வெறுமை

by nandhalala Fri Apr 02, 2010 12:31 am

பல முறை சந்தித்திருப்போம்.
இரவும் பகலும்
சமமாய் தோன்றும்.
சத்தம் பிடிக்காது,
சாப்பிட பிடிக்காது,
ஐம்புலன்களும் விழித்தபடி தூங்கும்,
உள்ளுக்குள்
இனம் புரியாமல்
விழித்திருக்கும் என்னவென்று
தெரியாத ஏதோ ஒன்று.
பந்தய குதிரையாய்
நினைவுகள் ஓடும்.
உறவுகளை வெறுத்து
உணர்வில் வாழ பிடிக்கும்.
மனசு கனத்து
மௌனம் மட்டுமே பேசும்.
நிஜம் சொல்லட்டுமா ?
வெளிச்சத்தில் தெரிவதெல்லாம்
உண்மையல்ல‌
"வெறுமை என்பதே நிஜம் "