சிரிக்க மட்டுமே...!

by **ayyasamy ram** Wed Nov 01, 2023 4:17 pm

வடையை வாங்கி ரயிலை பிடிக்க போறீங்க !
-
சிரிக்க மட்டுமே...! Main-qimg-8e85dc436b81f6ce2615843e6db8f8c8

-
கணவன் மனைவி இரண்டு பேரும் ஊருக்கு செல்ல ரயில் ஏறி
இருந்தனர். சற்று நேரத்தில் ரயில் புறப்பட தயாராக இருந்தது.

அப்பொழுது ரயில்வே பிளேட்பார்மில் இருந்த ஒரு தேநீர்
கடையில் சூடாக வடை பொரித்து தட்டில் போட வாசம் மூக்கை
துளைத்தது.

கணவன் மனைவியிடம் சொன்னான் என்ன தான் வீட்டில்
நீ வடை சுட்டாலும் பிரயாணம் செய்யும் போது சாப்பிடும்
இந்த சூடான வடையின் வாசமும் சுவையும் அலாதி தான்!
ஒரு நான் போய் ஆளுக்கு ரெண்டு வடை வாங்கி வருகிறேன்
என்று சொல்லி விட்டு இறங்கினான்.

ஓடி சென்று கடையில் இருந்த பையனிடம் அப்பா சீக்கிரம்
நாலு வடையை கட்டு ரயிலை பிடிக்கணும் என்று சொல்ல!

தேநீர் கடையில் இருந்த பையன் சிரித்து கொண்டே வடையை
பேப்பரில் கட்டினான்.

எதற்கு அப்பா சிரிக்கிறாய் என்று கேட்க அதற்கு அந்த பையன்
சொன்னான்.

நாங்கெல்லாம் வடையை வாங்கி எலியை தான் பிடிப்போம்.
ஆனால் நீங்கள் வடையை வாங்கி ரயிலை பிடிக்க போறீங்க
பெரிய ஆள் தான் போங்க என்று சொன்னான்.
--