நோட்டா −− ப.வீரக்குமார், திருச்சுழி.

நோட்டா
−−−−−−−−
ஆறறிவு நாய்களுக்குப் போடும்
எலும்புத் துண்டு தான்
நோட்டா!
வாய் பேச விடாது
சங்கிலியில் கட்டப்பட்ட
மனிதனின் வாய்மூடும்
நோட்டா!
குவாட்டரும் பிரியாணியும்
வாங்கர் தரும்
நோட்டா!
கூட்டத்திற்குக் கூட்டம்
ஏற்றிச் செல்லும்
விலங்குக்குத் தருமந்த
நோட்டா!
விடியாத இருட்டு
நேரத்தில் − பேயாய்
அலைந்து கட்டுக்கட்டாய்
மஞ்சள் பையில் திணித்து
விநியோகிக்கும்
நோட்டா!
ஐந்து வருட குத்தகைக்கு
கையூட்டுக் கொடுக்கும்
நோட்டா!
அஞ்ஞான மனிதரை
அரற்றி மிரட்டிப்
புடுங்கும் − அந்த
நோட்டா!
கமிசன் தொகை கேட்டு
கரண்ட் போல ஷாக்கடிக்கும்
கத்தை கத்தை
நோட்டா!
தோண்டாத கிணறுக்கு
வேண்டாத வேலியிட்டு
காணாமல் போன கணக்கு
அதிலுனக்கு வந்த
நோட்டா!
முடியாட்சி மன்னரெல்லாம்
பிடி சாம்பல் ஆனபின்பும்
குடியாட்சி முடியானதோ!
அதற்கும் மாறும்
நோட்டா!
அள்ளிக் கொடுத்த
அரசன் போயி − இன்று
கிள்ளிக் கொடுத்த ஆட்சியும் போயி
இரும்புப் பெட்டியில்
கருப்பாய் அடைந்தது
நோட்டா!
ஆண்டவனையும் மயக்கி
அமெரிக்காவிற்கு அனுப்பி
அவர் தந்த பிச்சையில் வந்த
நோட்டா!
காட்டை அழித்து
கள்ளத்தன விற்பனையில்
பழம் போயி , புதிதாக வந்த
நோட்டா!
நீங்க வாங்கின
கடனுக்கு − எங்க
தலைமேலேயும் கடன்
நோட்டா!
5 ரூபாய் டாக்டர் எங்கே?
வசனம் பேசியபின், ஊதியம்
கோடி கோடி
நோட்டா!
மனமாற்றமும்
மதமாற்றமும்
கடலலையாய் திரளும்
நோட்டா!
காசு வாங்கி
ஓட்டுப் போடும்
மண்டுக்குத் தெரியாது?
ஓட்டின் மதிப்பு;
தெரிந்ததெல்லாம், எனக்கு
இந்த கவரிலுள்ள
நோட்டா!
குனிந்து கிடந்தவன்
நிமிர்ந்து நடந்தான்
கீழே கிடந்தது
நோட்டா!
ஊழல் ஊழலெனக்
கத்துவோம் − இடையில்
உருவுவோம் அதுவும் பச்சையான
நோட்டா!
பாசமெல்லாம் ஓடி வரும்
பந்தமெல்லாம் தேடி வரும்
ஆட்டம் முடிந்தால்
ஓட்டங் காணும் பாசமெல்லாம்
இனி வரும் − எங்களுக்குப்
பை நிறைய
நோட்டா!........
−−−− ப.வீரக்குமார், திருச்சுழி

எல்லா கட்சிகளும் நோட்டா(க) கொடுத்து
மக்கள் ஓட்டை வாங்க நினைத்தால்
நோட்டாவில் போட்டு விடவேண்டும் மக்களும்.

ஆமாம் ஐயா, பணம் பெற்று வாக்களித்தால்
நமக்கான உரிமைகள் மறுக்கப்படுகிறதே

நன்றி ஐயா