சிறுகதைத் திறனாய்வு : புதுமைப்பித்தனின் ‘நிகும்பலை’

சிறுகதைத் திறனாய்வு : புதுமைப்பித்தனின் ‘நிகும்பலை’

1 . நிகும்பலை - ஆளின் பெயர் அல்ல! இடத்தின் பெயர்!இராமாயணக் கதையில், இந்திரஜித்து நிகும்பலை என்ற இடத்தில் ஓர் யாகம் செய்ய முயலுவான்;விபீடணன், இதை இராம லக்குவர்க்குத் தெரிவிப்பான்; இராமலக்குவர் அந்த யாகத்தை நடத்த விடாதபடி செய்துவிடுவர்! இந்திர ஜித்து, இராவணனுக்கும் , மயன் மகள் மண்டோதரிக்கும் பிறந்தவன்.

2 . நடேசன் , இராமசாமி, சண்முகம் மூவரும் ‘நிகும்பலை’ யாகம் நடத்துகின்றனர்! பி.ஏ. தேர்வுக்குப் படித்துத் தேர்வாவதே அந்த யாகம்!
இராமசாமி வீடே ‘நிகும்பலை’!
3 . மூவரில், நடேசனுக்குச் சிகரெட் பழக்கம்!


மாணவரிடையே இப் படிப்பட்ட பழக்கம் இருப்பது நல்லதல்ல என்பது ஆசிரியர் விடுக்கும் மறைவான செய்தி!
4 . இராமசாமியும் நடேசனும் பேராசிரியர் கொடுத்த குறிப்புகளை ஒழுங்காக வைத்திருக்கவில்லை! பாருங்கள்!:


தேர்வு வந்தால்தான் படிப்பது என மாணவர்கள் தீர்மானமாக உள்ளார்கள்! இது தவறு என்று இங்கே கடியப்படுகிறது!
‘நிகும்பலை’ யாகம் போலத், தேர்வில் இவர்கள் வெற்றி அடைய மாட்டார்களோ என்ற ஐயத்தை நம்மிடம் இந் நடவடிக்கைகள் எழுப்புகின்றன!

5 . அறிவுக்குப் படிக்காமல், தேர்வுக்காக மட்டும் படிப்பது , மாணவரிடையே காணும் பெரும் தவறு! யாரும் இதைக் கண்டுகொள்வதில்லை! புதுமைப்பித்தன் அன்றே கவலைப்பட்டுள்ளார்! :


‘போன தேர்வில் வந்தது, இப்போ வராது’என்பது மாணவரிடையே இறுகிப்போன எண்ணம்! இந்த எண்ணத்தை நெய்யூற்றி வளர்ப்பவர்கள் , நம் அசிரியர்கள், பேராசிரியர்கள்!

6 . தேர்வு நுழைவுச் சீட்டுத் தரவேண்டிய ‘ரைட்டர்’அனந்தராம் ஐயருக்குக் கையூட்டுக் கொடுத்து , நேரம் அல்லா நேரத்தில், மூன்று மாணவர்களும் (இராமசாமி, நடேசன், சண்முகம்) அச் சீட்டுகளைப் பெறுகின்றனர்!:


மாணவப் பருவத்திலேயே கையூட்டுப் பழக்கம்!

7 . ஒரு சரித்திர ஆசிரியரை இவ்வாறு அறிமுகப்படுத்துகிறார் நம் கதாசிரியர்!:


பாடத் திட்டங்களை வகுத்துக் கொடுத்தால், பேராசிரியர்கள் , அவர்களாகவே ஒரு வடிவை உருவாக்கிக் கொள்கிறார்கள்! வினாத்தாளை முன்னிறுத்திக்கொண்டு அதற்குத் தக மாணவர் படிப்புலகத்தைத் திருகிச் சேர்த்து, ‘இந்தா நீ பாஸ் ஆகிவிட்டாய்! ஒழி!’ என்று வெளியே துப்பிவிடுகிறார்கள்! பாடத்திட்ட நோக்கம் அம்போ! இதைத்தான் சாடுகிறார் புதுமைப்பித்தன்!

