‘நிவர்’ புயல் - தற்போதைய நிலவரம் - தொடர் பதிவு

by **ayyasamy ram** Tue Nov 24, 2020 7:01 am

சென்னை,

‘நிவர்’ புயலால் எந்தெந்த மாவட்டங்களில் மழை பெய்யக்கூடும்
என்று சென்னை வானிலை ஆய்வு மையம் வெளியிட்ட
அறிக்கையில் கூறியிருப்பதாவது:-

24-ந் தேதி (இன்று) மழை பெய்யும் மாவட்டங்கள் எவை?

நாகப்பட்டினம், தஞ்சை, திருவாரூர், புதுக்கோட்டை, கடலூர், அரியலூர், பெரம்பலூர் மாவட்டங்களில் இடியுடன் கூடிய அதிக கனமழை பெய்யும்.

சென்னை, காஞ்சீபுரம், ராமநாதபுரம், சிவகங்கை, திருச்சி, கள்ளக்குறிச்சி, விழுப்புரம், வேலூர், திருவண்ணாமலை, ராணிப்பேட்டை, திருப்பத்தூர் மாவட்டங்களில் ஒரு சில இடங்களில் இடியுடன் கூடிய கன மழை முதல் மிக அதிக கன மழை பெய்யக்கூடும். ஏனைய மாவட்டங்களில் இடியுடன் கூடிய லேசானது முதல் மிதமான மழை பெய்யும்.

25-ந் தேதி (நாளை) மழை பெய்யும் மாவட்டங்கள் எவை?

நாகப்பட்டினம், தஞ்சை, திருவாரூர், கடலூர், கள்ளக்குறிச்சி, விழுப்புரம், திருவண்ணாமலை, செங்கல்பட்டு, அரியலூர், பெரம்பலூர் ஆகிய மாவட்டங்களில் ஓரிரு இடங்களில் அதிக கனமழை பெய்யக்கூடும்.

திருச்சி, நாமக்கல், கரூர், ஈரோடு, தர்மபுரி, சேலம், கிருஷ்ணகிரி, சிவகங்கை, ராமநாதபுரம், திருப்பத்தூர், ராணிப்பேட்டை, வேலூர், காஞ்சீபுரம், செங்கல்பட்டு, திருவள்ளூர், புதுக்கோட்டை, சென்னை ஆகிய மாவட்டங்களில் ஒரு சில இடங்களில் இடியுடன் கூடிய கன முதல் மிக கனமழையை எதிர்பார்க்கலாம். ஏனைய வடமாவட்டங்களில் லேசானது முதல் மிதமான மழை பெய்யக்கூடும்.

தினத்தந்தி

by **ayyasamy ram** Tue Nov 24, 2020 7:07 am

நிவர் புயல் மீட்பு பணிகளுக்கு தேசிய பேரிடர் மீட்புப்படையின் 30 குழுக்கள் நியமனம் செய்யப்பட்டுள்ளது.

புதுடெல்லி,

வங்க கடலில் உருவாகி உள்ள நிவர் புயல் நாளை (புதன்கிழமை) கரையை கடக்கிறது. இதனால் தமிழகம், புதுச்சேரி, ஆந்திரா மாநிலங்களின் கடலோர மாவட்டங்களில் கடுமையான பாதிப்பு ஏற்படும் என எச்சரிக்கப்பட்டு உள்ளது. எனவே இந்த புயல் மீட்பு மற்றும் முன்எச்சரிக்கை நடவடிக்கைகளில் மாநில அரசுகள் தீவிரம் காட்டி வருகின்றன.

இந்த மீட்பு மற்றும் நிவாரண பணிகளில் மாநில அரசுகளுக்கு உதவுவதற்காக தேசிய பேரிடர் மீட்புப்படையில் (என்.டி.ஆர்.எப்.) இருந்து 30 குழுவினர் இந்த மாநிலங்களுக்கு வருகை தர உள்ளனர். ஒவ்வொரு குழுவிலும் 35 முதல் 45 வரையான வீரர்கள் இடம்பெறுவார்கள். இதில் 12 குழுக்கள் புயலால் பாதிக்கப்படும் பகுதிகளில் நிறுத்தப்படுவார்கள். 18 குழுக்கள் தயாராக வைக்கப்பட்டிருப்பார்கள்.
=
‘நிவர்’ புயல் - தற்போதைய நிலவரம் - தொடர் பதிவு 202011240550561022_Cyclone-Nivar-NDRF-Deputes-30-Teams-For-Rescue-Operations_SECVPF

‘நிவர்’ புயல் - தற்போதைய நிலவரம் - தொடர் பதிவு 202011240550561022_Cyclone-Nivar-NDRF-Deputes-30-Teams-For-Rescue-Operations_SECVPF

