கனவுகளே இன்று கவிதையாய்……

by **ரிபாஸ்** Sun Mar 07, 2010 5:14 pm

கனவுகளே இன்று கவிதையாய்……

ஓர்
நாள்
எங்கேயோ அழைத்து செல்கிறாய்
நீண்ட தூரம்
நடக்கமுடியவில்லை
என்றேன்

என் கைப்பிடித்துக்கொள் என்றாய்
பிடித்து நடந்தேன்
உற்சாகத்தோடு……
அழகான
கவிதையாய் !

மற்றொரு நாள்
ரம்யமான மாலை வேளை
மொட்டை
மாடியில்
நீயும் நானும்.

வருடிச்செல்லும் தென்றல்
என்
கூந்தலினை கலைக்க….
முகத்தில் விழுந்த முடியை
அழகாக விலக்கினாய்
உன்
விரல்களால்……
ரசனையான கவிதையாய் !

அன்றொரு நாள்
எதையோ
எதிர்பார்த்து
என் விரல்கள்
உனது விரல்களை
பிடித்தது மிக
அழுத்தமாக
உடனே என்னை வசீகரிக்கும்
சிறிய புன்னகையுடன்
ஆழமான ஒர்
பார்வை
பார்த்தாய் - அழகான
அந்த இரவு வெளிச்சத்தில்…….
அர்த்தமுள்ள
கவிதையாய் !

இன்னொரு நாள்
இப்படி ஒன்று
கிடைக்காதா என்று
ஏங்கவைக்கும்

இதில்
யார் கொடுப்பது
யார் பெற்றுக்கொள்வது
தெரியவில்லை
இருந்தாலும்
தொடர்கிறது

நீண்ட நேரம்
இதழ்களின் வழியே
உள்ளே நுழைந்து
உயிர்
எங்கே என்று
தேடி செல்லும்
உ(எ)ன் முத்தம்……..
உயிருள்ள
கவிதையாய் !

கவிதைக்கு
பொய் அழகாம்
என் கவிதையும் கூட –
ஆனால்
பொய்யான நிஜம்
என் கனவுகளே
இன்று கவிதையாய் !