கடவுளுக்கு எழுதிய கடிதம்.

by ரமீஸ் Mon Mar 15, 2010 11:01 am

ஒருவன் கடவுளுக்கு கடிதம் ஒன்றை எழுதினான். என்னவென்று தெரியுமா?
" கடவுளே எனக்கு மிகவும் கஷ்டமாக உள்ளது எனக்கு பத்தாயிரம் ரூபாய் பணம்
தேவைப்படுகிறது எனவே அதை எனக்கு அனுப்பி வைப்பாயாக."
என்று எழுதி To கடவுள் என்று அட்ரஸ் போட்டு அனுப்பினான்.
தபால் நிலையத்தில் கடிதங்களை ஒவ்வொரு ஊராக பிரிப்பவர்கள் இந்தக்
கடிதத்தை எங்கு அனுப்புவதென்று தெரியாமல் ஒரு ஓரமாக வைத்தார்கள்.
பின்னர் அதை பிரித்து வசித்து பார்த்து விட்டு அதை வீசி விட்டார்கள்.
ஒரு வாரத்துக்குப் பிறகு:
கடிதம் எழுதியவன் பார்த்தான் தனது கடிதத்திற்கு இன்னும் பணம் வரவில்லை.
பிறகு இன்னும் ஒரு கடிதம் அதே மாதிரி எழுதி அனுப்பினான். அந்தக் கடிதத்தையும்
பார்த்த தபால் நிலைய ஊழியர்கள், பாவம் இவன் இவனுக்கு எங்களால் முடியுமான
உதவியை செய்வோம் என்று சொல்லி அவர்கள் தங்களுக்குள்ளே பணம் சேர்த்தார்கள்
மொத்தமாக ஐந்தாயிரம் ரூபாய் சேர்ந்தது, அதை ஒரு கடிதக்கவரில் இட்டு அந்த மனிதனின்
முகவரிக்கு அனுப்பினார்கள். கடவுளிடமிருந்து பதில் கடிதம் வந்ததை அறிந்த அம்மனிதன்
சந்தோசத்துடன் கடிதத்தை பிரித்துப்பார்தான், ஐந்தாயிரம் ரூபாய் தான் இருந்தது. உடனே அவன்
கடவுளுக்கு நன்றி தெரிவிப்பதற்காக ஒரு கடிதம் எழுதினான் "இறைவா! நான் எழுதிய கடிதத்தை
மதித்து நீ எனக்கு பணம் அனுப்பி இருந்தாய் அதில் ஐந்தாயிரம் ரூபாய் தான் இருந்தது.
ஆனால் நீ எனக்கு பத்தாயிரம் ரூபாய்தான் அனுப்பியிருப்பாய் இந்ததபால் நிலையத்தில்
இருக்கின்ற இந்த கள்ள ஊழியர்கள் அதை களவாடி இருப்பார்கள்." என எழுதி அனுப்பினான்.
மீண்டும் அவனிடமிருந்து கடிதம் வந்ததை அறிந்த தபால் நிலைய அதிகாரிகள் அதை பிரிதுப்பார்தனர்.
அதன் பிறகு அவர்கள் என்ன சொல்லி இருப்பார்கள்????????????????????????????