முள்ளங்கியில் உள்ள சத்துக்கள் மற்றும் பயன்கள்

by **சிவா** Sat Aug 12, 2023 7:56 pm

#முள்ளங்கி என்பதை நாம் பெரிதாக கண்டுகொள்வது இல்லை. ஆனால் இதில் பல்வேறு சக்திகள் உள்ளது. இந்நிலையில் இதில் குறைந்த கலோரிகள் உள்ளது. போலேட், வைட்டமின் பி6, பொட்டாஷியம், மான்கனிஸ், கால்சியம் உள்ளது. மேலும் இதில் கொழுப்பு சத்தே இல்லை.

100 கிராம் முள்ளங்கியில் உள்ள சத்துக்களை பற்றி தெரிந்துகொள்வோம்.

கலோரிகள்: 32.27

சோடியம்: 21 மில்லி கிராம்

கார்போஹைட்ரேட்: 6.56 கிராம்

நார்சத்து: 1.6 கிராம்

சர்க்கரை : 2.5 கிராம்

புரத சத்து: 0.77 கிராம்

வைட்டமின் கே, போலேட், வைட்டமின் சி, பொட்டாஷியம், வைட்டமின் பி5, வைட்டமின் பி6, வைட்டமின் இ, வைட்டமின் கே கொண்டது.

முள்ளங்கியில் உள்ள நார்சத்து, மலச்சிக்கல் பிரச்சனையை தீர்க்கும்.

உடல் எடை குறையும்:

முள்ளங்கியில் அதிக தண்ணீர் சத்து இருக்கிறது. மேலும் குறைந்த கலோரிகள் உள்ளது. இதனால் அதிக நேரம் சாப்பிட்டதுபோல ஒரு உணர்வு ஏற்படும். இதனால் சீரான உடல் எடை பெற உதவுகிறது.

ரத்த அழுத்தம்:

முள்ளங்கியில் பொட்டாஷியம் இருக்கிறது. அதிக ரத்த அழுத்தத்தால் பாதிக்கப்பட்டவர்கள், இதை சாப்பிடும்போது, ரத்த குழாய்களை ஓய்வாக உணரச் செய்து, ரத்த ஓட்டத்தை அதிகரிக்கிறது.

முள்ளங்கியில் உள்ள சிங், பாஸ்பரஸ், வைட்டமின் ஏ, சி, கே, சத்துக்கள் பல்வேறு சரும பிரச்சனைகள் ஏற்படாமல் பார்த்துக்கொள்கிறது. பச்சையாக நாம் முள்ளங்கியை சாப்பிட்டால் செல்கள் உருவாக உதவும். மேலும் நமது சருமத்திற்கு தேவையான ஈரப்பதத்தை கொடுப்பதால் சருமம் ஆரோக்கியமாக இருக்கும்.

முள்ளங்கி கல்லீரலை சுத்தப்படுத்தும். மேலும் மஞ்சள் காமாலை நோயை குணப்படுத்தும் என்று கூறப்படுகிறது. இது கல்லீரல் மற்றும் வயிற்றை சுத்தம் செய்யும். ரத்தத்தில் உள்ள பிலிரூபினை சுத்தம் செய்யும். ஆனால் மஞ்சள் காமாலை நோய்க்கு மருந்துகள் சாப்பிடுவது மிகவும் முக்கியம்.

by **Dr.S.Soundarapandian** Tue Aug 22, 2023 11:21 am

முள்ளங்கியில் உள்ள சத்துக்கள் மற்றும் பயன்கள்

முள்ளங்கியில் உள்ள சத்துக்கள் மற்றும் பயன்கள்

Re: முள்ளங்கியில் உள்ள சத்துக்கள் மற்றும் பயன்கள்