Latest topics

கொரோனா அச்சுறுத்தல்: பார்லி., குளிர்கால தொடர் ரத்து

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

கொரோனா அச்சுறுத்தல்: பார்லி., குளிர்கால தொடர் ரத்து

Post by ayyasamy ram Tue Dec 15, 2020 5:28 pm

புதுடில்லி:
கொரோனா அச்சுறுத்தல் காரணமாக, பார்லிமென்ட் குளிர்கால
தொடர் ரத்து செய்யப்படுவதாக, பார்லிமென்ட் விவகாரத்துறை
அமைச்சர் பிரஹலாத் ஜோஷி தெரிவித்துள்ளார்.

பார்லிமென்ட் குளிர்கால கூட்டத்தொடர் நவம்பர் மாத இறுதியில்
நடத்தப்படுவது வழக்கம். தற்போது கொரோனா பரவல் காரணமாக
குளிர்கால கூட்டத்தொடரை ரத்து செய்ய மத்திய அரசு
திட்டமிட்டுள்ளதாக தகவல் வெளியானது.

குளிர்கால கூட்டத்தொடரை நடத்த எந்த நடவடிக்கையும் எடுக்காத
நிலையில், அடுத்த ஆண்டு ஜனவரி மாதம்,
பட்ஜெட் கூட்டத்தொடருடன் குளிர்கால கூட்டத்தொடரை நடத்துவது
குறித்து பரிசீலனை செய்யப்படுவதாக கூறப்படுகிறது.

இதனிடையே, வேளாண் சட்டம் தொடர்பாக விவாதிக்க பார்லிமென்ட்
சிறப்பு தொடரை கூட்ட வேண்டும் என, சபாநாயகர் ஓம்பிர்லாவுக்கு,
காங்கிரஸ் கட்சியின் லோக்சபா குழு தலைவர் ஆதிர் ரஞ்சன் சவுத்ரி
கடிதம் எழுதியிருந்தார்

இதற்கு பதிலளித்து பார்லிமென்ட் விவகாரத்துறை அமைச்சர்
பிரஹலாத் ஜோஷி எழுதியுள்ள கடிதம்: கொரோனா வைரஸ் பரவல்
காரணமாக பார்லிமென்ட் குளிர்கால கூட்டத்தொடர் ரத்து
செய்யப்படுகிறது.

இது தொடர்பாக, லோக்சபாவில் உள்ள அனைத்து கட்சி தலைவர்களுடன்
ஆலோசனை நடத்தப்பட்டுள்ளது. பட்ஜெட் கூட்டத்தொடர், முன்கூட்டியே
கூட்டலாம் என தெரிவித்துள்ளார்.

தினமலர்

ayyasamy ram: வழிநடத்துனர்; பதிவுகள் : 82799
இணைந்தது : 30/09/2013