ஆசைக்கு இணங்க மறுத்த காதலி எரித்துக்கொலை

by arularjuna Fri Mar 19, 2010 10:59 am

கிருஷ்ணகிரி அருகே ஆசைக்கு இணங்க மறுத்த கள்ளக்காதலியை எரித்துக் கொன்ற வாலிபரை போலீசார் கைது செய்தனர்.
கிருஷ்ணகிரி அருகே ஒண்டியூரை சேர்ந்தவர் தொட்டலன், விவசாயி. இவரது மனைவி கெம்பம்மாள் (45). கொல்லப்பட்டியை சேர்ந்த சுதாகர் (30) என்பவருடன் கெம்பம்மாளுக்கு 4 ஆண்டாக கள்ளத்தொடர்பு இருந்து வந்தது. இதையறிந்த தொட்டலன், மனைவியை கண்டித்தார். இதையடுத்து கடந்த 4 மாதமாக சுதாகரிடம் தொடர்பை கெம்பம்மாள் துண்டித்து விட்டதாக கூறப்படுகிறது.

இந்நிலையில் நேற்றிரவு தோட்டத்தில் இருந்த கணவருக்கு சாப்பாடு கொடுத்துவிட்டு கெம்பம்மாள் தனியாக நடந்து வந்தார். அவரை வழிமறித்த சுதாகர், ஆசைக்கு இணங்க வற்புறுத்தியுள்ளார். கெம்பம்மாள் மறுத்துவிட்டார்.

ஆத்திரமடைந்த சுதாகர், தான் எடுத்து வந்திருந்த மண்ணெண்ணெயை கெம்பம்மாள் மீது ஊற்றி தீ வைத்தார். உடல் முழுவதும் தீ பரவிய நிலையில் கெம்பம்மாள் அலறித் துடித்தார். சத்தம் கேட்டு ஓடிவந்த அக்கம்பக்கத்தினர், தீயை அணைத்து கெம்பம்மாளை கிருஷ்ணகிரி அரசு ஆஸ்பத்திரியில் சேர்த்தனர். அங்கு இன்று காலை அவர் இறந்தார். இதுகுறித்து மகராஜக்கடை போலீசார் வழக்கு பதிந்து, அதே பகுதியில் உள்ள தோப்பிற்குள் மறைந்திருந்த சுதாகரை கைது செய்து விசாரித்து வருகின்றனர்.