மிஹீகாவை திருமணம் செய்துக் கொண்டார் ராணா

by **ayyasamy ram** Sun Aug 09, 2020 9:31 am

-

மிஹீகாவை திருமணம் செய்துக் கொண்டார் ராணா 202008082228167778_1_rana-2._L_styvpf

நடிகர் ராணா லீடர் என்கிற தெலுங்குப் படம் மூலமாகத் திரையுலகில்
அறிமுகமானார். பாகுபலி படம் தான் இவரை புகழின் உச்சத்துக்குக்
கொண்டு நிறுத்தியது. இவர் தமிழில் ஆரம்பம், இஞ்சி இடுப்பழகி,
பெங்களூர் நாட்கள் ஆகிய படங்களிலும் நடித்துள்ளார்.

ராணாவுக்கும் ஐதராபாத்தை சேர்ந்த மிஹீகா பஜாஜ் என்ற பெண் தொழில்
அதிபருக்கும் திருமணம் ஆகஸ்ட் 8-ந் தேதி நடைபெற இருப்பதாக
அறிவிக்கப்பட்டது.

கொரோனா வைரஸ் ஊரடங்கு காரணமாக திருமணத்துக்கு வரும்
விருந்தினர்களுக்கு கட்டுப்பாடுகள் விதித்துள்ளதாக தகவல்கள்
வெளியானது. திருமண நிகழ்ச்சியில் பங்கேற்க வரும் ஒவ்வொருவரும்
கொரோனா பரிசோதனை செய்து தொற்று இல்லை என்பதை உறுதி
செய்திருக்க வேண்டும் என்று தெரிவிக்கப்பட்டது.

ராணா திருமணம்

இதையடுத்து நெருங்கிய நண்பர்கள் உறவினர்கள் மட்டுமே இந்த
திருமணத்தில் கலந்துக் கொள்வார்கள் என்று அறிவிக்கப்பட்டது.
இந்நிலையில், இன்று காலை திருமண கோலத்தில் ராணா இருக்கும்
புகைப்படங்களும், மணப்பெண் மிஹீகா புகைப்படங்களும் சமூக
வலைத்தளத்தில் வெளியானது.

பின்னர் மிஹீகாவை திருமணம் செய்து கொண்டார் ராணா.
இவர்களுக்கு திரையுலக பிரபலங்கள் மற்றும் ரசிகர்கள் வாழ்த்து
தெரிவித்து வருகிறார்கள்.

மாலைமலர்