காங்கிரஸ் மீது தி.மு.க., கடும் கோபம்?

பிரதமர் மோடி பங்கேற்ற 'செஸ் ஒலிம்பியாட்' போட்டி துவக்க விழாவை, காங்கிரஸ் புறக்கணித்ததுடன், அண்ணா பல்கலை பட்டமளிப்பு விழா தொடர்பாக, அமைச்சர் பொன்முடியை விமர்சித்ததும், தி.மு.க., தலைமைக்கு அதிர்ச்சியை ஏற்படுத்தி உள்ளது.

சென்னையில், பிரதமர் மோடி பங்கேற்ற செஸ் ஒலிம்பியாட் போட்டி துவக்க விழாவை, காங்கிரஸ் - எம்.எல்.ஏ.,க்கள் புறக்கணித்தனர். விழா போஸ்டரில், பிரதமர் மோடி படத்தை சில அமைப்புகள் கருப்பு மை பூசி அழித்தனர்.இது தொடர்பாக சிலர் கைது செய்யப்பட்டதை கண்டித்து, தமிழக காங்கிரஸ் தலைவர் அழகிரி அறிக்கை வெளியிட்டார்.

மேலும், உ.பி., முதல்வர் யோகி ஆதித்யநாத்துக்கு, தி.மு.க., - எம்.பி., ஜெகத்ரட்சகன் நேரில் சென்று அழைப்பிதழ் கொடுத்ததும், அழகிரிக்கு அதிர்ச்சியை ஏற்படுத்தியுள்ளது.இதற்கிடையில், முதல்வர் ஸ்டாலினுக்கு நெருங்கிய நண்பரான பீட்டர் அல்போன்ஸ், தி.மு.க., அரசில் சிறுபான்மையினர் நல ஆணைய தலைவராக இருக்கிறார்.அவருக்கு, முதல்வரின் முகாம் அலுவலகத்தில் இருந்து சிறப்பு அழைப்பு விடப்பட்டுள்ளது.

புதுடில்லியில் இருந்து ராகுல் பிறப்பித்த தடையை தொடர்ந்து, பீட்டர் அல்போன்சும் புறக்கணித்துள்ளார்.இதற்கிடையில், 'மானமும் வீரமும் மறத்தமிழர்க்கழகு' என்ற தலைப்பில், அமைச்சர் பொன்முடிக்கு சில கேள்விகளை கேட்டு, நேற்று முன்தினம் இரவு, காங்கிரஸ் தரப்பில் சமூக வலைதளங்களில் பதிவு வெளியிடப்பட்டுள்ளது.காங்கிரஸ் பதிவு விபரம்:மதுரை காமராஜ் பல்கலை பட்டமளிப்பு விழா அழைப்பிதழில், மத்திய அமைச்சர் முருகன் பெயரை, இணை வேந்தரான என் பெயருக்கு முன் போட்டு, கவர்னர் ரவி, பா.ஜ.,வுக்கு ஆதரவாக அரசியல் செய்கிறார்.

எனவே, பட்டமளிப்பு விழாவை புறக்கணிப்பதாக கூறிய உயர் கல்வி துறை அமைச்சர் பொன்முடி, அறிவித்தபடி அவ்விழாவை புறக்கணித்தார்.ஆனால், பிரதமர் மோடி பங்கேற்ற, சென்னை அண்ணா பல்கலை பட்டமளிப்பு விழா அழைப்பிதழிலும், மதுரை காமராஜ் பல்கலை செய்தது போலவே, முருகன் பெயரை பொன்முடி பெயருக்கு முன் போட்டு, தன் அதிகாரத்தை நிரூபித்திருக்கிறார் கவர்னர் ரவி.

பொன்முடி மானத்தோடு புறக்கணிப்பாரா? மண்டியிட்டு சரணடைவாரா?இவ்வாறு அப்பதிவில் கூறப்பட்டுள்ளது.ஆனால், நேற்று நடந்த பட்டமளிப்பு விழாவில், பொன்முடி கலந்து கொண்டார். ஆனாலும், காங்கிரசாரின் விமர்சனமும், புறக்கணிப்பும், தி.மு.க., தலைமைக்கு அதிர்ச்சியை ஏற்படுத்தி உள்ளது.

இது குறித்து, தி.மு.க., நிர்வாகிகள் கூறியதாவது:செஸ் ஒலிம்பியாட் போட்டி ஏற்பாடுகளை, தமிழக அரசு குறுகிய காலத்தில் சிறப்பாக செய்துள்ளதாக, எதிர்க்கட்சிகளான பா.ஜ., - பா.ம.க., தலைவர்கள் வெகுவாக பாராட்டி உள்ளனர்.

ஆனால், கூட்டணி கட்சியான காங்கிரஸ், தி.மு.க., அரசு நடத்திய பிரமாண்ட விழாவை புறக்கணித்ததுடன், அக்கட்சியின் மூத்த அமைச்சர் பொன்முடியை அவமதிக்கும் வகையில் விமர்சித்துள்ளனர்.இது, கூட்டணி உறவில் சிக்கலை ஏற்படுத்தி உள்ளது. இதற்கு, காங்கிரஸ் மேலிடம்பதில் சொல்லியாக வேண்டும்.இவ்வாறு அவர்கள்கூறினர்.


நன்றி தினமலர்/

காமராஜருக்கு பிறகு கலை இழந்து, மற்ற கட்சிகளின் முதுகில் சவாரி செய்யும் 
காங்கிரஸ். வேஷ்டி உருவும் கலாச்சாரத்தை உண்டாக்கிய த கா க.

தலை இருக்க வாலாடக்கூடாது. அழைப்பு விடுத்தது திமுக.அதில் ஒரு  கூட்டணி அங்கம் காங்கிரஸ்.இதை  தெரிந்தோ தெரியாமலோ அவமதித்தது காங்கிரஸ். 

ஆகஸ்ட் 15ம் தேதி, செங்கோட்டையில் பிரதமர் நாட்டின் தேசிய மூவர்ண கொடியை  
ஏற்றுவார் . காங்கிரஸிற்கும் அழைப்பு விடுப்பார்கள்.அதையும் காங்கிரஸ் தவிர்க்குமா?