வரகரிசி தேங்காய் பாயாசம்

by **ayyasamy ram** Tue Feb 13, 2024 2:58 pm

-
இந்த பாயசம் தேங்காய் அரைத்து வெல்லத்துடன் செய்த பாயசம். பாலுடன் செய்த பாயசத்தை பிறிதொரு சமயம் பார்த்தோம். அதை விட வெல்லத்துடன் சேர்த்து செய்யும் போது சுவை இன்னும் அருமையாக இருக்கும். கொடுக்கப்பட்டுள்ள அளவில் சுமார் 1 1/2 முதல் 2 கப் தயாரிக்கலாம்.
-
1 Tbsp வரகரிசி
1 சிட்டிகை உப்பு
1/4 கப் வெல்லம் ( அட்ஜஸ்ட் )

அரைக்க :
1/4 கப் தேங்காய் துருவல்
1/2 Tsp கச கசா
1/4 Tsp அரிசி [ அ ] அரிசி மாவு
2 ஏலக்காய்
சிறிய துண்டு ஜாதிக்காய்
3 முந்திரி பருப்பு

சுவை கூட்ட :
நெய்யில் வறுத்த முந்திரி மற்றும் கிஸ்மிஸ்

செய்முறை :
அரைக்க கொடுக்கப்பட்டுள்ள பொருட்களை மிக்ஸியில் நன்கு மைய அரைத்து தனியே எடுத்து வைக்கவும்.
-
வெல்லத்தை 1/4 கப் தண்ணீர் விட்டு அடுப்பில் வைத்து சூடாக்கி கரைக்கவும்.
பிறகு வடிகட்டி வைக்கவும்.

வேக வைத்த வரகரிசியை கரண்டியால் மசித்து 1/2 கப் தண்ணீருடன் அடுப்பில் குறைந்த தீயில் சூடாக்கவும்.
வெல்ல கரைசலை விட்டு கலக்கவும்.
2 நிமிடங்கள் கொதிக்க விடவும்.
பிறகு அரைத்து வைத்துள்ள தேங்காய் கலவையை சேர்த்து 5 – 8 நிமிடங்கள் கொதிக்க விடவும்.
-
ஒன்று சேர்ந்து பதமாக வந்தவுடன் அடுப்பை அணைத்து விடவும்.
நெய்யில் முந்திரி மற்றும் கிஸ்மிஸ் இரண்டையும் வறுத்து பாயசத்தின் மேல் கொட்டவும்.
மிக மிக சுவையான வரகரிசி தேங்காய் பாயசம் தயார்.

ஒரு கிண்ணத்தில் எடுத்து பரிமாறவும்.
-
தேங்காயை சிறு சிறு துண்டுகளாக்கி நெய்யில் வறுத்து பாயசத்தில் சேர்க்கலாம்.
பொதுவாக பாயசத்தின் நிறம் வெல்லத்தின் நிறத்தை பொருத்தே அமையும்.
வெல்லத்தின் அளவை சுவைக்கேற்றவாறு கூட்டி குறைத்துக் கொள்ளலாம்.
நன்றி- நம்மவீட்டு சமையல்