இந்த தேசிய பேரிடர் மீட்புக்குழுவினர் மக்களை பாதுகாப்பான இடங்களுக்கு வெளியேற்றுதல், மீட்பு மற்றும் நிவாரணப்பணிகளில் மாநில அரசு அதிகாரிகளுடன் இணைந்து பணியாற்றுவார்கள். முறிந்து விழும் மரங்களை அகற்றுவதற்கு நவீன ஆயுதங்கள், அடிப்படை மருந்துகள் மற்றும் உபகரணங்களும் இந்த படையினரிடம் இருக்கும் என என்.டி.ஆர்.எப். வட்டாரங்கள் தெரிவித்தன.

by **ayyasamy ram** Tue Nov 24, 2020 7:16 am

நிவார் புயல் திசை மாறவும் வாய்ப்புள்ளது: 'வெதர்மேன்' கணிப்பு
-
‘நிவர்’ புயல் - தற்போதைய நிலவரம் - தொடர் பதிவு Tamil_News_large_2658204

-
சென்னை:
நிவார் புயல் நெருக்கமாக வரும்போது, திசைமாறவும் வாய்ப்பு உள்ளது
என தனியார் வானிலை ஆய்வாளர் பிரதீப் ஜான் கணித்துள்ளார்.
‘நிவர்’ புயல் - தற்போதைய நிலவரம் - தொடர் பதிவு Gallerye_003742741_2658204

‘நிவர்’ புயல் - தற்போதைய நிலவரம் - தொடர் பதிவு Gallerye_003742741_2658204

இந்நிலையில், தனியார் வானிலை ஆய்வாளர் பிரதீப் ஜான்,
தனது டுவிட்டரில் பதிவிட்டதாவது:

நிவார் புயல் சென்னைக்கு அருகில் கரையை கடக்கும் என
கணிக்கப்பட்டுள்ளது. நாளை இரவு, 70 நாட்ஸ் வேகத்தில்
புயல் காற்று வீசக்கூடும். வர்தா புயலின் வேகம் 65 நாட்ஸ்
அளவில் இருந்தது.

இருப்பினும் புயல் நெருக்கமாக வரும் போது திசை மாறவும்
வாய்ப்பு உள்ளது.

புயல் எங்கு கடக்கும் என்பது இன்று உறுதியாக தெரியவரும்.
நகரப்பகுதி அல்லாத, மக்கள் வசிப்பிடம் அதிகம் இல்லாத
பகுதிகளில் புயல் கரையை கடக்கும் என நம்புவோம்.
இவ்வாறு அவர் பதிவிட்டுள்ளார்.

தினமலர்

by **ayyasamy ram** Tue Nov 24, 2020 10:19 am

சென்னை, காஞ்சிபுரம், திருவள்ளூர், செங்கல்பட்டு
ஆகிய நான்கு மாவட்டங்களில் கனமழை முதல்
மிக கனமழை பெய்ய வாய்ப்புள்ளதாக
காலை நிலவரப்படி சென்னை வானிலை ஆய்வு மையம்
தெரிவித்துள்ளது.

by **ayyasamy ram** Tue Nov 24, 2020 12:31 pm

நாகை:

சென்னைக்கு தென்கிழக்கே 450 கி.மீ., புதுச்சேரிக்கு அருகே 410 கி.மீ. தொலைவில் நிவர் புயல் மையம் கொண்டுள்ளது.

நிவர் புயல் 24 மணி நேரத்தில் தீவிர புயலாக மேலும் வலுப்பெறும். தீவிர புயலான நிவர் புயல் நாளை மாலை கரையை கடக்க உள்ளது.

நிவர் புயல் காரணமாக நாகை, காரைக்கால் துறைமுகங்களில் 5ம் எண் புயல் எச்சரிக்கை கூண்டு ஏற்றப்பட்டுள்ளது.

கடலூர் துறைமுகத்தில் 7ம் எண் புயல் எச்சரிக்கை கூண்டு ஏற்றப்பட்டுள்ளது.

சென்னை எண்ணூர் துறைமுகத்தில் 6ம் எண் எச்சரிக்கை கூண்டு
ஏற்றப்பட்டுள்ளது.

மாலைமலர்

by Sponsored content

‘நிவர்’ புயல் - தற்போதைய நிலவரம் - தொடர் பதிவு

‘நிவர்’ புயல் - தற்போதைய நிலவரம் - தொடர் பதிவு

Re: ‘நிவர்’ புயல் - தற்போதைய நிலவரம் - தொடர் பதிவு

Re: ‘நிவர்’ புயல் - தற்போதைய நிலவரம் - தொடர் பதிவு

Re: ‘நிவர்’ புயல் - தற்போதைய நிலவரம் - தொடர் பதிவு

Re: ‘நிவர்’ புயல் - தற்போதைய நிலவரம் - தொடர் பதிவு

Re: ‘நிவர்’ புயல் - தற்போதைய நிலவரம் - தொடர் பதிவு