சற்று முன் முதல் கட்டமாக தேர்தல் வாக்குப் பதிவு துவங்கியது...!!!

by **Tamilzhan** Thu Apr 16, 2009 9:09 am

மக்களவைக்கு ஐந்து கட்டமாக நடைபெற உள்ள தேர்தலின், முதல் கட்ட தேர்தல் வாக்குப் பதிவு சற்றுமுன் துவங்கியது.

மக்கள் ஆர்வத்துடன் வாக்கு அளித்து வருகின்றனர். ஐந்து கட்டமாக நடக்கும் தேர்தல்களில் பதிவாகும் வாக்குகள் மே 16ஆம் தேதி எண்ணப்படும்.

இன்று முதல் கட்டமாக தேர்தல் நடைபெறவுள்ள மாநிலங்கள் /யூனியன் பிரதேசங்கள், தேர்தல் நடைபெறும் தொகுதிகள் எண்ணிக்கை, ஆண், பெண் வேட்பாளர்களின் எண்ணிக்கை பற்றிய விவரம் வருமாறு :

ஆந்திர பிரதேசத்தில் 22 தொகுதிகளில் மொத்தம் 315 வேட்பாளர்கள் போட்டியிடுகிறார்கள். இவர்களில் மொத்த ஆண் வேட்பாளர்கள் 290 பேர்; மொத்த பெண் வேட்பாளர்கள் 25 பேர்.

அருணாச்சல பிரதேசத்தில் 2 தொகுதிகளில் மொத்தம் 8 வேட்பாளர்கள் போட்டியிடுகிறார்கள். இவர்கள் அனைவருமே ஆண் வேட்பாளர்கள் தான்.

அசாமில் 3 தொகுதிகளில் மொத்தம் 37 வேட்பாளர்கள் போட்டியிடுகிறார்கள். இவர்களில் மொத்த ஆண் வேட்பாளர்கள் 35 பேர்; மொத்த பெண் வேட்பாளர்கள் 2 பேர்.

பீகாரில் 13 தொகுதிகளில் மொத்தம் 223 வேட்பாளர்கள் போட்டியிடுகிறார்கள். இவர்களில் மொத்த ஆண் வேட்பாளர்கள் 202 பேர்; மொத்த பெண் வேட்பாளர்கள் 21 பேர்.

ஜம்மு & காஷ்மீரில் 1 தொகுதியில் மொத்தம் 21 வேட்பாளர்கள் போட்டியிடுகிறார்கள். இவர்களில் மொத்த ஆண் வேட்பாளர்கள் 20 பேர்; பெண் வேட்பாளர் ஒருவர் மட்டுமே.

கேரளாவில் 20 தொகுதிகளில் மொத்தம் 217 வேட்பாளர்கள் போட்டியிடுகிறார்கள். இவர்களில் மொத்த ஆண் வேட்பாளர்கள் 202 பேர்; மொத்த பெண் வேட்பாளர்கள் 15 பேர்.

மகாராஷ்டிராவில் 13 தொகுதிகளில் மொத்தம் 246 வேட்பாளர்கள் போட்டியிடுகிறார்கள். இவர்களில் மொத்த ஆண் வேட்பாளர்கள் 232 பேர்; மொத்த பெண் வேட்பாளர்கள் 14 பேர்.

மணிப்பூரில் 1 தொகுதியில் மொத்தம் 9 வேட்பாளர்கள் போட்டியிடுகிறார்கள். இவர்களில் 7 பேர் ஆண்கள்; இருவர் பெண்கள்.

மேகாலாயாவில் 2 தொகுதிகளில் மொத்தம் 11 வேட்பாளர்கள் போட்டியிடுகிறார்கள். இவர்களில் 8 பேர் ஆண்கள்; மூவர் பெண்கள்.

மிசோரமில் 1 தொகுதியில் மொத்தம் 4 வேட்பாளர்கள் போட்டியிடுகிறார்கள். இவர்கள் நால்வருமே ஆண்கள்.

நாகலாந்தில் 1 தொகுதியில் மொத்தம் 3 வேட்பாளர்கள் போட்டியிடுகிறார்கள். இவர்கள் மூவருமே ஆண்கள்.

ஒரிசாவில் 10 தொகுதிகளில் மொத்தம் 72 வேட்பாளர்கள் போட்டியிடுகிறார்கள். இவர்களில் மொத்த ஆண் வேட்பாளர்கள் 67 பேர்; மொத்த பெண் வேட்பாளர்கள் 5 பேர்.

உத்தர பிரதேசத்தில் 16 தொகுதிகளில் மொத்தம் 271 வேட்பாளர்கள் போட்டியிடுகிறார்கள். இவர்களில் மொத்த ஆண் வேட்பாளர்கள் 259 பேர்; மொத்த பெண் வேட்பாளர்கள் 12 பேர்.

சட்டீஸ்கரில் 11 தொகுதிகளில் மொத்தம் 178 வேட்பாளர்கள் போட்டியிடுகிறார்கள். இவர்களில் மொத்த ஆண் வேட்பாளர்கள் 163 பேர்; மொத்த பெண் வேட்பாளர்கள் 15 பேர்.

ஜார்க்கண்டில் 6 தொகுதிகளில் மொத்தம் 85 வேட்பாளர்கள் போட்டியிடுகிறார்கள். இவர்களில் மொத்த ஆண் வேட்பாளர்கள் 79 பேர்; மொத்த பெண் வேட்பாளர்கள் 6 பேர்.

அந்தமான் & நிக்கோபார் தீவுகளில் 1 தொகுதியில் மொத்தம் 11 வேட்பாளர்கள் போட்டியிடுகிறார்கள். இவர்களில் 10 பேர் ஆண்கள். ஒருவர் பெண்.

லட்சத்தீவில் 1 தொகுதியில் மொத்தம் 4 வேட்பாளர்கள் போட்டியிடுகிறார்கள். இவர்கள் நால்வருமே ஆண்கள்.

மொத்தம் 124 தொகுதிகளில் 1715 வேட்பாளர்கள் போட்டியிடுகிறார்கள். இவர்களில் மொத்த ஆண் வேட்பாளர்கள் 1593 பேர்; மொத்த பெண் வேட்பாளர்கள் 122 பேர்.

ஆந்திர மாநிலம் மெகபூப் நகர் தொகுதியில் அதிகபட்சமாக 32 வேட்பாளர்களும், இதே தொகுதியில் அதிகபட்சமாக 5 பெண் வேட்பாளர்களும் போட்டியிடுகின்றனர். இதே போல சட்டீஸ்கர் மாநிலம் ராய்பூர் தொகுதியில் அதிகபட்சமாக 32 வேட்பாளர்களும், அதிகபட்சமாக 5 பெண் வேட்பாளர்களும் போட்டியிடுவது குறிப்பிடத்தக்கது.