Latest topics

தேர்தலில் வெற்றி பெற்ற எம்.பி.,க்கள்; எந்த பதவியை ராஜினாமா செய்வர்!

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

தேர்தலில் வெற்றி பெற்ற எம்.பி.,க்கள்; எந்த பதவியை ராஜினாமா செய்வர்!

Post by ayyasamy ram Mon May 03, 2021 8:49 am

-

சென்னை :
அ.தி.மு.க., சார்பில், எம்.எல்.ஏ.,வாக தேர்வு செய்யப்பட்டுள்ள,
ராஜ்யசபா எம்.பி.,க்கள், எந்த பதவியை ராஜினாமா செய்வர்
என்ற, கேள்வி எழுந்துள்ளது.
-
அ.தி.மு.க., துணை ஒருங்கிணைப்பாளராக உள்ள, முன்னாள்
அமைச்சர்கள் கே.பி.முனுசாமி, வைத்திலிங்கம் ஆகியோர்,
ராஜ்யசபா எம்.பி.,க்களாக உள்ளனர்.
-
சட்டசபை தேர்தலில், அ.தி.மு.க., வெற்றி பெற்று ஆட்சியைப்
பிடித்தால், அமைச்சராக வேண்டும் என்பதற்காக, இருவரும்
சட்டசபை தேர்தலில் போட்டியிட்டனர்.
-
கே.பி.முனுசாமி, கிருஷ்ணகிரி மாவட்டம், வேப்பனஹள்ளி
தொகுதியிலும்; வைத்திலிங்கம், தஞ்சாவூர் மாவட்டம்,
ஒரத்தநாடு தொகுதியிலும் களமிறங்கினர். இருவரும் வெற்றி
பெற்றுள்ளனர்.
-
ஆனால், அ.தி.மு.க., ஆட்சியை பறிகொடுத்துள்ளது. எனவே,
இருவரும் எம்.பி., பதவியில் தொடர்வரா அல்லது துறப்பரா
என்ற கேள்வி எழுந்துள்ளது. எம்.பி., பதவியை தொடர்ந்தால்,
எம்.எல்.ஏ., பதவியை ராஜினாமா செய்ய வேண்டும்.
-
அந்த தொகுதிகளுக்கு, இடைத்தேர்தல் நடக்கும். எம்.எல்.ஏ.,
பதவியில் இருந்தால், எம்.பி., பதவியை ராஜினாமா செய்ய
வேண்டும். அப்போது, எம்.பி., பதவிக்கு இடைத்தேர்தல் வரும்.
-
எனவே, இவர்கள் இருவரால், எம்.பி., பதவி அல்லது எம்.எல்.ஏ.,
பதவிக்கு, இடைத்தேர்தல் வருவது உறுதியாகி உள்ளது.
ஏற்கனவே, அ.தி.மு.க., - எம்.பி., முகமது ஜான் மறைவு
காரணமாக, அவரது எம்.பி., பதவி காலியாக உள்ளது.
-
தினமலர்

ayyasamy ram: வழிநடத்துனர்; பதிவுகள் : 83749
இணைந்தது : 30/09/2013