காதல் வெறி

by **ரிபாஸ்** Tue Mar 23, 2010 6:25 pm

காதல் வெறி
காதலெனும்
போதை
கடிவாளம் இல்லாமல்
கண்டபடி ஓடும்!

கற்பனையில் மிதக்கும்
கற்பனையும்
உண்மையென
கண்டவரிடம் சொல்லும்!

எல்லையில்லா வானம்கூட
இதற்கு
நிகரில்லையென்று கூறும்!

விடிய விடிய பேசினாலும்
வேண்டாம்
என்று கூறாது!

இலக்கணங்கள் தேவையில்லை
இவர்கள் பேச்சிக்குள்!

உலகையே
மறந்திருக்கும்
ஒரு நிலை இங்கிருக்கும்!

முக்கனி சுவையும்
தேனும்
தினைமாவும்
தோல்விப்படும் இவர்கள் பேச்சில்!

தற்கொலையா?
கொலையா?
தயங்காது எதற்கும் இது!

உள்ள உறவுகளை
உதறி விடும்
சிலவேலை!

உலகையே எதிhத்து நிற்கும்
உறுதியை இது கொடுக்கும்!

ஒரே
நோக்கு ஒரே முடிவு
எதிர்ப்பதெல்லாம் சுக்கு நூறு!

மதுவையும்
மிஞ்சிவிடும்
மயக்கத்தை இது கொடுக்கும்!

மதுவெறியோ மாறிவிடும்
மாறாது
காதல் வெறி!

மந்திரம்போல் மயக்கி
மனதை இழுத்துச் செல்லும்!