இதயத்தில் ஊடுருவிய வாள்

by ரூபன் Fri Jun 19, 2009 11:28 pm

காதல் ---- காதலும் கற்று மற...

மனதை திறந்து வைத்துக்கொள்ளுங்கள்... இந்த காதல் பக்கங்களை புரட்டும் முன்பு...

இதயத்தில் ஊடுருவிய வாள் Mancryingadj

விளையாட்டு
என்று தான் கருதினேன்
முதலில்.
முதல் சுவடிலேயே
சேருமிடத்தைக்
கணிக்க முடிந்திருக்கவில்லை
என்னால்.
உன்
பாதக் கிளிகள்
என்னிடம் வந்தே
இளைப்பாறும் என்றிருந்தன
என் இறுமாப்புகள்.
துவக்கமும்
முடிவுமற்றுப் போன
ஒரு
வட்டக் குடுவைக்குள்
நீச்சலடித்துக் கொண்டிருந்தது
உனைச் சார்ந்த
என் நினைவுகள்.
நான்
உனக்களித்தச் சிறகை
நீ
என்னை விட்டுப் பறந்து போகவே
பயன்படுத்தினாய்
என்பதும்
எல்லோருக்கும் தெரிந்தபின்பே
எனக்குத் தெரிந்தது.
மகன் செய்த தவறுகளை
காலம் கடந்து அறிந்து
கதிகலங்கும்
தாயைப் போல,
இதயத்தை ஊடுருவியது வாள்.
கண்களை விட்டுப் பறந்தன
ஓராயிரம் பறவைகள்.
கால்களை விட்டு
வெளியேறின என் காலங்கள்.
இப்போது
என்
முதல் சுவடின் நிழலில்
கலைந்து கொண்டிருக்கிறது
உன் கடைசிச் சுவடு.

by **சிவா** Sat Jun 20, 2009 6:18 am

கவிதையும் எழுத வருமா!!!
சகலகலா வல்லவன் தான் நீங்கள்!!!

by amloo Sat Jun 20, 2009 2:06 pm

ruban1 wrote:
நான்
உனக்களித்தச் சிறகை
நீ
என்னை விட்டுப் பறந்து போகவே
பயன்படுத்தினாய்
என்பதும்
எல்லோருக்கும் தெரிந்தபின்பே
எனக்குத் தெரிந்தது.
மகன் செய்த தவறுகளை
காலம் கடந்து அறிந்து
கதிகலங்கும்
தாயைப் போல,

உணமையிலும் உண்மை.மிகப் பெரிய உண்மை..
ரூபன் பின்னுறீங்களே பா....சூப்பர்...

by **ராஜா** Sat Jun 20, 2009 2:09 pm

வாவ் , ரூபன் இது நீங்க எழுதியதா ? , மிக நன்றாக இருந்தது , இதைப்போல் சிறந்த படைப்புகளை உங்களிடம் இருந்து நிறைய எதிர்பார்க்கிறோம்

by **Manik** Sun Jun 21, 2009 4:29 pm

ரூபன் சாரா இத எழுதினது. அற்புதம் அருமை. எத்தனை நாள் யோசிச்சு எழுதுனீங்க. இந்த மாதிரி கவிதை எழுதனும்னா அதுக்கு ரொம்ப யோசிக்கிற சக்தி வேணும். Really ur Great for telling love of Mom