வாழ்க்கை வாழ்வதற்கே!

by kalaimoon70 Sat Jan 30, 2010 3:16 pm

வாழ்க்கை வாழ்வதற்கே!

டீன்-ஏஜ் பிள்ளைகளின் பெற் றோரா நீங்கள்? உங்கள் குழந்தைகள் நீங்கள் சொல்வதை காது கொடுத்து கேட்பதில்லையா? நீங்கள் கோபப்பட்டால், உங்களை விட அவர்கள் அதிக டென்ஷன் ஆகின்றனரா? இதற்கு ஏதாவது தீர்வு காண வேண்டும் என்று எண்ணுகிறீர்களா? ஆம். நிச்சயம் செய்யத் தான் வேண்டும். இதற்கான சிகிச்சை தேவைப்படுவது உங்கள் குழந்தைகளுக்கு அல்ல; பெற்றோர்களாகிய உங்களுக்குத் தான்.

* அன்பாக இருங்கள்: உங்கள் குழந்தை பிறந்த போது, அதன் மீது எவ்வளவு அக்கறையும், பாசமும் காட்டினீர்களோ, அதே அளவு, இந்த பருவத்திலும் காட்ட வேண்டும். இது, அவர்களின் முக்கியமான பருவம். நல்லது எது, கெட்டது எது என்று தெரியாமல் அவர்கள் தங்களுக்குள்ளாக குழம்பி தவிக்கும் பருவம்.அன்பாக இருப்பது மட்டுமின்றி, தோழமையுடனும் பழகுங்கள். அப்போது தான், அவர்களது வீண் பயம், குழப்பம் போன்றவற்றை உங்களிடம் பகிர்ந்து கொள்ள முன் வருவர். ஏனெனில், இது, மன உளைச்சலுடனும், சோர்வுடனும் காணப்படும் பருவம்.

* கட்டாயப்படுத்தாதீர்கள்: உங்கள் பிள்ளைகள், நீங்கள் கூறுவதுபடி தான் செய்ய வேண்டும் என்று அவர்களை கட்டாயப்படுத்தாதீர்கள். உதாரணமாக, "இந்த உணவை தான் நீ சாப்பிட வேண்டும், இன்றைக்கு இந்த டிரஸ் தான் போட்டுக் கொள்ள வேண்டும்' என்பது போன்ற, அவர்களது சிறு சிறு விஷயங் களில் நீங்கள் தலையிடாதீர்கள். அவர்கள் உணர்ச்சிகளுக்கும், விருப்பங்களுக்கும் இடம் கொடுங்கள். இதற்கு, முதலில் நீங்கள் உங்களைத் தயார் செய்து கொள்ள வேண்டும்.

* சந்தேகப்படாதீர்கள்: இந்த பருவத்தில் உள்ள அனைவருமே பொதுவாக, தங்கள் அழகு குறித்து கவலைப்படுவர். அதிலும், பெண்களை கேட்கவே வேண்டாம். எனவே, கண்ணாடி முன் நிற்கும் உங்கள் பெண்ணை, அனாவசியமாக திட்டாதீர்கள். சந்தேகக் கண் கொண்டு அவர்களைப் பார்க்காதீர்கள். இப்படி நீங்கள் நடந்து கொள்ளும் போது, அது அவர்களை எதிர்மறையாக சிந்திக்கத் தூண்டும். எனவே, உங்களை நீங்கள் மாற்றிக் கொள்ளுங்கள்.

* கோபப்படாதீர்கள்: குழந்தைகளின் மன நிலையை புரிந்து கொள்ளுங்கள். முடிந்த வரை அவர்களிடம் அன்பாக இருங்கள். இந்த பருவத்தில் இருக்கும் பிள்ளைகளிடம், கோபப்பட்டு உங்களால் எதையும் சாதிக்க முடியாது. அன்பால் மட்டுமே அவர் களை திருத்த முடியும். நீங்கள் கோபப் பட்டால், அவர்கள் டென்ஷன் ஆவர். உதாரணத்திற்கு, அவர்கள் குறைந்த மதிப்பெண் எடுத்தால், அவர்களை வாய்க்கு வந்தபடி திட்டுவதை நிறுத்துங் கள். இப்படி செய்வதால், அவர்களுக்கு, உங்கள் மீது மட்டுமின்றி, படிப்பின் மீதும் வெறுப்பு வரும். எனவே, நீங்கள் அவர்கள் படிப்பிற்காக ஆகும் செலவு பற்றியும், படிப்பின் அவசியத்தைப் பற்றியும் அன்பாக எடுத்துக் கூறுங்கள்.

