உதவி செய்த ஆடு!

by **சிவா** Thu 11 Mar 2010 - 1:53

வேடிக்கை பார்க்க கிராமத்துக்கு விஜயம் செய்த அவருக்கு ஒரு வேதனையான காட்சி காத்திருந்தது.

கால் ஒன்றை முழுவதுமாக இழந்து அதிலிருந்து லேசாக ரத்தம் கசிந்தபடி முனகிக்கொண்டிருந்தது ஒரு ஆடு. ஆட்டுக்குச் சொந்தக்காரர் அருகிலேயே இருக்கவும் அவரை விசாரித்தார் நம்ம ஆள்.

அது பெரிய சோகக் கதைங்க - என்று இழுத்தவர். ஒரு நாள் ராத்திரி திடீர்னு எங்க வீடு தீப்பிடிச்சுடுச்சு. எதுவும் தெரியாம வீட்டுக்குள்ளே நாங்க தூங்கிட்டிருந்தோம். அப்ப எங்களை எழுப்பிவிட்டுக் காப்பாத்தின ஆடு சார் இது - என்றார்.

சரி... அவ்வளவு உதவி பண்ணிய ஆட்டை இப்படி வெச்சுட்டிருக்கியே... இது நியாயமா ? என்று கேட்டார் நம்ம ஆள்.

இன்னும் கேளுங்க. ஒரு தடவை டிரராக்டர்ல இருந்து நான் தவறி விழுந்துட்டேன். உடனே ஓடிப்போய் ஆட்களையெல்லாம் அழைச்சுட்டு வந்து, என் உயிரைக் காப்பாத்தினதும் இந்த ஆடுதான்!

இன்னமும் நான் கேட்ட கேள்விக்குப் பதில் வரலை...

பதில்தான் சார் சொல்லிட்டிருக்கேன்.

இவ்வளவெல்லாம் உதவி பண்ணிய ஆட்டை ஒரே நாள்ல எப்படி சார் மட்டனாக்க மனசு வரும்?