Latest topics

சங்கு, சக்கரம் ஏந்தி காட்சி தரும் முருகன் ஆலயம்

ஈகரை தமிழ் களஞ்சியம் :: ஆன்மீகம் :: இந்து

Page 1 of 1

சங்கு, சக்கரம் ஏந்தி காட்சி தரும் முருகன் ஆலயம்

Post by ayyasamy ram Thu Nov 10, 2022 11:34 pm

-
முருகப்பெருமான் பாம்பு வடிவில் காட்சி தரும் திருக்கோயில்,
‘காட்டி சுப்ரமணியா’ எனும் குக்கே சுப்ரமண்யா திருத்தலமாகும்.

இது கர்நாடக மாநிலத்தில் அமைந்துள்ளது. இப்பகுதியில் பாம்புகள்
யாரையும் தீண்டுவதில்லை. அதுபோல், பாம்பைக் காணும் யாரும்
அதைத் துன்புறுத்துவதுமில்லை.

கனககிரி எனும் திருத்தலத்தில் அமைந்துள்ள முருகன் கோயிலில்
கந்தபெருமான் தமது திருக்கரத்தில் கிளியை ஏந்தியபடி காட்சி
தருகிறார்.

செம்பனார்கோவில் திருத்தலத்தில் முருகப்பெருமான் ஜடாமகுடம்
தாங்கி, இரண்டு கைகளிலும் அக்கமாலை கொண்டு தவக்
கோலத்தில் காட்சி தருவது சிறப்பு.

தனது மாமன் திருமாலைப் போல் முருகப்பெருமானும் தம்
திருக்கரங்களில் சங்கு, சக்கரம் ஏந்தி காட்சி தரும் ஆலயம்
கும்பகோணம் அருகில் அழகாபுத்தூர் என்ற இடத்தில் அமைந்துள்ளது.

பூம்புகார் அருகே, மேலையூரில் திருச்சாய்க்காடு (இலுப்பை வனம்)
சாயாவனேஸ்வர்ர் ஆலயத்தில் முருகப்பெருமான் வில், அம்பு ஏந்திய
கோலத்தில் பஞ்சலோக சிலை வடிவில் அருள்பாலிக்கிறார்.

ஜோலார்பேட்டை, ஏலகிரி மலையில் ஜலகாம்பாறை எனுமிடத்தில்
உள்ள முருகன் கோயிலில் விக்ரஹம் ஏதும் இல்லை.
ஏழு அடி உயர வேல் மட்டும்தான் காட்சி தருகிறது. வேல் வடிவில்
வேலவனை தரிசிக்கும் வித்தியாசமான ஆலயமிது.
-
-ஏ.எஸ். கோவிந்தராஜன்
நன்றி: ‘திபம்’

ayyasamy ram: வழிநடத்துனர்; பதிவுகள் : 83749
இணைந்தது : 30/09/2013