புனிதம்

by **T.N.Balasubramanian** Thu Feb 18, 2010 8:32 pm

புனிதம்

எச்சில் புனிதம் என்று நான் கூறின்,
எள்ளி நகையாடுவீர் ! புனிதம் 9452

வாந்தியும் புனிதமென்று கூறினால்,
வாங்கி கட்டிக் கொள்வேன் உடனடியாக. புனிதம் 211781

இறந்தவர் உடையும் புனிதமென்றால்,
பிறந்தாயோ பேத்துவதற்கு என்றிடிவீர். புனிதம் Drunken_smilie

சித்தர் கூறிய வார்த்தைகள் எனின்,
பித்தம் தெளிந்தமாதிரி என்னைப் பார்ப்பீர்.

கழுவிய ஆவின் மடியை கன்றுக்கு காட்டியபின்,
கழுவாது, கறந்திடும் ஆவின்பால், புனிதமென்றிடுவோம்.
எச்சில் என்றாலும் இச்சையுடன் செய்திடுவோம் ,
பச்சைப்பாலை இறைவனுக்கு அபிஷேகமாக .

தேனீக்கள் மலர்களை நாடி ,மது உறிஞ்சி ,
தேனடையில் உமிழிந்திட்ட தேன் தானே ,
தேவனடி சேருகின்ற புனிதப் பொருள்.
மருந்து எனவும் "ஜீரணி" எனவும் மக்களும் ,
விருந்துண்ட பின் இதை ருசிக்கின்றனர் .

தன்னை சுற்றி தானே பின்னிடும் ஆடையே,
தனக்கு எமன் என அறியாப் பட்டுப் புழு,
மடிந்தபின் எடுக்கும் பட்டை தானே ,
"மடி" என்றும் "புனித"மென்றும் கூறுகிறோம்.

தொன்மை யாய் கடை பிடிக்கும் வாழ்க்கை வழி முறை என்றாலும்,
அண்மையில் கேட்ட ஆன்மிக நெறிமுறையே இக்கவிதைக்கு ஆதாரம்.

by வழிப்போக்கன் Thu Feb 18, 2010 8:39 pm

சிந்திக்கத் தூண்டும் கவிதை, புனிதம் மனதிலேயே உண்டு. ஒவ்வொன்றையும் எடுத்துக்கொள்ளும்/ ஏற்றுக்கொள்ளும் விதத்திலேயே தங்கியுள்ளது.
அருமைக் கவிதைக்கும் உங்கள் சிந்தனைக்கும் பாராட்டுகள் மேலும் தொடருங்கள்.

by snehiti Thu Feb 18, 2010 8:41 pm

தன்னை சுற்றி தானே பின்னிடும் ஆடையே,
தனக்கு எமன் என அறியாப் பட்டுப் புழு,
மடிந்தபின் எடுக்கும் பட்டை தானே ,
"மடி" என்றும் "புனித"மென்றும் கூறுகிறோம்.

சிந்திக்க வைத்த கவிதை வாழ்த்துக்கள் புனிதம் 154550

by **T.N.Balasubramanian** Fri Feb 19, 2010 8:43 pm

valippokkan wrote:சிந்திக்கத் தூண்டும் கவிதை, புனிதம் மனதிலேயே உண்டு. ஒவ்வொன்றையும் எடுத்துக்கொள்ளும்/ ஏற்றுக்கொள்ளும் விதத்திலேயே தங்கியுள்ளது.
அருமைக் கவிதைக்கும் உங்கள் சிந்தனைக்கும் பாராட்டுகள் மேலும் தொடருங்கள்.

நன்றி

தாங்கள் கூறியபடி , தனிப் பட்ட மனிதரின் ,
ஏற்று கொள்ளும் மனபக்குவத்தை பொருத்தது புனிதம் .

by **T.N.Balasubramanian** Fri Feb 19, 2010 8:45 pm

snehiti wrote:
தன்னை சுற்றி தானே பின்னிடும் ஆடையே,
தனக்கு எமன் என அறியாப் பட்டுப் புழு,
மடிந்தபின் எடுக்கும் பட்டை தானே ,
"மடி" என்றும் "புனித"மென்றும் கூறுகிறோம்.

சிந்திக்க வைத்த கவிதை வாழ்த்துக்கள்

நன்றி

T.N.Balasubramanian

by **இளமாறன்** Fri Feb 19, 2010 8:49 pm

நல்ல கவிதை வாழ்த்துக்கள்...

by கலைவேந்தன் Fri Feb 19, 2010 8:56 pm

நவீன சித்தருக்கு என் வந்தனங்கள்...

அர்த்தம் பொதிந்து சிந்திக்க வைத்த கவிதை...!

பாராட்டுக்கள்...!

by நிலாசகி Fri Feb 19, 2010 9:01 pm

தகவலாக படித்த கருத்துகளை நயமாக கவிதை புனைந்துள்ளீர்கள் வாழ்த்துக்கள்!

நாம் மனித ரத்தத்தை தான் குடித்து வளர்ந்திருக்கிறோம் தாயின் தாய்பாலை

by nandhtiha Fri Feb 19, 2010 11:08 pm

வணக்கம்
சித்தருள் சிறந்த சிவவாக்கியர் பாடலைத் திறமையுடன் கையாண்டு எளிமையாக்கிக் கொடுத்தமைக்குப் பாராட்டுக்களும் வாழ்த்துக்களும்
அன்புடன்
நந்திதா
சிவவாக்கியர் பாடல்

வாயிலே குடித்தநீரை எச்சில் என்று சொல்கிறீர்;
வாயிலே குதப்புவேத மெனப்படக் கடவதோ?
வாயில்எச்சில் போகஎன்று நீர்தனைக் குடிப்பீர்காள்
வாயில்எச்சில் போனவண்ணம் வந்திருந்து சொல்லுமே!

40

ஓதுகின்ற வேதம்எச்சில்., உள்ளமந்திரங்கள் எச்சில்;
போதகங்க ளானஎச்சில்., பூதலங்கள் ஏழும்எச்சில்;
மாதிருந்த விந்துஎச்சில்., மதியும் எச்சில் ஒளியும்எச்சில்;
ஏதில்எச்சில் இல்லதில்லை இல்லைஇல்லை இல்லையே!

எச்சில்எச்சில் என்றுநீர் இடைந்திருக்கும் ஏழைகாள்
துச்சில்எச்சில் அல்லவோ தூயகாயம் ஆனதும்
வைத்தெச்சில் தேனலோ, வண்டின்எச்சில் பூவலோ?
கைச்சுதாடல் வைத்துடன் கறந்தபாலும் எச்சிலே! 478