இதுவும் பழசு.

by ஸ்ரீ கிருஷ்ணன் Sat Jan 09, 2010 6:53 pm

இதுவும் பழசு.

நான்
இப்போது எழுத நினைத்த
கவிதையை
யாரேனும்
எழுத நினைத்திருக்கலாம்.

நான்
நேற்று எழுதிய கவிதையை
யாரேனும்
என்றோ எழுதியிருக்கலாம்.

யாரும் எழுதவில்லை என
நான்
வார்த்தைகளால்
கோத்து வைத்த கவிதையை,
என்றேனும்
ஓர் செல்லரித்த ஓலைச் சுவடி
சுமந்து கனத்திருக்கலாம்.

வெளிக்காட்டாத
டைரிகள் ஏதேனும்
அவற்றை
ஒலிபரப்பு செய்யாமல்
ஒளித்து வைத்திருக்கலாம்.

இல்லையேல்,
மனசுக்குள் மட்டுமாவது
யாரேனும்
முனகிப் பார்த்திருக்கலாம்.

எனக்கே எனக்கான
என்
அனுபவக் கவிதைகள் கூட,
ஏதேனும்
கிராமத்துத் திண்ணைகள்
அனுபவித்து உரையாடியிருக்கலாம்.

எதுவும்
புதிதென்று என்னிடம்
எதுவுமே இல்லை.

எல்லாமே
நேற்றின் நீட்சிகள்,
இல்லையேல்
துண்டிக்கப்பட்ட
கடந்தகாலக் காற்றின்
இணைப்புகள் மட்டுமே.

by mdkhan Sat Jan 09, 2010 7:04 pm

நான் இங்கு பதிவிட நினைப்பதை
வேறு யாரேனும் பதிவிட நினைத்திருக்கலாம்.....

நான் இங்கு பதிவிடாவிட்டாலும்
என் மனதில் நினைத்ததை வேறு யாரேனும் பின்பு பதிவிட்டு விடலாம்.........

அதான் இப்பொழுதே அதை பதிவிட்டு விடுகிறேன்........

பாராட்டுக்கள் சூப்பர்..... வித்தியாசமான கவிதை இதுவும் பழசு. Icon_lol

by **இளமாறன்** Sat Jan 09, 2010 7:35 pm

காலங்கள் போட்ட
கோலங்களில்....
நீயும் நானும் ஓர் புள்ளியாய்...

நேற்று பெய்த மழை துளி
இன்று பெய்த மழை துளி
வித்தியாசங்கள் இல்லையே

by பாலாஜி Sat Jan 09, 2010 7:37 pm

பாராட்டுக்கள் இதுவும் பழசு. 677196

by முபிஸ் Sat Jan 09, 2010 10:56 pm

வாழ்த்துக்கள்......

by அப்புகுட்டி Sun Jan 10, 2010 12:30 am

இப்படியெல்லாம் சொல்லிட்டு என் மனதில் உள்ளதையெல்லாம் இப்படி வெளிப்படுத்தி விட்டீர்கள் வாழ்த்துக்கள்
மகிழ்ச்சி

by **Manik** Sun Jan 10, 2010 9:16 am

நண்பர் கிருஷ்ணன் எப்பவுமே கவிதைகளில் கலக்குவார் அவரோட கவிதைனா எப்பவும் சூப்பரா தான் இருக்கும் ஆனால் இது ஒரு வித்தியாசமான கவிதை (கானைப் பாத்து காப்பி அடிச்சேன்னு சொல்லாதீங்க) உண்மையிலே கவிதை ரொம்ப சூப்பர்