தாய்த் தமிழுக்காகப் புதிய வாழ்த்து

by Guest Wed Mar 10, 2021 12:42 pm

தாய்த் தமிழுக்காகப் புதிய வாழ்த்து...

நாட்படு தேறலுக்காக உலகத் தமிழர்கள் நிலம் கடந்து பாடும் பொதுவான தமிழ்த்தாய் வாழ்த்தாக
ஒரு பாடல் புனைந்திருக்கிறேன்.
உலகத் தமிழர்களுக்கு இது என் காணிக்கை… வைரமுத்து
*

எழுத்தும் நீயே
சொல்லும் நீயே
பொருளும் நீயே
பொற்றமிழ்த் தாயே

அகமும் நீயே
புறமும் நீயே
முகமும் நீயே
முத்தமிழ்த் தாயே

உனக்கு வணக்கம் தாயே – எம்மை
உலக மாந்தராய் உய்யச் செய்வாயே!
*
ஆயிரமாயிரம் ஆண்டுகள் எங்கள்
ஆன்ற புலவோர் எழுத்தில் இருந்தாய்
உழுதும் விதைத்தும் உலகைச் சமைத்த
உழைக்கும் மக்கள் சொல்லில் இருந்தாய்

ஆழி அலையிலும் ஆயுத மழையிலும்
அழிந்துபடாத பொருளாய் இருந்தாய்
நிலவும் கதிரும் நிலவும் வரையில்
நீயே தமிழே எங்கள் முதல்தாய்

உனக்கு வணக்கம் தாயே – எம்மை
உலக மாந்தராய் உய்யச் செய்வாயே!
*
காலக் கடலில் கரைந்த நாட்களை
ஓலைச் சுவடியில் ஓதி முடித்தாய்
காதல் வீரம் ஞானம் மானம்
கவியில் கலையில் கட்டி வளர்த்தாய்

அகிலத்துக்கே தமிழர் சேதி
அறமே அறமே என்று திளைத்தாய்
எத்துணை தலைமுறை மாறிய போதும்
எம்துணை யாக என்றும் நிலைத்தாய்

உனக்கு வணக்கம் தாயே – எம்மை
உலக மாந்தராய் உய்யச் செய்வாயே!

by **ayyasamy ram** Wed Mar 10, 2021 3:55 pm

தாய்த் தமிழுக்காகப் புதிய வாழ்த்து 3838410834

-
சிந்தனைக்கு
-
தாய்த் தமிழுக்காகப் புதிய வாழ்த்து Images?q=tbn:ANd9GcQl0WuuAz9NJmp32BW86Gmu1TKY-SWn9h5yzw&usqp=CAU

by **ayyasamy ram** Wed Mar 10, 2021 4:01 pm

by **ayyasamy ram** Wed Mar 10, 2021 4:03 pm

by **ayyasamy ram** Wed Mar 10, 2021 4:11 pm

தாய்த் தமிழுக்காகப் புதிய வாழ்த்து 3138264542_5719167fda

-

-
கவிஞர் இரா இரவி

by Guest Wed Mar 10, 2021 9:06 pm

தாய்த் தமிழுக்காகப் புதிய வாழ்த்து 8JI3L4cZTfmshgPwRVst+C{10}

ரவி -ரவிஞர் .ஒருவரா இருவரா?

by **T.N.Balasubramanian** Wed Mar 10, 2021 9:33 pm

கவிஞர் இரா இரவி என்ற பெயரில் ஈகரையில் பதிவு செய்தவர் ஒருவர் உண்டு .
ஒருவேளை ரவிஞர் ஆகிவிட்டாரோ?

அவருக்கே வெளிச்சம்.

by **ayyasamy ram** Wed Mar 10, 2021 9:44 pm

தமிழின் இமயம் திருவள்ளுவர்
என்ற கவிதையை எழுதியவர்
ஈகரையில் பதிவு செய்துள்ள
கவிஞர் இரா இரவி என்பவரே ஆவார்.
-
பதிவில் பெயர் திருத்தம் செய்யப்பட்டது.
-
இவர் ஹைகூ கவிதைகள் அதிகமாக
வடித்துள்ளார்.
மேலும் பல கவிதை நூல்களுக்கு முன்னுரை
எழுதியுள்ளார்.
பல கவிதை நூல்களை ஆய்வு செய்து
ஆய்வுக்கட்டுரைகளை ஈகரையிலும்,
மற்ற தமிழ் தளங்களிலும் பதிவிட்டு வந்துள்ளார்.
-
”ஹைக்கூ உலா” கவிஞரின் 17வது
கவிதை நூல் ஆகும்
---
தாய்த் தமிழுக்காகப் புதிய வாழ்த்து IMG-20200104-WA0006