நாளும் ஒரு திருக்குறளும் அதன் விளக்க உரையும்

by சாந்தன் Mon Apr 05, 2010 10:09 am

அதிகாரம்: கடவுள் வாழ்த்து

குறள் எண்: 1

அகர
முதல எழுத்தெல்லாம் ஆதி
பகவன் முதற்றே உலகு.

விளக்கம்:

அகரம் எழுத்துக்களுக்கு முதன்மை. அதுபோல் உலகில் வாழும் உயிர்களுக்கு இறைவன்
முதன்மை.

பரிமேலழகர் உரை: எழுத்துக்கள் எல்லாம் அகரம் ஆகிய முதலை உடையன.
அதுபோல உலகம் ஆதிபகவன் ஆகிய முதலை உடைத்து.

மு.வ உரை: எழுத்துக்கள் எல்லாம் அகரத்தை அடிப்படையாக கொண்டிருக்கின்றன. அதுபோல உலகம் கடவுளை அடிப்படையாகக் கொண்டிருக்கிறது.

கலைஞர் உரை: அகர எழுத்துகளுக்கு முதன்மை, ஆதிபகவன், உலகில் வாழும் உயிர்களுக்கு முதன்மை.

சாலமன் பாப்பையா உரை: எழுத்துக்கள் எல்லாம் அகரத்தில் தொடங்குகின்றன; (அது போல) உலகம் கடவுளில் தொடங்குகிறது.

by சாந்தன் Tue Apr 06, 2010 8:15 am

குறள் எண்: 2

கற்றதனால் ஆய பயனென்கொல் வாலறிவன்
நற்றாள் தொழாஅர் எனின்.

விளக்கம்:

தூய அறிவு வடிவாக விளங்கும் இறைவனுடைய நல்ல திருவடிகளை
தொழாமல் இருப்பாரானால், அவர் கற்ற கல்வியினால் ஆகிய
பயன் என்ன?

கலைஞர் உரை:
தன்னைவிட அறிவில் மூத்த பெருந்தகையாளரின் முன்னே வணங்கி நிற்கும் பண்பு இல்லாவிடில் என்னதான்
ஒருவர் கற்றுஇருந்தாலும் அதனால் என்ன பயன்?. ஒன்றுமில்லை.

மு.வ உரை:
தூய அறிவு வடிவாக விளங்கும் இறைவனுடைய நல்ல திருவடிகளை தொழாமல் இருப்பாரானால், அவர் கற்ற கல்வியினால் ஆகிய பயன் என்ன?.

சாலமன் பாப்பையா உரை:
தூய அறிவு வடிவானவனின் திருவடிகளை வணங்காதவர், படித்ததனால் பெற்ற பயன்தான் என்ன?.

by சாந்தன் Wed Apr 07, 2010 8:35 am

குறள் 3:
மலர்மிசை ஏகினான் மாணடி சேர்ந்தார்
நிலமிசை நீடுவாழ் வார்.

கலைஞர் உரை:
மலர் போன்ற மனத்தில் நிறைந்தவனைப் பின்பற்றுவோரின் புகழ்வாழ்வு, உலகில் நெடுங்காலம் நிலைத்து நிற்கும்.

மு.வ உரை:
அன்பரின் அகமாகிய மலரில் வீற்றிருக்கும் கடவுளின் சிறந்த திருவடிகளை பொருந்தி நினைக்கின்றவர், இன்ப உலகில் நிலைத்து வாழ்வார்.

சாலமன் பாப்பையா உரை:
மனமாகிய மலர்மீது சென்று இருப்பவனாகிய கடவுளின் சிறந்த திருவடிகளை எப்போதும் நினைப்பவர் இப்பூமியில் நெடுங்காலம் வாழ்வர்.

by சாந்தன் Thu Apr 08, 2010 9:13 am

அறத்துப்பால்

அதிகாரம்: கடவுள் வாழ்த்து
குறள் எண்: 4

வேண்டுதல் வேண்டாமை இலானடி சேர்ந்தார்க்கு
யாண்டும் இடும்பை இல.

விளக்கம்:

விருப்பு வெறுப்பு இல்லாத கடவுளின் திருவடிகளை பொருந்தி நினைக்கின்றவர்க்கு
எப்போதும் எவ்விடத்திலும் துன்பம் இல்லை.

கலைஞர் உரை:

விருப்பு வெறுப்பற்றுத் தன்னலமின்றித் திகழ்கின்றவரைப் பின்பற்றி நடப்பவர்களுக்கு எப்போதுமே
துன்பம் ஏற்படுவதில்லை.

மு.வ உரை:

விருப்பு வெறுப்பு இல்லாத கடவுளின் திருவடிகளை பொருந்தி நினைக்கின்றவர்க்கு
எப்போதும் எவ்விடத்திலும் துன்பம் இல்லை.

