''ஏழை மாணவர்களை பாதிக்கும்'' : நீட் விலக்கு மசோதாவை திருப்பி அனுப்பினார் கவர்னர்

by **ayyasamy ram** Thu Feb 03, 2022 7:00 pm

சென்னை: நீட் தேர்வில் இருந்து தமிழகத்திற்கு விலக்கு அளிக்க கோரிய மசோதாவை, விரிவான விளக்கத்துடன் கவர்னர் திருப்பி அனுப்பினார்.

நீட் தேர்வில் இருந்து தமிழகத்திற்கு விலக்கு அளிக்கும் சட்ட
மசோதா, கடந்த ஆண்டு செப்.,13ல் தமிழக சட்டசபையில்
ஒரு மனதாக நிறைவேற்றப்பட்டு, கவர்னரின் ஒப்புதலுக்கு
அனுப்பி வைக்கப்பட்டது.

இந்த மசோதாவுக்கு ஒப்புதல் அளித்து, ஜனாதிபதிக்கு அனுப்பி
வைக்க வேண்டும் என தமிழக அரசு வலியுறுத்தியது.
இது தொடர்பாக ஜனாதிபதி மாளிகையில் தி.மு.க., எம்.பி.,க்கள் ம
னு அளித்திருந்தனர். தமிழக கட்சி குழுவினர் மத்திய உள்துறை
அமைச்சர் அமித்ஷாவை சந்தித்து பேசியிருந்தனர்.

இந்நிலையில், தமிழக கவர்னர் மாளிகை வெளியிட்ட அறிக்கையில்
கூறப்பட்டு உள்ளதாவது:

நீட் தேர்வில் விலக்கு கேட்டு தமிழக சட்டசபையில் நிறைவேற்றப்பட்ட
மசோதாவையும், தமிழக அரசு அமைத்த குழுவின் அறிக்கையையும்
கவர்னர் தீவிர ஆலோசனை நடத்தினார். இந்த மசோதாவானது,
மாநிலத்தில் வசிக்கும், பொருளாதார மற்றும் சமூக ரீதியில்
பின்தங்கிய மாணவர்களுக்கு எதிராக உள்ளது என்பது தெரிய
வந்துள்ளது. இதனால், இந்த மசோதாவை மறுபரிசீலனை செய்ய
வேண்டி, தமிழக சட்டசபை சபாநாயகருக்கு, நீட் தேர்வு விலக்கு
மசோதாவை கவர்னர் அனுப்பி வைத்துவிட்டார்.

நீட் தேர்வு விவகாரத்தில் மத்திய அரசுக்கு எதிராக வேலூரில் உள்ள
சிஎம்சி மருத்துவ கல்லூரி தொடர்ந்த வழக்கை விசாரித்த
உச்சநீதிமன்றம், தேர்வு குறித்து நன்கு ஆராய்ந்ததுடன், ஏழை
மாணவர்களின் பொருளாதாரத்தை சுரண்டலை தடுக்கவும், சமூக
நீதியை மேம்படுத்தவும், நீட் தேர்வு உதவுகிறது என்பதை உறுதி
செய்தது.
இவ்வாறு அந்த அறிக்கையில் தெரிவிக்கப்பட்டு உள்ளது.

-தினமலர்

by **சிவா** Thu Feb 03, 2022 7:25 pm

நீட் தேர்வின் அவசியத்தை தமிழக மக்கள் புரிந்து கொண்டார்கள். இனிமேல் இதை வைத்து அரசியல் செய்வது கேலிக்கூத்தாகவே இருக்கும்.

by **krishnaamma** Thu Feb 03, 2022 7:46 pm

நீட் தேர்வு விவகாரத்தில் மத்திய அரசுக்கு எதிராக வேலூரில் உள்ள
சிஎம்சி மருத்துவ கல்லூரி தொடர்ந்த வழக்கை விசாரித்த
உச்சநீதிமன்றம், தேர்வு குறித்து நன்கு ஆராய்ந்ததுடன், ஏழை
மாணவர்களின் பொருளாதாரத்தை சுரண்டலை தடுக்கவும், சமூக
நீதியை மேம்படுத்தவும், நீட் தேர்வு உதவுகிறது என்பதை உறுதி
செய்தது.

நீட் தேர்வுக்கு எத்தனை அரசு பள்ளி மாணவ மாணவிகள் தேர்ந்து எடுக்கப்பட்டார்கள் என்று ஒரு அறிக்கை தயார் செய்தாலே இவர்களின் பவிஷ் தெரிய வந்து விடுமே...செய்வார்களா????? புன்னகை

by **T.N.Balasubramanian** Thu Feb 03, 2022 8:43 pm

தமிழக CBSE மாணவர்கள் சார்பாக -அதிமுக கொண்டுவந்த மசோதாவை எதிர்த்து உச்ச நீதிமன்றத்தில் நீட் தேவை என நளினி சிதம்பரம் வாதாடி ஜெயித்து இருக்கிறார்.
உச்ச நீதி மன்றமும் நீட் நிச்சயம் கடைபிடிக்கவேண்டும் என கூறியுள்ளது.

by **T.N.Balasubramanian** Thu Feb 03, 2022 8:56 pm

நீட் தேர்வு : மத்திய அரசை காங்கிரஸ் கட்சி ஆளும் போது -அப்போது திமுக அதில் ஒரு அங்கம், நீட் தேர்வை அமல் படுத்தியது என்று மந்திரி விஜய பாஸ்கர் சட்டசபையில் கூறினார் --அதாவது முந்தைய ஆட்சியில்.

by Sponsored content

''ஏழை மாணவர்களை பாதிக்கும்'' : நீட் விலக்கு மசோதாவை திருப்பி அனுப்பினார் கவர்னர்

''ஏழை மாணவர்களை பாதிக்கும்'' : நீட் விலக்கு மசோதாவை திருப்பி அனுப்பினார் கவர்னர்

Re: ''ஏழை மாணவர்களை பாதிக்கும்'' : நீட் விலக்கு மசோதாவை திருப்பி அனுப்பினார் கவர்னர்

Re: ''ஏழை மாணவர்களை பாதிக்கும்'' : நீட் விலக்கு மசோதாவை திருப்பி அனுப்பினார் கவர்னர்

Re: ''ஏழை மாணவர்களை பாதிக்கும்'' : நீட் விலக்கு மசோதாவை திருப்பி அனுப்பினார் கவர்னர்

Re: ''ஏழை மாணவர்களை பாதிக்கும்'' : நீட் விலக்கு மசோதாவை திருப்பி அனுப்பினார் கவர்னர்

Re: ''ஏழை மாணவர்களை பாதிக்கும்'' : நீட் விலக்கு மசோதாவை திருப்பி அனுப்பினார் கவர்னர்