தி.மு.க.,வில் மேலும் ஒரு அ.தி.மு.க., எம்.எல்.ஏ., ! பொம்மையாக வாழ விருப்பமில்லை என்கிறார்

சென்னை: கடந்த சில நாட்களாக அ.தி.மு.க.,வில் இருந்து விலகி தி.மு.க.,வில் இணையும் எம்.எல்.ஏ.,க்கள் எண்ணிக்கை நாளுக்குநாள் உயர்ந்து கொண்டே போகிறது. மைனாரிட்டி தி.மு.க, என வர்ணித்து வந்த ஜெயலலிதாவுக்கு இவரது கட்சி எம்.எல்.ஏ.,க்கள் தி.மு.க,.வை நோக்கி சென்றிருப்பது அ.தி.மு.க.,வின் வீழ்ச்சி என்பதை விட தி.மு.க.,வின் செல்வாக்கு உயர்கிறது என்பதில் மாற்றுக்கருத்து இருக்க முடியாது என அ.தி.மு.க., தொண்டர்கள் கூறுகின்றனர்.




அழகிரியின் சொல்லி அடிக்கும் திட்டம் : கடந்த சில மாதங்களுக்கு முன்னர் மயிலாப்பூர் தொகுதி அ.தி.மு.க., எம்.எல்.ஏ., எஸ்.வி., சேகர் கட்சியில் இருந்து நீக்கப்பட்டார். இவர் தி.மு.க, ஆதரவு சுயேச்சை எம்.எல்.ஏ., வாக செயல்பட்டு வருகிறார். தென்மாவட்டத்தில் செல்வாக்கு கொண்ட அனிதா ராதா கிருஷ்ணன் எம்.எல்.ஏ., தனது பெரும் பரிவார படைகளுடன் முதல்வர் கருணாநிதியை சந்தித்து தி.மு.க,.வில் இணைந்து கொண்டார். பின்னர் இவர் கட்சியில் இருந்து நீக்கப்பட்டு நடந்து முடிந்த இடைத்தேர்தலில் அமோக ஓட்டு வித்தியாசத்தில் வெற்றி பெற்றார். இந்த வெற்றிக்கு தென் மண்டல செயலரும், மத்திய அமைச்சருமான அழகிரியின் சொல்லி அடிக்கும் திட்டம் வெற்றி பெற்றது. இதனையடுத்து கோவில்பட்டி ராதாகிருஷ்ணன் எம்.எல்.ஏ., அழகிரியை சந்தித்து தங்களுடைய தொகுதி குறைகளை களைய உதவிட வேண்டும் என அவரை சந்தித்து மனுக்கொடுத்தார். இவரும் தி.மு.க.,வில் முறைப்படி இணையும் கால நேரம் பார்த்துக்கொண்டிருப்பதாக தி.மு.க., உடன்பிறப்புகள் சொல்லி வருகின்றனர்.




இந்நிலையில் அரியலூர் மாவட்டம் ஜெயங்கொண்டம் தொகுதி எம்.எல்.ஏ., ராஜேந்திரன் இன்று ( வெள்ளிக்கிழமை ) காலையில் கோபால புரத்தில் உள்ள முதல்வர் கருணாநிதி இல்லத்திற்கு சென்றார். அங்கு முதல்வருக்கு சால்வை அணிவித்து பின்னர் தமது தொகுதி குறைகளை களைய உதவுங்கள் என மனுக்கொடுத்தார். மனுவை பெற்றுக்கொண்ட முதல்வர் கருணாநிதி விரைவில் நிறைவேற்றி தருகிறேன் என புன்னகையுடன் பதில் அளித்தார்.




மே (லி) டம் என்னை அனுமதிக்கவில்லை : கருணாநிதியை சந்தித்த பின்னர் ராஜேந்திரன், நிருபர்களிடம் கூறுகையில் : மக்கள் நலத்திட்டங்களை தமிழக முதல்வர் கருணாநிதி நல்ல முறையில் நிறைவேற்றி வருகிறார். கடந்த 4 ஆண்டுகளாக செயல்பட முடியவில்லை இன்னும் ஒராண்டு காலமாவது செயல்பட ஆசைப்படுகிறேன். பைபாஸ் ரோடு விரிவாக்கப்பணி, ஜெயம்கொண்டான் பஸ் ஸ்டாண்டு உள்ளிட்ட பணிகள் குறித்து முதல்வரிடம் எடுத்துக்கூறியுள்ளேன். தொகுதிக்கு நல்லது செய்ய வேண்டுமானால் நிதி தேவைப்படுகிறது. இதற்கு அமைச்சர்களை சந்திக்க வேண்டும். ஆனால் அமைச்சரை சந்திக்கக்கூடாது என்று உத்தரவு வருகிறது. பின்னர் எப்படி தொகுதிக்கு நன்மை செய்ய முடியும் ? நான் இத்தனை ஆண்டு காலம் பொம்மையாக இருந்து விட்டேன் இனியும் இது போன்ற வாழ பிடிக்கவில்லை.




தொகுதி குறைகளை சட்டசபையில் பேசுவதற்கு கூட அ.தி.மு.க., மேலிடம் என்னை அனுமதிக்கவில்லை . இதனால் முதல்வர் கருணாநிதியை தேடி வந்துள்ளேன். இவ்வாறு கூறினார்.


-தினமலர்.

பணம் பத்தும் செய்யும்

sathyan wrote:பணம் பத்தும் செய்யும்

ஓட்டுப்பொறுக்கிகள் மக்கள் பணி என்று காரணம் கூறி முதலையின் வாயில் சென்று வலையில் விழுகிறார்கள்.

கலை wrote:ஓட்டுப்பொறுக்கிகள் மக்கள் பணி என்று காரணம் கூறி முதலையின் வாயில் சென்று வலையில் விழுகிறார்கள்.