அரைசதம் கடந்ததும் கோலி சொன்னது... : இஷான் கிஷன் ஓபன் டாக்

-
இந்தியா மற்றும் இங்கிலாந்து அணிகளுக்கு இடையே நேற்றைய இரண்டாவது டி 20 போட்டியில் இந்திய அணி அபார வெற்றி பெற்றது.

இந்த போட்டியில், மும்பை இந்தியன்ஸ் வீரர்களான சூர்யகுமார் யாதவ் மற்றும் இஷான் கிஷான் ஆகியோர் களமிறங்கினர்.

இந்த போட்டியில் முதலில் பேட்டிங் செய்த இங்கிலாந்து அணி, 20 ஓவர்கள் முடிவில் 6 விக்கெட்டுகள் இழப்புக்கு 164 ரன்கள் எடுத்தது. இதனை தொடர்ந்து விளையாடிய இந்திய அணி, 18 ஆவது ஓவரில் 3 விக்கெட்டுகளை மட்டுமே இழந்து வெற்றி இலக்கை அடைந்தது.

இந்திய அணி சார்பில் அதிகபட்சமாக, கேப்டன் விராட் கோலி 73 ரன்களும், இஷான் கிஷான் 56 ரன்களும் எடுத்தனர். தனது அறிமுக போட்டியிலேயே, அரை சதமடித்த இளம் வீரர் இஷான் கிஷானுக்கு, முன்னாள் வீரர்கள் பலர் பாராட்டுக்களைத் தெரிவித்து வருகின்றனர்.

இந்நிலையில், இந்த போட்டிக்கு பின்னர் இந்திய சுழற்பந்து வீச்சாளர் சாஹலுடன் தனது அறிமுக போட்டி குறித்து இஷான் கிஷான் பேசினார்.

அப்போது பேசிய இஷான் கிஷான், 'எந்தவொரு இளைஞருக்கும், தனது நாட்டுக்காக கிரிக்கெட் ஆடுவது என்பது, பெருமையான தருணமாக இருக்கும். அப்படி ஒரு வாய்ப்பு எனக்கு கிடைத்ததில் நான் மிகவும் மகிழ்ச்சியடைகிறேன்' என்றார்.

அதனை தொடர்ந்து, கேப்டன் கோலியுடன் பேட்டிங் செய்தது குறித்து பேசிய இஷான் கிஷான், 'நான் ஐம்பது ரன்களை எட்டினேனா என்பதை தெரியாமல் இருந்தேன். அப்போது கோலி, 'சிறந்த இன்னிங்ஸ்' என பாராட்டி பேட்டை உயர்த்தி மைதானம் முழுவதையும் சுற்றிக் காட்டு. இது உனது முதல் அரை சதம்' என என்னிடம் அறிவுறுத்தினார்.

ஒரு நிமிடம் கோலி சொன்னதை ஒரு கட்டளை போல எண்ணி, உடனடியாக நான் பேட்டை உயர்த்திக் காட்டினேன்' என இஷான் கிஷன் தெரிவித்தார்

நன்றி-குமுதம்

அப்பாவியாக உள்ளார்.
முகத்தில் குழந்தைத்தனம் தெரிந்தது.
நன்றாக வளர வாழ்த்துக்கள்.
பார்த்தீவ் படேல் நினைவுக்கு வந்தார்.