Latest topics

திரைப்பட தயாரிப்பாளர் சங்க தேர்தல்

ஈகரை தமிழ் களஞ்சியம் :: பொழுதுபோக்கு :: சினிமா

Page 1 of 1

திரைப்பட தயாரிப்பாளர் சங்க தேர்தல்

Post by ayyasamy ram Mon Oct 26, 2020 5:50 am

-
தமிழ் திரைப்பட தயாரிப்பாளர்கள் சங்கத்துக்கு
புதிய நிர்வாகிகளுக்கான தேர்தல் அடுத்த மாதம்
(நவம்பர்) 22-ந்தேதி நடைபெற இருக்கிறது.

திரைப்பட தயாரிப்பாளர் சங்க தேர்தல்-
தலைவர் பதவிக்கு 3 பேர் போட்டி

டி.ராஜேந்தர்- முரளி- பி.எல்.தேனப்பன்

தமிழ் திரைப்பட தயாரிப்பாளர்கள் சங்கத்துக்கு
2 வருடங்களுக்கு ஒருமுறை தேர்தல் நடைபெறும். புதிய
நிர்வாகிகளுக்கான தேர்தல் அடுத்த மாதம் (நவம்பர்) 22-ந்
தேதி நடைபெற இருக்கிறது.

அதில் தலைவர் பதவிக்கு டி.ராஜேந்தர்,
‘தேனாண்டாள் பிலிம்ஸ்’ என்.ராமசாமி என்கிற
முரளி ராம.நாராயணன்,
பி.எல்.தேனப்பன் ஆகிய 3 பேர் போட்டியிடுகிறார்கள்.

துணைத் தலைவர்கள் பதவிக்கு சிவசக்தி பாண்டியன்,
பி.டி.செல்வகுமார், முருகன், ஆர்.கே.சுரேஷ் ஆகிய 4 பேர்
போட்டியிடுகிறார்கள்.

செயலாளர்கள் பதவிக்கு ‘கலைப்புலி’ ஜி.சேகரன்,
மன்னன், சுபாஷ் சந்திரபோஸ், ராதாகிருஷ்ணன், ராஜேஷ்
ஆகியோரும்,

பொருளாளர் பதவிக்கு கே.ராஜன், சந்திரபிரகாஷ் ஜெயின்
ஆகியோரும் போட்டியிடுகிறார்கள்.

வேட்பு மனு தாக்கல், கடந்த 15-ந் தேதி தொடங்கியது.
டி.ராஜேந்தர், முரளி, பி.எல்.தேனப்பன் ஆகிய 3 பேரும் நேற்று
முன்தினம் வேட்பு மனு தாக்கல் செய்தார்கள். வேட்பு மனுவை
வாபஸ் பெற வருகிற 29-ந்தேதி கடைசி நாள். ஓட்டுப்பதிவு
நவம்பர் 22-ந்தேதி காலை 8 மணிக்கு தொடங்கும். அன்று
மாலையே முடிவுகள் அறிவிக்கப்படும்.

மாலைமலர்

ayyasamy ram: வழிநடத்துனர்; பதிவுகள் : 83749
இணைந்தது : 30/09/2013