ஆரோக்கியத்தை நிர்ணயித்து விட முடியும் என்பதை அனேகமானோர் உணர்ந்திருக்கிறார்கள்.

பல் வரிசை சீரின்றி இருப்பவர்க ளுக்கு பற்களைஉள்ளடக்குவதற்காக கிளிப் போடுகிறார்கள். இதன் மூலம் எந்த அளவிற்கு பற்கள் உள்ளடங்கவாய்ப்பு இருக்கிறது?

பற்களுக்குக் கிளிப் போடுவது தெற்காசி யாவில் கடந்த பத்து ஆண்டுகளாகத்தான் பிரபலமடையத் தொடங்கியிருக்கிறது. ஆனால் அமெரிக்க, ஐரோப்பிய நாடுகளில் கிளிப் மூலம் சிகிச்சையளிப்பது முப்பது ஆண்டுகளுக்கு முன்னரே அறிமுகப்படுத் தப்பட்டுவிட்டது. ஒவ்வொருவரின் பற்க ளினதும் சீரற்ற தன்மையைப் பொறுத்தே கிளிப் மாட்டப்படுகிறது. ஒவ்வொரு பல்லுக்கும் தனித்தனியே கிளிப் போடுவதால், செலவு கூடினாலும் சிறப்பான பலனை அளிப்பதால் அனைவரும் அதனை வரவேற்கின்ற னர். மேலும் இதன்மூலம் ஒவ் வொருவருடைய பற்களின் தனித்தன்மையைப் பொறு த்து மூன்று முதல் நான்கு மி.மீ வரை உள்ளடங்கும் வாய்ப்பு உள்ளது.

தற்போது "ஸ்மைல் டிசைனிங்' என்ற ஒன்றை அறிமுகப்படுத்தியிருக்கி றோம். அதாவது, பற்க ளின் அமைப்பு சமச்சீராக இல்லாமல் இருப்பவர்களுக்கு, அவர்களது தோற்றப்பொலிவினை மேம்படுத்தும் வகை யில் பற்களைச் சீரமைப்பது. இந்த வகையில் பற்கள் சீரமைக்கப்பட்ட பின் அவர்களின் புன்னகை, அவர்களுக்கே ஒரு தன்னம்பிக் கையையும் புத்துணர்வையும் அளிக்கும்.

பற்களின் உயரத்தைக் குறைப்பதற் கான சிகிச்சையில் பற்களின் நுனியில் அமைந்திருக்கும் எனாமலும் பாதிக்கப்பட வாய்ப்புள்ளதே. இதற்கு என்ன தீர்வு? தகுதி வாய்ந்த பல் மருத்துவர்கள் யாரும், எனாமலைப் பாதிக்கும் வகையில் பற்களுக்கு சிகிச்சையளிக்க மாட்டார்கள். அப்படியே எனாமல் பாதிக்கப்பட்டாலும், அதன் அளவினைப் பொறுத்து, அதனைத் தொடர்ந்து பராமரிக்கும் வகையில் பல் சீரமைப்பு நிபுணரிடம் சிகிச்சை பெற்றுக் கொள்ள வேண்டும். இல்லையெனில் பற்க ளின் உறுதித்தன்மை குறையும்.