8 . அடுத்தபடியாக மாணவர்களின் மூடநம்பிக்கை! :


நடேசன் எண் 7744 ! கூட்டுத்தொகை ஒற்றைப்படையில் வரவில்லையா! அதனால் அவன் ‘கோளா’ என்கிறான்!
இந்த மூடத்தனத்தை வளர்ப்பவர்கள் பட்டிக்காட்டான்கள் அல்ல!படித்து மாதம் ஒன்றரை லட்சம் சம்பாதிப்பவர்கள்தான் ! ஒரு தலைமை ஆசிரியை தேர்வன்று ஒரு பழைய பச்சைப் புடவையைக் கட்டிவந்தார்! என்ன என்று கேட்டால், அதுதான் ராசியாம்! இப்படிப் பட்டவர்கள்தான் தமிழகம் முழுதும் நிறைந்துள்ளார்கள்! அந்த அம்மையாரின் நிர்வாகம் எப்படி இருக்கும்? அவர் மாணவர்களுக்கு என்ன சிந்தனைகளை வளர்த்திருப்பார்?

9 .

பதவிப் பெயர்கள் காலந்தோறும் சிக்கலுக் குரியவைதாம்! ‘பியூன்’ என்றா ஒருகாலத்தில் மரியாதை! இதைப் பதிவு செய்துள்ளார் இங்கு புதுமைப்பித்தன்; ஆனால், பின்னாளில் ‘பியூன்’ என்பது குறைவான சொல்லாக ஆனது! ’சி அண்டு டி ஊழியர்’ எனல் வேண்டும்; அல்லது ‘கடைநிலை ஊழியர்’ என்று எழுதவேண்டும். கார்பொரேட் ஆட்கள் கில்லாடி! பொருட்களை வீடு வீடாக எடுத்துச் செல்வோர்க்கு ‘service partner’ என்று பெயர்தந்து,ஏமாற்றுகிறார்கள்!

10 . தேர்வு எழுத வரும் அந்நாள் மாணவர்களின் இயல்புகளை வெகு நயமாக வரைகிறார் ஆசிரியர்!:


மாணவர்கள் மைக்கூட்டோடு தேர்வு எழுத வந்துள்ளதை நானே பார்த்துள்ளேன்! பதற்றமும் பீதியும் நிறைந்த காலம் அக்காலம்! யாருக்காவது குறை நேர்ந்தால், ‘கவலைப்படாதே! நான் இருக்கிறேன்!’ என்று சொல்ல ஆள் இருக்காது! இப்படிப் பார்க்கும்போது அக்காலத்தை விட இக்காலம் எவ்வளவோ மேல் என்றுதான் கூறவேண்டும்!

11.தேர்வு எழுதிவிட்டு வெளிவந்த மாணவர்களின் பேச்சு!:


இது எதைக்குறிக்கிறது என்றால், மாணவர்களின் தன்னம்பிக்கை இன்மையையும், அவர்களுக்குக் கற்றுத் தந்த ‘வினாவுக்கு விடை’ முறையையும்தான்! தெளிவற்ற கல்விமுறை!

12 . தேர்வு முடிவு வந்தது! என்ன நிலை?:


எப்படியோ மூவரும் தேறிவிட்டார்கள்! அவர்கள் கற்றது? அதைக் கேட்கக் கூடாது!
அது மட்டுமல்ல! அடுத்து எழுதப்போகும் ‘சர்வீஸ் கமிசன் ’ தேர்விலும் வெல்வார்கள் என்று உறுதியாகக் கூறிவிட்டார் புதுமைப்பித்தன் !
ஏனென்றால் , போய்க்கொண்டிருக்கும் கல்விமுறை பற்றி யாராவது சிந்தித்தால்தானே?

13. நம் மூன்று மாணவர்களைப் பொறுத்தவரை, ‘நிகும்பலை’யில் யாகம் நடந்தேறியது!
***