சென்னையில் இருந்து கொழும்புக்கு பெண்கள் இயக்கிய விமானம்..!

by **Tamilzhan** Mon Mar 08, 2010 6:03 pm

இன்று மகளிர் தினம் கோலாகலமாக கொண்டாடப்படுகிறது. இதையொட்டி இந்தியன் ஏர்லைன்ஸ் நிறுவனம் முழுக்க முழுக்க பெண்களே பயணிகள் விமானம் ஒன்றை இயக்க முடிவு செய்தது.

இதன்படி இன்று மதியம் 12.30 மணிக்கு இலங்கை தலைநகர் கொழும்புக்கு புறப்பட்ட விமானத்தை முழுக்க முழுக்க பெண்களே இயக்கினர். இக்குழுவில் விமானி தீபா மேத்தா, உதவி விமானி சோனியா ஜெயின், பணிப்பெண்கள் ராஜானி, பிருந்தா, தன்யா, பிரசன்னா, யாமினி ஆகியோர் இடம் பெற்றிருந்தனர். இந்த விமானத்தில் 40 பெண்கள் உள்பட 141 பயணிகள் இருந்தனர்.

முன்னதாக சென்னை விமான நிலையத்தில் விமானத்தை இயக்கும் பெண் விமானிகள் மற்றும் பணிப் பெண்களுக்கு இந்தியன் ஏர்லைன்ஸ் நிறுவனம் சார்பில் பாராட்டு தெரிவிக்கப்பட்டது. தென்மண்டல அதிகாரி சுனில் கிஷாந்த் அவர்களுக்கு மலர்க்கொத்து கொடுத்து வாழ்த்து தெரிவித்தார்.

by **சிவா** Mon Mar 08, 2010 6:51 pm

பெண்கள் கால் பதிக்காத துறைகளே இன்று இல்லை என்னும் அளவிற்கு அனைத்திலும் பெண்கள் சிறப்பான முன்னேற்றத்தைப் பெற்றுள்ளனர்!

சென்னையில் இருந்து கொழும்புக்கு பெண்கள் இயக்கிய விமானம்..! 154550