* உற்று நோக்குங்கள்: உங்கள் பிள்ளைகளின் நடவடிக்கையை அவர்கள் அறியாதவாறு கண்காணியுங்கள். சிலர், இந்த பருவத்தின் போது, சரியாக சாப்பிட மாட்டார்கள்; தூங்க மாட்டார்கள். இது, டீன்-ஏஜ் வயதுள்ள அனைவரிடமும் காணப்படும் பொதுவான விஷயம். இதுகுறித்து, நீங்கள் கவலைப்பட வேண்டாம். என்றாலும், பிரச்னை அளவுக்கு அதிகமாக போகும் போது, மருத்துவரை அணுகுவது நல்லது.

by jayakumari Sat Jan 30, 2010 4:16 pm

பயனுள்ள செய்தி .நன்றி

by **சிவா** Sat Jan 30, 2010 4:20 pm

jayakumari wrote:பயனுள்ள செய்தி .நன்றி

நீங்கள்தான் அந்த டீன்-ஏஜ் பிள்ளைகளின் பெற்றோரா?

by jayakumari Sat Jan 30, 2010 4:27 pm

இந்த செய்தி பெற்றோர்கள் மட்டும் படிக்க வேண்டும் என்று அவசியமில்லை .என்னை போன்ற சிறுவர்கள் இதை அறிந்துகொண்டு உங்களை போன்ற வயதானவர்களுக்கு புரியவைப்போம் .

by அப்புகுட்டி Sat Jan 30, 2010 4:28 pm

* கோபப்படாதீர்கள்: குழந்தைகளின் மன நிலையை புரிந்து கொள்ளுங்கள். முடிந்த வரை அவர்களிடம் அன்பாக இருங்கள். இந்த பருவத்தில் இருக்கும் பிள்ளைகளிடம், கோபப்பட்டு உங்களால் எதையும் சாதிக்க முடியாது. அன்பால் மட்டுமே அவர் களை திருத்த முடியும். நீங்கள் கோபப் பட்டால், அவர்கள் டென்ஷன் ஆவர். உதாரணத்திற்கு, அவர்கள் குறைந்த மதிப்பெண் எடுத்தால், அவர்களை வாய்க்கு வந்தபடி திட்டுவதை நிறுத்துங் கள். இப்படி செய்வதால், அவர்களுக்கு, உங்கள் மீது மட்டுமின்றி, படிப்பின் மீதும் வெறுப்பு வரும். எனவே, நீங்கள் அவர்கள் படிப்பிற்காக ஆகும் செலவு பற்றியும், படிப்பின் அவசியத்தைப் பற்றியும் அன்பாக எடுத்துக் கூறுங்கள்.

அனைத்தும் நல்ல விசங்கள்தான் பயனளிக்கும் என்ற நம்பிக்கயுடன்

by செந்தில் Sat Jan 30, 2010 4:29 pm

jayakumari wrote:இந்த செய்தி பெற்றோர்கள் மட்டும் படிக்க வேண்டும் என்று அவசியமில்லை .என்னை போன்ற சிறுவர்கள் இதை அறிந்துகொண்டு உங்களை போன்ற வயதானவர்களுக்கு புரியவைப்போம் .

நீங்க என்ன படிக்கிறீங்க ஜெயா....... வாழ்க்கை வாழ்வதற்கே! 502589

by jayakumari Sat Jan 30, 2010 4:38 pm

SENTHIL wrote:
jayakumari wrote:இந்த செய்தி பெற்றோர்கள் மட்டும் படிக்க வேண்டும் என்று அவசியமில்லை .என்னை போன்ற சிறுவர்கள் இதை அறிந்துகொண்டு உங்களை போன்ற வயதானவர்களுக்கு புரியவைப்போம் .

நீங்க என்ன படிக்கிறீங்க ஜெயா.......

இப்போதுதான் L.K.G சேர்ந்திருக்கிறேன்

by **சிவா** Sat Jan 30, 2010 4:43 pm

jayakumari wrote:இந்த செய்தி பெற்றோர்கள் மட்டும் படிக்க வேண்டும் என்று அவசியமில்லை .என்னை போன்ற சிறுவர்கள் இதை அறிந்துகொண்டு உங்களை போன்ற வயதானவர்களுக்கு புரியவைப்போம் .

சிறுவரா?

by செந்தில் Sat Jan 30, 2010 4:43 pm

jayakumari wrote:
SENTHIL wrote:
jayakumari wrote:இந்த செய்தி பெற்றோர்கள் மட்டும் படிக்க வேண்டும் என்று அவசியமில்லை .என்னை போன்ற சிறுவர்கள் இதை அறிந்துகொண்டு உங்களை போன்ற வயதானவர்களுக்கு புரியவைப்போம் .

நீங்க என்ன படிக்கிறீங்க ஜெயா.......

இப்போதுதான் L.K.G சேர்ந்திருக்கிறேன்