நான். நானே!(அறிமுகம்)

அன்பான தமிழ் உறவுகளுக்கு!
என்னுடைய சொந்த படைப்புக்களை மட்டுமே
என் உறவுகளுடன் பகிர்கிறேன்.
எண்ணம்... எழுத்து... உணர்வு யாவும் எனதே!

என் கவிதையின் லட்சியம் பற்றிய
ஒரு கவிதை!

கயமைகளை கடைந்தெடுத்து
கவியால் அதை கொலு பிடித்து
கழுவிலேற்ற வந்து நிற்கும்
கடமையுள்ள குடிமகன் நான்..!

குலவிளக்காம் பெண் அவளும்
கொப்பளித்த குமுறல்களை
கொக்கரித்து வந்து நிற்கும்
கொழுந்து விட்ட தீப் பந்தம் நான்..!

மார்க்கம் தந்த நன்னெறியை
மாற்றி எங்கும் மத வெறியாய்
ஆக்கி விட்ட விசமிகளை
அடையாளம் காட்ட வந்தேன்..!

சமத்துவமாய் நாமிருக்க - அதில்
சாதி மதம் கால் பதிக்க
களைந்து விட்ட ஒற்றுமையை
கவியாலே மீட்டு வந்தேன்..!

நான்... வசந்தவாசல் அ.சலீம்பாஷா.

by சபீர் Wed Apr 07, 2010 8:28 pm

ரொம்ப அருமையான வரிகள் நண்பரே வாழ்த்துக்கள்

by kalaimoon70 Wed Apr 07, 2010 8:34 pm

மார்க்கம் தந்த நன்னெறியை
மாற்றி எங்கும் மத வெறியாய்
ஆக்கி விட்ட விசமிகளை
அடையாளம் காட்ட வந்தேன்..!

சமத்துவமாய் நாமிருக்க - அதில்
சாதி மதம் கால் பதிக்க
களைந்து விட்ட ஒற்றுமையை
கவியாலே மீட்டு வந்தேன்..! அருமை தோழரே .தொடருங்கள் உங்கள் ஆக்கங்களை . மகிழ்ச்சி