முதுமையிலும் துள்ளுங்கள்

ஆள்தான் வளர்ந்திருக்கிறானே தவிர, அறிவு இன்னு வளரலையே கள்ளங் கபடு இல்லை.. சின்னக் குழந்தைங்க அவன் இப்படி சொல்வதைக் கேட்டிருப்பீர்கள்.

சின்னப் பிள்ளையாக இருக்கும் பருவத்தில், எதைப்பார்த்தாலும் வியப்பது, மகிழ்ச்சியாக இருக்கும்போது துள்ளிக்குதிப்பது, எதையும் பொருட்படுத்தாமல் விளையாடுவது என இருந்திருப்போம். இப்போது அதெல்லாம் நினைவில்கூட இருக்காது.

இதைவிட சின்னக் குழந்தையாக இருந்தபோது. கைகால்களை நீட்டி உதைத்துக்கொண்டு அதிலேயே ஆனந்தம் கண்டிருப்போம்.

இந்த மாதிரியான நிலை நடுத்தர வயது வந்த பிறகு வரவேண்டும் என்கிறார்கள் ஆய்வாளர்கள்.

என்ன கிண்டலா என்கிறீர்களா?

முதுமையில் இயலாமை, தசை விரைப்பு, டென்ஷன் போன்ற பல தொல்லைகள் வருகின்றன அல்லவா?

குழந்தைப் போல உதைத்துக்கொள்வதால் தசை விரைப்புகள் தளர்ச்சியடைந்து இயல்பான நிலைக்கு வருகிறது. இவ்வாறு தசைகளை தளர்த்துவதால் வேறு என்ன நன்மை எனக் கேட்கலாம்

நமது உடலில் பரிவு நரம்பு மண்டலம், இணைப்பரிவு நரம்பு மண்டலம் என இரண்டு நரம்பு மண்டலங்கள் உள்ளன. பரிவு நரம்பு மண்டலம்தான் உடல் வெப்ப நிலையை கட்டுப்பாட்டுக்குள் வைத்துக்கொள்ளும். செரிமானச் செயல்பாடு, இதயத்துடிப்பின் அளவு, சுவாசத்தின் அளவு, ரத்த ஓட்டம், ரத்த அழுத்தம், தசை விரைப்பு ஆகியவற்றை சமப்படுத்துகிறது.

இணைப்பரிவு நரம்பு மண்டலம் ஆக்சிஜன் தேவையை மட்டுப்படுத்துகிறது. வலியை குறைக்கிறது. உள்ளுறுப்புகளை தூண்டிவிடுகிறது. மனதுக்கு மகிழ்ச்சியையும், அமைதியையும் தரும் செரடோனின் அளவை அதிகரிக்கிறது.

குழந்தை ஏதாவது வித்தியாசமான ஒன்றைப்பார்த்துவிட்டால் குதூகலிக்க ஆரம்பித்துவிடும். இவ்வாறு குதூகலிப்பதால் பெரியவர்களுக்கு இன்னொரு நன்மையும் இருக்கிறது.

மனதுக்குப் புத்துணர்ச்சி தரும் எண்ணங்களோடு இயைந்து நடக்கும்போது ரத்த ஓட்டம் முதல், உள்ளம் வரை இளமைத் துள்ளலோடு இருக்கும். செக்ஸ் லைப் நன்றாக இருக்கும். இது இல்லாத பட்சத்தில், அதாவது பயம், கவலை, சோர்வு, எதிர்மாறான எண்ணங்கள் போன்றவற்றை கொண்டிருக்கும் பட்சத்தில் செக்ஸ் லைப்பில் சுமாராகக்கூட ஈடுபட முடியாமை, அந்த எண்ணம் தோன்றாத நிலை போன்றவை உண்டாகின்றன, ஆளுமைக் குறைபாட்டையும் உண்டாக்கிவிடும் என ஆராய்ச்சியாளர்கள் எச்சரிக்கிறார்கள்.

எதிலும் புதுமை இல்லாவிட்டால் படுக்கை அறை கசக்கத் தொடங்கும். எதையும் தெரிந்துகொள்ள வேண்டும் என்ற துடிப்புடன் குழந்தை இருப்பதைப் போல, எதிலும் ஆர்வமுடன் இருந்தால் மூளைச் செல்கள் சுறுசுறுப்பாக வேலை செய்யும். இல்லாவிட்டால் நினைவிழப்பு, அல்சைமர் போன்ற நோய்கள் ஏற்படும்.
குழந்தையைப் போல எதிலும் மாற்றத்தை விரும்ப வேண்டும்.

படிப்பில் மாற்றம், பணியில் மாற்றம், நண்பர்களில், சூழல்களில் மாற்றம்.. இப்படி எதிலும் மாற்றங்களைக்கொண்டு வந்துவிடவேண்டும். அப்போது புதுமைகளை செய்ய முடியும்.

நன்றாக உடல் குலுங்கி செயல்படும் போது மூளையிலிருந்து எண்டார்பின்கள் போன்ற ரசாயனங்கள் சுரந்து, உடலை சுறுசுறுப்பாகவும், புத்துணர்வுடனும் வைத்துக் கொள்ளும்.

இதெல்லாம் வேண்டாம் என சோம்பலாக இருக்கும் நிலையில் நோய்கள் உடம்பில் கூடாரமடித்துக் கொண்டு உட்கார்ந்துவிடும்.

எப்படி ராசா, நம்மளோட இளமை ரகசியம் என்னன்னு இப்பவாவது புரியுதா?

எங்க கண் நோள்ளைக்கண்ணு இல்லீங்கோ நம்ம்புரத்த்ூக்கு