தமிழ் அறிவோம் - என் மகன்

by **சிவா** Mon Apr 12, 2010 12:18 am

''எனது மகன் பாரிக்கும் மெய்யாத்தூர் வேலப்பன் அவர்களது மகள் முல்லைக்கும் நடைபெறும் திருமணத்திற்குத் தாங்கள் தங்கள் குடும்பத்துடன் வந்திருந்து சிறப்பிக்க வேண்டுகிறேன்".

மேற்காணப்படும் பகுதியில் பொதுவாகத் தவறு ஏதும் இருப்பதாகத் தெரியாது. ஆனால் இதில் ஒரு பெரும் தவறு இடம் பெற்றிருக்கிறது. எனது, அவர்களது என்னும் சொற்களில் உள்ள அது என்பது ஆறாம் வேற்றுமை உருபு ஆகும். அதற்கு உரிய பொருள் கிழமைப் பொருள். அதாவது உரிமையைக் குறிக்கும் பொருள்.

ஒருவர் தம்முடைய சொத்துகளைக் குறிப்பிடும் போது அது என்னும் உருபைப் பயன்படுத்தலாம். எடுத்துக்காட்டாக எனது வீடு, எனது நிலம், எனது வண்டி, எனது பணம் எனபன போல வரும் இடங்களில் ஆறாம் வேற்றுமை உருபைப் பயன்படுத்தலாம்.

எனது மனைவி, எனது கணவன், எனது மகன், எனது மகள், எனது தந்தை, எனது மாமா என்பன போன்ற இடங்களில் அது என்னும் உருபைப் பயன்படுத்துவது தமிழ்ப் பண்பாட்டுக்கு மாறானதாகும். தமிழ்ப் பண்பாட்டில் மக்களுக்கு அ·றிணைப் பொருள்கள் தாம் உரிமையுடைய சொத்துகளாக இருக்க முடியுமே தவிர உயர்திணைப் பொருள்கள் சொத்துகளாக இருக்க முடியாது. கணவனுக்கு மனைவி சொத்தாக இருக்க முடியாது. தந்தைக்கு மக்கள் சொத்தாக இருக்க முடியாது. அவர்களுக்கு இடையிலே இருப்பது உறவுதானே தவிர சொத்துரிமை அன்று. ஒருவர் தம் நிலத்தை விற்கலாம். குத்தகைக்கு விடலாம். அடகு வைக்கலாம். ஆனால் ஒருவன் அல்லது ஒருத்தி, தன் மனைவியையோ, கணவனையோ, உடன் பிறந்தாரையோ, தமக்குப் பிறந்த மக்களையோ விற்றல் முதலியன செய்ய முடியாது.

இக்கருத்தைப் பின்வரும் தொல்காப்பிய நூற்பா தெளிவாக்குகிறது:

"அது வென் வேற்றுமை
உயர்திணைத் தொகைவயின்
அதுவென் உருபு கெடக் குகரம் வேண்டும்."

இதன்படி அது என்னும் உருபு வரக்கூடிய உயர்திணைத் தொகைநிலைத் தொடர்களுக்கெல்லாம் 'கு' என்னும் உருபுதான் வரவேண்டும். எனது மனைவி என்பது போன்ற தொடர்களில் எனக்கு மனைவி, எனக்கு கணவன், எனக்கு மகள் என்பன போல 'கு' உருபை அமைத்துச் சொல்வதுதான் சரி. அப்படிக் குறிப்பிடும் வழக்கம் இல்லாமையால் நமக்கு அங்கு 'கு' உருபைப் பயன்படுத்துவது பொருத்தம் அற்றது போல் தோன்றும் ஆகவே 'கு' உருபை அவ்விடங்களில் பயன்படுத்த விரும்பாவிட்டால் எந்த உருபையும் பயன்படுத்தாமலேயே வேற்றுமைத் தொகையாகவே குறிப்பிட்டு விடலாம். எடுத்துக்காட்டாக என் மகன், என் மகள், என் கண்வன், என் மனைவி, என் மக்கள் என்பனவற்றைக் கூறலாம்.

டாக்டர்.மா.நன்னன்

by **Aathira** Mon Apr 12, 2010 12:27 am

அறிய வேண்டிய தமிழ் இலக்கணம் இது. அறியத்தந்தமைக்கு மிக்க நன்றி சிவா.. [You must be registered and logged in to see this image.]

by kalaimoon70 Mon Apr 12, 2010 12:42 am

Aathira wrote:அறிய வேண்டிய தமிழ் இலக்கணம் இது. அறியத்தந்தமைக்கு மிக்க நன்றி சிவா.. [You must be registered and logged in to see this image.]

by கலைவேந்தன் Mon Apr 12, 2010 9:45 am

முதுகலை வகுப்பில் பயின்ற செய்தி இது, இதுகாறும் மறந்து போய்விட்டிருந்தது.

நினைவு கூர வைத்தமைக்கு மிக்க நன்றி சிவா...! [You must be registered and logged in to see this image.]