கலப்பை தோன்றிய கதை

by **சிவா** Tue Mar 16, 2010 9:48 am

மனிதனைக் கடவுள் படைத்த பிறகு அவன் பயிரிடுவதற்காக வழிகள் செய்து உதவ முயன்றார். இதற்காக அவர் வெகு காலம் முயற்சி செய்து ஒரு மரத்தை அறுத்து அதைக் கருவியாக்க முயன்றார். தன் மனைவியை மறந்து அவர் பல காலம் வேலையிலேயே மூழ்கிப் போனார். கடவுளின் மனைவி ஒரு கொசுவைத் தூதாக அனுப்பி அவரைக் கூட்டி வர அனுப்பினாள். கொசுவும் பறந்து வந்து கடவுளின் காதில் ரீங்காரமிட்டது. அவர் வேலை மும்முரத்தில் இருந்ததால் கோபமாகக் கொசுவைத் துரத்தி அனுப்பினார்.

சில மாதங்கள் கடந்து போனது. மீண்டும் கடவுளின் மனைவி தூதாக ஒரு புலியை அனுப்பி வைத்தாள். அது அவர் அருகில் போய் சத்தமிட்டு உறுமியது. கடவுள் தன் அருகே கிடந்த ஒரு கல்லை எடுத்து அதை ஒரு காட்டு நாயாக உருமாற்றிப் புலியைத் துரத்தச் செய்தார். அதனால் இன்றும் புலி, காட்டு நாய்க்குப் பயப்படுகிறது.

பிறகு அவர் ஒரு கருவியைச் செய்து முடித்துத் தன் மனைவியிடம், ''இது தான் நிலத்தை உழுவதற்கான கருவி'' என்று கொண்டு வந்து காண்பித்தார். அவள், ''இதைச் செய்வது கடினம்'' என்று சொல்லி அதைக் கீழே போட்டதும் அது உடைந்து துண்டு துண்டாகச் சிதறிப் போனது. தன்னால் அதை விட நல்ல கருவி ஒன்றைச் செய்ய முடியும் என்றவள், தனித்தனி பகுதிகளாக மரத்தை அறுத்து, அதைப் பொருத்திக் கலப்பையைச் செய்து முடித்தாள்.

தன்னை அவள் வென்றுவிட்டதாக அறிந்த கடவுள், ''நீ செய்த கலப்பை நன்றாகத்தான் உள்ளது. ஆனால் இனி உலகில் எந்தப் பெண்ணும் கலப்பையை எடுத்து விவசாய வேலையைச் செய்யக் கூடாது. ஆண் மட்டுமே அதனைப் பயன்படுத்த வேண்டும்'' என்றார். அன்றிலிருந்து பெண்கள் நிலத்தை உழுவதற்கு மறுக்கப்பட்டார்கள்.

- நாகபுரி மக்கள் கதை

by நிலாசகி Tue Mar 16, 2010 9:52 am

by ஹனி Tue Mar 16, 2010 10:43 am

by தாமு Tue Mar 16, 2010 10:47 am

''நீ செய்த கலப்பை நன்றாகத்தான் உள்ளது. ஆனால் இனி உலகில் எந்தப் பெண்ணும் கலப்பையை எடுத்து விவசாய வேலையைச் செய்யக் கூடாது. ஆண் மட்டுமே அதனைப் பயன்படுத்த வேண்டும்''

கலப்பை தோன்றிய கதை 865843

by **சிவா** Tue Mar 16, 2010 10:48 am

தாமு wrote:''நீ செய்த கலப்பை நன்றாகத்தான் உள்ளது. ஆனால் இனி உலகில் எந்தப் பெண்ணும் கலப்பையை எடுத்து விவசாய வேலையைச் செய்யக் கூடாது. ஆண் மட்டுமே அதனைப் பயன்படுத்த வேண்டும்''

அட...! இது கதைதானே, இதைப்போய் சீரியஸா எடுத்துக்கலமா!!!

by தாமு Tue Mar 16, 2010 10:58 am

கதை தான் ஆனா ஆண்டவன் அப்பையே பெண்களை மட்டம் தட்டி இருக்கான். கலப்பை தோன்றிய கதை 56667

by **சிவா** Tue Mar 16, 2010 10:59 am

தாமு wrote:கதை தான் ஆனா ஆண்டவன் அப்பையே பெண்களை மட்டம் தட்டி இருக்கான்.

by அ.பாலா Tue Mar 16, 2010 11:26 am

மறுக்கப்பட்டது கதை சொல்லும் க‌ருத்து
ஆனால் க‌தை எழுதிய‌து ஆணாக‌த்தான் இருக்கும் அத‌னால் தான்...

by nandhtiha Tue Mar 16, 2010 11:36 am

வணக்கம்
இங்கு என் எளிய கருத்தினைப் பதிய விழைகிறேன்,
வடமொழியில் ஸ்வஸ்திகா என்ற ஒரு சின்னத்தைப் பயன்படுத்துவர். இது அக்னியின் சின்னமாகக்கருதுவர், இது தமிழர் கண்ட சின்னம், சைவ சித்தாந்தம் படித்தவர்களுக்குத் தெரியும். ஸ்வஸ்திகா என்பது தமிழில் இருதலை மேழி என வழங்கப் பெறும், ஏர் என்றால் அழகு மற்றும் கலப்பை என்ற பொருள்கள் உள, இருதலை மேழி என்பது இரண்டு கலப்பைகளை ஒன்றின் மேல் ஒன்றாக வைத்துக் கிடைக்கும் உருவம், இவ்வுலக வாழ்க்கையைச் செப்பனிடும் மற்றும் அவ்வுலக வாழ்க்கைக்கு வித்திடுவதுமான இரு கலப்பைகள் கொண்ட உருவம் தான் ஸ்வஸ்திகா, தமிழர்கள் தம் பொறுப்பின்மையால் இழந்த பெரும் சொத்துக்களில் இதுவும் ஒன்று
அன்புடன்
நந்திதா

by **இளமாறன்** Tue Mar 16, 2010 1:08 pm

தாமு wrote:''நீ செய்த கலப்பை நன்றாகத்தான் உள்ளது. ஆனால் இனி உலகில் எந்தப் பெண்ணும் கலப்பையை எடுத்து விவசாய வேலையைச் செய்யக் கூடாது. ஆண் மட்டுமே அதனைப் பயன்படுத்த வேண்டும்''

கலப்பை அதெல்லாம் பாதி பேருக்கு மறந்து போசசுங்கோ கலப்பை தோன்றிய கதை Icon_lol