தண்ணீருக்கு பதில் சானிடைசரை குடித்த மும்பை மாநகராட்சி அதிகாரி

by **ayyasamy ram** Thu Feb 04, 2021 6:50 am

மும்பை:
மும்பை மாநகராட்சி இணை ஆணையர் ரமேஷ் பவார்,
தண்ணீருக்கு பதிலாக சானிடைசரை குடித்த சம்பவம்
பரபரப்பை ஏற்படுத்தியது.

மஹாராஷ்டிரா மாநிலம் மும்பை மாநகராட்சியின்
பட்ஜெட் தாக்கல் செய்யும் கூட்டம் இன்று (பிப்.,03)
நடைபெற்றது. அப்போது, மாநகராட்சி இணை ஆணையர்
ரமேஷ் பவார், பேசுவதற்கு முன்பாக, மேஜையின் மீதிருந்த
தண்ணீருக்கு பதிலாக கைகழுவ பயன்படுத்தப்படும்
சானிடைசர் பாட்டிலை எடுத்து குடித்தார்.

இதனை பார்த்த உதவியாளர்கள் அவரை மேலும் குடிக்காமல்
தடுத்தனர். இந்த சம்பவத்தால் அங்கு சிறிது நேரம் பரபரப்பு
ஏற்பட்டது.

இதுகுறித்து ரமேஷ் பவார் கூறுகையில்,
'எனது உரையைத் துவங்குவதற்கு முன்பு நான் தண்ணீர்
குடிக்க வேண்டும் என்று நினைத்தேன். அதனால் மேஜையில்
இருந்த பாட்டிலை எடுத்து குடித்தேன்.

அங்கு வைக்கப்பட்டுள்ள தண்ணீர் பாட்டில்களும் சானிடைசரும்
ஒரே மாதிரி இருந்தன. நான் அதை குடித்த உடனே தவறை
உணர்ந்தேன். இதுபோன்ற சம்பவங்கள் தற்செயலாக நடப்பது
இயல்பு,' எனக்கூறினார்.

மஹா., மாநிலம் யவத்மாலில் சமீபத்தில் 12 குழந்தைகளுக்கு
போலியோ சொட்டு மருந்துக்கு பதில் சானிடைசர் திரவத்தை
அலட்சியத்துடன் வழங்கியதால் குழந்தைகளுக்கு வாந்தி,
வயிறு கோளாறு ஏற்பட்டது குறிப்பிடத்தக்கது.

தினமலர்

by **T.N.Balasubramanian** Thu Feb 04, 2021 5:51 pm

அஜாக்கிரதை அனுமதிக்கமுடியாததொன்று.
அந்த இடத்தில அதை வைக்கவேண்டிய அவசியமே இல்லை என்றே எண்ணுகிறேன்.

தண்ணீருக்கு பதில் சானிடைசரை குடித்த மும்பை மாநகராட்சி அதிகாரி

தண்ணீருக்கு பதில் சானிடைசரை குடித்த மும்பை மாநகராட்சி அதிகாரி

Re: தண்ணீருக்கு பதில் சானிடைசரை குடித்த மும்பை மாநகராட்சி அதிகாரி