வருகிறது சூப்பர் எல் நினோ - இந்தியா எதிர்கொள்ளப்போகும் சவால்கள்?

by **ayyasamy ram** Tue Oct 24, 2023 8:42 am

--
வருகிறது சூப்பர் எல் நினோ - இந்தியா எதிர்கொள்ளப்போகும் சவால்கள்?

எதிர்வரும் நவம்பர் முதல் ஜனவரி வரையிலான காலகட்டத்தில்
பசிபிக் பெருங்கடலில் மிகக் கடுமையான எல்-நினோ
(சூப்பர் எல்-நினோ ) பருவமாற்றம் நிகழு வாய்ப்பிருந்தாக
விஞ்ஞானிகள் கணித்துள்ளனர்.

ஒருவேளை, இந்த கணிப்பு உண்மையாகும் பட்சத்தில் மாபெரும்
தாக்கத்தை இந்த உலகம் சந்திக்க நேரிடும் என்றும் அவர்கள்
எச்சரித்துள்ளனர்.

எல்- நினோ என்றால் என்ன?

தென் அமெரிக்கக் கண்டத்தின் மேற்குக் கடற்கரையில் ஹம்போல்ட்
நீரோட்டம் அல்லது பெரு நீரோட்டம் என்ற கடல் நீரோட்டம் உள்ளது.
வழக்கமான காலங்களில், இந்நீரோட்டம் பெரு நாட்டின் கிழக்கு
பசிபிக்கில் (Eastern Pacific Ocean) உள்ள "லிமா" கடற்கரையில்
இருந்து மேற்கத்திய பசிபிக் பெருங்கடல் வரை
( Western Pacific Ocean) கிழக்கு - மேற்காகச் செல்லுகிறது.

இதன் காரணமாக, தென்னமெரிக்கக் கண்டத்தில் இருந்து வெப்பம்
ஆசியாவிற்கு கடத்தப்படுகிறது.

இதனால், பெரு கடலுக்கடியில் இருந்து குளிர்ச்சியான ஊட்டச்சத்து
நிறைந்த நீரை மேலெழுப்பித் தருகிறது. இதனை ஆங்கிலத்தில்
அப்வெல்லிங் (coastal upwelling) என்றழைக்கின்றனர்.

ஊட்டச்சத்து நிரைந்த நீர் மேலெழும்புவதால் அங்கு மீன்கள்
வளர்வதற்கான சூழல் உருவாகிறது. சுருங்க சொன்னால், வறண்ட குளிரும்,
குறைந்த மழையும் கொண்ட கிழக்கத்திய பகுதி, எல்-நினோ தாக்கத்தின்
பிறகு மிகவும் ஈரமாக மித வெப்பம் மற்றும் அதிக மழையை உடைய
பகுதியாக மாற்றப்படுகிறது.

ஆனால், எல்-நினோ தாக்கத்தின் போது காற்றின் கிழக்கு மேற்கு என்ற
இந்த திசை மாறி ( western pacific to Eastern Pacific Ocean)
அதற்கு நேர்மாறான மேற்கு கிழக்கு திசைக்கு இடம்பெயர்கிறது.

இதனால் வெப்பமான நீர் பெருநாட்டுக் கடற்கரையை வந்தடைகிறது.
இதன் காரணமாக, அதிக ஈரப்பதத்தையும், மிதவெப்பத்தையும் அதிக
மழையையும் கொண்டிருக்கும் மேற்கத்திய பசிபிக் ஈரப்பதம் இல்லாமலும்
மாறுகிறது. இந்த வெப்பமான நீர் மீன்கள் வளர்ச்சிக்கு ஏதுவானதாக
இருக்காது.

மேலும், கடல்நீரின் வெப்பம் அதிகரித்து புயலுக்கு வழிவகுக்கிறது.
இதனால் மீன்பிடி தொழில் வெகுவாக பாதிப்படைந்து அந்நாட்டின்
ஒட்டுமொத்த பொருளாதாரத்தையே பாதிக்கிறது. இதன் தாக்கம்,
தென்கிழக்கு ஆசியா, இந்தியா, தென்ஆப்பிரிக்கா பகுதிகளுக்கும்
வருகிறது.

விஞ்ஞானிகள் எச்சரிக்கை:

தற்போது, பெரு கடல்நீரின் வெப்பம் இயல்பை விட 2.7 டிகிரி செல்சியஸ்
தொடர்ந்து அதிகமாக இருப்பதாகவும், 2015-16, 1997-98 காலகட்டங்களில்
உருவான எல்-நினோ தாக்கத்தோடு இந்த வேறுபாடு ஒப்பானதாக
ஆய்வாளர்கள் கருதுகின்றனர். இதனால், எதிவரவிருக்கும் எல்-நினோவை
சூப்பர் எல்-நினோ என்று குறிக்கின்றனர்.

இந்தியாவில் என்ன பாதிப்பு?

இந்தியாவின் சூழலைப் பொறுத்தவரையில், ஏற்கனவே தண்ணீர் பற்றாக்
குறை உள்ள பல பகுதிகள் உள்ளன மற்றும் பாசனத்திற்கு போதிய தண்ணீர்
கிடைக்கவில்லை. இத்தகைய சூழ்நிலையில் எல் நினோ விளைவால் வறட்சி
பிரச்னை உருவாகலாம்.

உணவு நெருக்கடியும் ஏற்படலாம் என்கிறார்கள் வல்லுநர்கள். இருப்பினும்,
இந்த ஆண்டின் வடகிழக்குப் பருவமழை காலத்தில் (அக்டோபர் முதல்
டிசம்பர் வரை) நாட்டின் மழை பொழிவு இயல்பானதாகவே இருக்கும் என்று
இந்திய வானிலை ஆய்வு மையம் கணித்துள்ளது.
-
-நியூஸ் 18 & Dailyhunt