காலில் விழுந்து வணங்கும் முறை தோன்றியது எப்போது?

by **சிவா** Fri Feb 05, 2010 1:40 am

மன்னர் காலத்திற்கு முன்பாகவே காலில் விழுந்து வணங்கும் முறை நடைமுறையில் இருந்ததாக பழங்கால நூல்கள் கூறுகின்றன. பெரியவர்களின் ஆசியை பெறுவதற்கும், இறைவன் அருளைப் பெறுவதற்கும் காலில் விழுந்து வணங்கும் முறை தோன்றியதாகவும் கூறப்பட்டுள்ளது.

வணங்கும் முறையில் பல வகை உண்டு. இரு கைகளையும் ஒன்று சேர்த்து தலைக்கு மேல் வைத்து இறைவனை வணங்குகிறோம். அதற்கு அடுத்தபடியாக மார்புக்கு நேராக கழுத்துக்கு கீழ் இரு கைகளையும் சேர்த்து சக மனிதர்களை வணங்குகிறோம்.

வயிற்றின் (நாபியில்) மேல் ஒரு கையை மட்டும் கைவைத்து குனிந்து வணங்குதல் என பல முறைகளில் வணங்குவதை கடைபிடிக்கிறோம். குரு, சித்தர்களை சாஷ்டாங்கமாக விழுந்து வணங்க வேண்டும். மண்ணோடு மண்ணாக தன்னை இணைத்துக் கொள்வதே இதன் பொருள்.

கோயில் கொடி மரத்திற்கு முன்பாக வணங்கும் போது அங்கம் அனைத்தும் தரையில்படும் விதமாக வணங்க வேண்டும். இவ்வாறு வணங்குவதில் கூட பல முறைகளை நம் முன்னோர்கள் வகுத்து வைத்துள்ளனர்.

ஜோதிட ரத்னா முனைவர் க.ப.வித்யாதரன்:

by nandhtiha Fri Feb 05, 2010 7:52 am

வணக்கம்
நல்ல பதிவு, நன்றி, எட்டு அங்கங்களுடன் கூடிய வணக்கத்துக்கு ச அஷ்ட அங்க நமஸ்காரம் என்ற பொருளில் வழங்குகின்றனர், அந்த எட்டு அங்கங்கள் உடல் உறுப்புக்களை மட்டும் குறிப்பன அல்ல, ஐநது இந்திரியங்கள் மனம் புத்தி சித்தம் ஆகிய எட்டும் கூடிய வணக்கம் என்றும் ஓர் பொருள் உண்டு, எண் சாண் உடம்புக்குச் சிரசே ப்ரதானம் என்பார்கள். என்னுடைய அறிவு என்பது இறைவா நின் திருப்பாதத்திலிருந்து தான் என்பதற்காகவே நற்றாள் தொழல் என்றார் வள்ளுவர்.
அன்புடன்
நந்திதா

by **சிவா** Fri Feb 05, 2010 7:55 am

காலில் விழுந்து வணங்கும் முறை தோன்றியது எப்போது? 154550

நல்ல விளக்கம் நந்திதா!!! காலில் விழுந்து வணங்கும் முறை தோன்றியது எப்போது? 154550

by nandhtiha Fri Feb 05, 2010 8:25 am

வணக்கம்
எங்கோ படித்ததை இங்கே யிட்டேன்
அன்புடன்
நந்திதா

by **Manik** Fri Feb 05, 2010 9:56 am

அண்ணா இந்த வித்யாதரன் பதிவுகளை எங்கிருந்து எடுக்கிறீர்கள் என்று சொல்ல முடியுமா

by செந்தில் Fri Feb 05, 2010 12:20 pm

nandhtiha wrote:வணக்கம்
நல்ல பதிவு, நன்றி, எட்டு அங்கங்களுடன் கூடிய வணக்கத்துக்கு ச அஷ்ட அங்க நமஸ்காரம் என்ற பொருளில் வழங்குகின்றனர், அந்த எட்டு அங்கங்கள் உடல் உறுப்புக்களை மட்டும் குறிப்பன அல்ல, ஐநது இந்திரியங்கள் மனம் புத்தி சித்தம் ஆகிய எட்டும் கூடிய வணக்கம் என்றும் ஓர் பொருள் உண்டு, எண் சாண் உடம்புக்குச் சிரசே ப்ரதானம் என்பார்கள். என்னுடைய அறிவு என்பது இறைவா நின் திருப்பாதத்திலிருந்து தான் என்பதற்காகவே நற்றாள் தொழல் என்றார் வள்ளுவர்.
அன்புடன்
நந்திதா

நல்ல விளக்கம் நந்திதா வாழ்த்துக்கள் காலில் விழுந்து வணங்கும் முறை தோன்றியது எப்போது? 677196