ஹிந்தி பேசுபவர்கள் நல்லவர்கள்;--சுஹாசினி

by **T.N.Balasubramanian** Wed May 04, 2022 12:03 pm

சென்னை: 'ஹிந்தி பேசுபவர்கள் நல்லவர்கள்; அவர்களுடன் பேச ஹிந்தி கற்கலாம்' என, நடிகை சுஹாசினி கூறியது சர்ச்சையாகி உள்ளது.

ஹிந்தி பேசுபவர்கள் நல்லவர்கள்;--சுஹாசினி Gallerye_041628755_3021922

மொழி குறித்த சர்ச்சை, அரசியலை தாண்டி திரையுலகிலும் விமர்சனத்திற்கு ஆளாகியுள்ளது. திரையுலகினர் அவரவர் மொழி குறித்து, கருத்து கூறி வருகின்றனர். இந்நிலையில், தனியார் நிகழ்ச்சி ஒன்றில் பங்கேற்ற நடிகை சுஹாசினி அளித்த பேட்டி: அனைத்து மொழிகளையும் கற்றுக் கொண்டால் நல்லதே. நான் தினமும் வெவ்வேறு மொழி பேசுபவர்களுடன் பேச வேண்டிய கட்டாயம் உள்ளது. ஆதலால், எல்லா மொழிகளையும் கற்றே ஆக வேண்டும்.

இது மட்டுமே வேண்டும் என சொன்னால், சாப்பாடு கிடைக்குமா; எல்லா மொழியையும் கற்றுக் கொண்டு, சமமாக நினைக்க வேண்டும். ஹிந்தி ஒரு நல்ல மொழி; ரொம்ப முக்கியம். ஹிந்தி பேசுபவர்கள் நல்லவர்கள்; நல்லவர்களுடன் நாமும் பேச, ஹிந்தி கற்க வேண்டும்.

அதேபோல, தமிழ் பேசுபவர்களும் நல்லவர்கள் தான். தமிழில் பேசினால் அவர்களும் சந்தோஷப்படுவர். எனக்கு பிரெஞ்சு கூட பிடிக்கும்; அதனால், நான் தமிழ் இல்லை என்றாகிவிடுமா! இவ்வாறு அவர் கூறியுள்ளார்.
சுஹாசினி கருத்தை ஆதரித்தும், விமர்சித்தும் சமூக வலைதளங்களில் பலரும் கருத்துக்களை பதிவிட்டு வருகின்றனர்.

நன்றி தினமலர்.

by **T.N.Balasubramanian** Wed May 04, 2022 12:07 pm

என்னது இது???????

பேப்பர்களில் பெயர் வர ஏதாவது பேசவேண்டும் போலிருக்கு.

நல்லவர்கள் இருந்தால்தான் அந்த மொழி கற்றுக்கொள்ளவேண்டுமா?
எந்த மொழி பேசுபவர்கள் நல்லவர்களில்லை?
ஒரு வேளை ஹிந்தி சினிமாவில் நடிக்க வாய்ப்பு வந்துள்ளதோ?

by **Dr.S.Soundarapandian** Wed May 04, 2022 6:09 pm

சுஹாசினி பேசியது , இங்கு ஏற்கனவே சொன்னதுதான்! ‘இந்தி எங்களுக்குப் பகை மொழி அல்ல! இந்தி பேசுபவர்களும் எங்களுக்குப் பகைவர்கள் அல்ல! இந்தியைத் திணிப்பதுதான் கூடாது!’ என்றுதானே தமிழகம் கூறிவருகிறது?

by Sponsored content

ஹிந்தி பேசுபவர்கள் நல்லவர்கள்;--சுஹாசினி

ஹிந்தி பேசுபவர்கள் நல்லவர்கள்;--சுஹாசினி

Re: ஹிந்தி பேசுபவர்கள் நல்லவர்கள்;--சுஹாசினி

Re: ஹிந்தி பேசுபவர்கள் நல்லவர்கள்;--சுஹாசினி

Re: ஹிந்தி பேசுபவர்கள் நல்லவர்கள்;--சுஹாசினி