சாலமன் பாப்பையா உரை:

எதிலும் விருப்பு வெறுப்பு இல்லாத கடவுளின் திருவடிகளை மனத்தால் எப்போதும் நினைப்பவருக்கு உலகத்
துன்பம் ஒருபோதும் இல்லை.

by சாந்தன் Fri Apr 09, 2010 8:29 am

அறத்துப்பால்

அதிகாரம்: கடவுள் வாழ்த்து

குறள் எண்: 5

இருள்சேர் இருவினையும் சேரா இறைவன்
பொருள்சேர் புகழ்புரிந்தார் மாட்டு.

விளக்கம்:

கடவுளின் உண்மைப் புகழை விரும்பி அன்பு செலுத்துகின்றவரிடம் அறியாமையால் விளையும் இருவகை வினையும் சேர்வதில்லை.

கலைஞர் உரை:
இறைவன் என்பதற்குரிய பொருளைப் புரிந்து கொண்டு புகழ் பெற விரும்புகிறவர்கள், நன்மை தீமைகளை ஒரே அளவில் எதிர் கொள்வார்கள்.

மு.வ உரை:
கடவுளின் உண்மைப் புகழை விரும்பி அன்பு செலுத்துகின்றவரிடம் அறியாமையால் விளையும் இருவகை வினையும்
சேர்வதில்லை.

சாலமன் பாப்பையா உரை:
கடவுளின் மெய்மைப் புகழையே விரும்புபவரிடம் அறியாமை இருளால் வரும் நல்வினை, தீவினை என்னும் இரண்டும் சேருவதில்லை.

by சபீர் Fri Apr 09, 2010 12:35 pm

அழகான கருத்து நிர்மல் நன்றி

by kalaimoon70 Fri Apr 09, 2010 1:06 pm

சபீர் wrote:அழகான கருத்து நிர்மல் நன்றி

நாளும் ஒரு திருக்குறளும் அதன் விளக்க உரையும் 678642

நாளும் ஒரு திருக்குறளும் அதன் விளக்க உரையும் 154550

by மனோஜ் Fri Apr 09, 2010 1:17 pm

வெள்ளி சனி ஞாயிறு மூன்றுக்கும் ஒரே பதிவா நிர்மல்
மூன்றுமே முத்தான கருத்துடையது ! வாழ்த்துக்கள் !

by சாந்தன் Sat Apr 10, 2010 10:27 am

குறள் 6:

பொறிவாயில் ஐந்தவித்தான் பொய்தீர் ஒழுக்க
நெறிநின்றார் நீடுவாழ் வார்.

கலைஞர் உரை:

மெய்,வாய், கண், மூக்கு, செவி எனும் ஐம்பொறிகளையும் கட்டுப்படுத்திய தூயவனின் உண்மையான ஒழுக்கமுடைய நெறியைப் பின்பற்றி நிற்பவர்களின் புகழ்வாழ்வு நிலையானதாக அமையும்.

மு.வ உரை:

ஐம்பொறி வாயிலாக பிறக்கும் வேட்கைகளை அவித்த இறைவனுடைய பொய்யற்ற ஒழுக்க நெறியில்நின்றவர், நிலை பெற்ற நல்வாழ்க்கை வாழ்வர்.சாலமன்

பாப்பையா உரை:

மெய், வாய், கண், மூக்கு,செவி ஆகிய ஐந்து பொறிகளின் வழிப் பிறக்கும் தீய ஆசைகளை அழித்து கடவுளின் பொய்யற்ற ஒழுக்க வழியிலே நின்றவர் நெடுங்காலம் வாழ்வார்.

by சபீர் Sat Apr 10, 2010 11:33 am

ரொம்ப அருமையான கருத்து நன்றி நண்பா தொடருங்கள் உங்கள் இந்த தொடரை

by Sponsored content

நாளும் ஒரு திருக்குறளும் அதன் விளக்க உரையும்

நாளும் ஒரு திருக்குறளும் அதன் விளக்க உரையும்

Re: நாளும் ஒரு திருக்குறளும் அதன் விளக்க உரையும்

Re: நாளும் ஒரு திருக்குறளும் அதன் விளக்க உரையும்

Re: நாளும் ஒரு திருக்குறளும் அதன் விளக்க உரையும்

Re: நாளும் ஒரு திருக்குறளும் அதன் விளக்க உரையும்

Re: நாளும் ஒரு திருக்குறளும் அதன் விளக்க உரையும்

Re: நாளும் ஒரு திருக்குறளும் அதன் விளக்க உரையும்

Re: நாளும் ஒரு திருக்குறளும் அதன் விளக்க உரையும்

Re: நாளும் ஒரு திருக்குறளும் அதன் விளக்க உரையும்

Re: நாளும் ஒரு திருக்குறளும் அதன் விளக்க உரையும்

Re: நாளும் ஒரு திருக்குறளும் அதன் விளக்க உரையும்