கத்தரிக்காயைப் போல் மரபணு மாற்றப்பட்ட ஆடுகள் உருவாகிறது

by சரவணன் Sat Mar 20, 2010 11:27 am

மரபணு மாற்றப்பட்ட பி.டி.பருத்தி, பி.டி. கத்தரிக்காய் ஆகியவற்றுக்கு கடும் எதிர்ப்பு கிளம்பி உள்ளது. மரபணு மாற்றப்பட்ட பருத்தியை பயிரிட்டால் குறிப்பிட்ட நிறுவனங்களையே விவசாயிகள் நம்பும் நிலை ஏற்படும். நிலத்தின் தன்மை பாதிக்கப்படும் என்று கூறப்பட்டது. எனவே அதை பயிரிடுவதில் சிக்கல் ஏற்பட்டது.

மரபணு மாற்றப்பட்ட கத்தரிக்காய் வந்தால் அதை சாப்பிடுவோருக்கு பல்வேறு நோய்கள் வரும். காலம் காலமாக இருந்து வரும் கத்தரிக்காய் ரகங்கள் அழிந்து விடும் என்ற கருத்து வெளியாகியது. இதனால் பொதுமக்கள் கருத்தை முழுமையாக அறிந்த பிறகே வணிக ரீதியில் மரபணு கத்தரிக்காயை பயிரிட முழு மையான அனுமதி தருவது பற்றி முடிவு செய்யப்படும் என்று மத்திய அரசு அறிவித்துள்ளது.

இந்த நிலையில் மரபணு மாற்றம் செய்யப்பட்டுள்ள வெள்ளாடுகளை உருவாக்கும் முறையை அமெரிக்க விஞ்ஞானிகள் கண்டுபிடித்துள்ளனர். இப்போது அமெரிக் காவிலும், ஐரோப்பிய நாடுகளிலும் மரபணு மாற்றப்பட்ட ஆடுகளை வளர்க்கத் தொடங்கி விட்டார்கள்.

மரபணு மாற்றப்பட்ட செம்மறி ஆடுகளும் உருவாகி வருகின்றன. இதுவும் இன்னும் சில ஆண்டுகளில் சந்தைக்கு வர இருக்கிறது.மரபணு மாற்றப்பட்ட வெள்ளாட்டில் இருந்து பெறப்படும் பாலில் மனித உடலில் சீரான ரத்த ஓட்டத்தை தரும் “ஆன்டிதிராம்பின்” என்ற புரதம் இருக்கிறது. உடலில் நோய் எதிர்ப்பு சக்தியை அதிகரிக்கிறது என்றும் விஞ்ஞானிகள் தெரிவித்துள்ளனர். “ஏட்ரின்” என்ற மருந்தும் இந்த ஆடு களில் இருந்து தயாரிக்கப்பட்டு ஐரோப்பிய நாடுகளில் விற்கப்படுகிறது.

மரபணு மாற்றப்பட்ட செம்மறி ஆடுகளில் இருந்து பெறப்படும் பாலில் சிஸ்டிக் பைபுரோசிஸ் என்ற புரதம் இருக்கிறது. மாதவிடாய் பிரச்சினை உள்ள பெண்களுக்கு இது மருந்தாக அமையும் என்று கண்டுபிடிக்கப்பட்டுள்ளது.

மரபணு மாற்றம் செய்யப்பட்ட வெள்ளாடுகளும், செம்மறி ஆடுகளும் வேக மாக உருவாகி
வருகின்றன. “இந்த வகை ஆடுகள் நமது தலைமுறையை பாதிக்கும் விஷயம். எனவே,வெளி நாடுகள் இந்த ஆடுகளை பயன்படுத்திய பிறகுதான் இந்தியாவுக்கு வர அனுமதிக்க வேண்டும்” என்று மரபியல் ஆராய்ச்சி நிபுணர் டாக்டர் சுதாகர் கருத்து தெரி வித்துள்ளார்.

மரபணு மாற்றப்பட்ட ஆடுகளை மருந்துக்காக மட்டுமே பயன்படுத்த வேண்டும். உணவுக்கு பயன்படுத்தக்கூடாது” என்ற கருத்தும் உள்ளது.

ஆட்டிறைச்சி விலை தாறுமாறாக உயர்ந்து வரும் நிலையால், மரபணு ஆடுகளை குறைந்த விலையில் விற்று அதிகலாபம் குவிக்கலாமா என்று மொத்த வியாபாரிகள் இப்போதேகனவு
காணலாம் என்றாலும், மரபணு மாற்றப்பட்ட விதைகள், காய்கள், பயிர் வகைகளை முழுமையாக ஆய்வு செய்யும் நவீன ஆராய்ச்சி கூடம் இந்தியாவில் இல்லை. ஆகவே மரபணு ஆடுகளால் ஏற்ப டும் பிரச்சினை தெரியாமல் இந்த ஆடுகளை இந்தியாவுக்குள் அனுமதிக்கக்கூடாது என்ற குரல்கள் இப்போதே ஒலிக்கத் தொடங்கி விட்டன.வந்தால்... மீண்டும் பிரளயம் ஏற்படலாம்...

நன்றி: விவரம் செய்தி தொகுப்பு