கனடாவிலிருந்து நயாகரா நீர்வீழ்ச்சி

by சம்சுதீன் Sat Mar 13, 2010 4:32 pm

கனடாவிலிருந்து நயாகரா மற்றும் கனடாவை பார்க்க புறப்பட்டோம்.முதலில் நயாகரா நீர்வீழ்ச்சி பற்றி கொஞ்சம்.அமெரிக்கா மற்றும் கனேடிய எல்லைகளுக்கு நடுவில் ஓடும் நயாகரா நதியில் பாதி தொலைவில் உள்ளது.நீர்வீழ்ச்சியின் ஒரு புறம் அமெரிக்கா, மற்றொரு புறம் கனடா.மூன்று முக்கிய நீர்வீழ்ச்சிகளை கொண்டது.பெரியது மற்றும் முக்கியமானது ஹார்ஸ் ஷூ(Horse Shoe Falls) அல்லது குதிரை லாட நீர்வீழ்ச்சி கனடாவில் உள்ளது.அடுத்தது அமெரிக்கன் நீர் வீழ்ச்சி மற்றும் சிறிய ப்ரைடல் வேய்ல் நீர்வீழ்ச்சி.உயரம் அதிகம் இல்லாவிட்டாலும் ஹார்ஸ் ஷூ நீர்வீழ்ச்சி 762 மீ அகலம் கொண்டது.படு பிரம்மாண்டமானது.அமெரிக்கன் நீர்வீழ்ச்சி 55 மீ உயரமும், 305 மீ அகலமும் கொண்டது. நயாகராவில் ஒவ்வொரு நிமிடமும் ஆறு மில்லியன் கன அடிக்கு அதிகமான நீர் வீழ்கிறது.இவ்வளவு நீர்வீழ்வு நயாகராவை ஒரு மகா நீர்வீழ்ச்சி ஆக்குகிறது. கனடிய பகுதியிலிருந்து பார்க்கும் போது மூன்று நீர்வீழ்ச்சிகளையும் ஒரு சேர பார்க்கலாம்.

கனடாவிலிருந்து நயாகரா நீர்வீழ்ச்சி 2674135687_835bcf218c_b

இடது புறம் உள்ளது அமெரிக்கன் நீர்வீழ்ச்சி, வலது ஹார்ஸ் ஷூ நீர்வீழ்ச்சி

by சம்சுதீன் Sat Mar 13, 2010 4:32 pm

கனடாவிலிருந்து நயாகரா நீர்வீழ்ச்சி 2674150561_186708a7b8_b

இதுவும் ஹார்ஸ் ஷூ நீர்வீழ்ச்சி

by சம்சுதீன் Sat Mar 13, 2010 4:32 pm

கனடாவிலிருந்து நயாகரா நீர்வீழ்ச்சி 2674955548_77302cc959_b

இது அமெரிக்கன் நீர் வீழ்ச்சி

by சம்சுதீன் Sat Mar 13, 2010 4:33 pm

கனடாவிலிருந்து நயாகரா நீர்வீழ்ச்சி 2674131397_64fbc427d4_b

இடது புறம் ஹார்ஸ் ஷூ நீர்வீழ்ச்சி அருகில் மக்கள் நின்று கொண்டிருக்கிறார்கள்.

by சம்சுதீன் Sat Mar 13, 2010 4:33 pm

கனடாவிலிருந்து நயாகரா நீர்வீழ்ச்சி 2674956008_044856ebec_b

நயாகராவில் முக்கிய விஷயம் மூன்று நீர்வீழ்ச்சிகளையும் படகு சவாரி மூலம் அருகில் சென்று பார்ப்பதாகும்.இப்படி பார்ப்பதற்கு மெயிட் ஆஃப் த மிஸ்ட் (Maid of the Mist) என்று பெயர்.இந்த மெயிட் ஆஃப் த மிஸ்ட் சவாரி செய்வது மிக வித்தியாசமான அனுபவமாக இருக்கும்.முதலில் படகு அமெரிக்கன் வீழ்ச்சி அருகே சென்ற பின் பெரும் இரைச்சலுடன் பிரம்மாண்டமாக வீழும் ஹார்ஸ் ஷூ நீர்வீழ்ச்சி அருகே செல்லும் போது இயற்கையை எண்ணி பிரமிப்படையலாம்.மிக அற்புதமான கணங்கள் அவை.படகு புறப்படும் இடத்திலேயே நீர் வீழ்ச்சிகளின் சாரல் தெறித்து கொண்டிருக்கும்.ஆகவே படகில் பயணிக்கும் அனைவருக்கும் நீர் தெறிக்காமல் இருக்க பிளாஸ்டிக் ஆல் ஆன முழு நீள அங்கி வழங்கப்படுகிறது.அது இல்லையெனில் உடல் முழுவதும் நனைந்து விடக்கூடும்.படகில் செல்லும் போது படம் எடுக்க முயற்சிக்கையில் கேமரா லென்சில் முழுவதுமாக நீர் பட்டு படங்களை எடுக்கமுடியாமல் போனது.மேலும் படகும் தண்ணீரில் ஆடிக்கொண்டும் இருந்ததால் படம் எடுக்க சற்று சிரமமாகவே இருந்தது.இருந்தும் ஹார்ஸ் ஷூ நிர்வீழ்ச்சிக்கு மிக அருகே செல்லும் போது எடுத்தே ஆக வேண்டும் என்ற உந்துதலில் சில படங்கள் எடுத்தேன்.
எங்கள் முன்னாள் சென்ற ஒரு படகு ஹார்ஸ் ஷூ நீர்வீழ்ச்சி அருகே செல்கிறது.

by சம்சுதீன் Sat Mar 13, 2010 4:33 pm

கனடாவிலிருந்து நயாகரா நீர்வீழ்ச்சி 2674130625_4a17df08e1_b

ஹார்ஸ் ஷூ நீர்வீழ்ச்சியின் அருகே

by சம்சுதீன் Sat Mar 13, 2010 4:33 pm

கனடாவிலிருந்து நயாகரா நீர்வீழ்ச்சி 2674136399_c9b168c511_b

ஹார்ஸ் ஷூ நீர்வீழ்ச்சி யின் மிக அருகே

by சம்சுதீன் Sat Mar 13, 2010 4:34 pm

கனடாவிலிருந்து நயாகரா நீர்வீழ்ச்சி 2674950842_92a546eaf2_b

இது ஸ்கைலான் டவர்.நயாகராவை கனடிய பகுதியில் ஸ்கைலான் டவர் என்னும் 550 அடி உயர கட்டிடத்தின் மேலிருந்து பார்க்கலாம்.மேலே செல்ல மஞ்சள் நிற எலிவேடரை பார்க்கலாம்.